മിനിമം നിരക്ക് എട്ടില്‍നിന്ന് പത്ത് രൂപയായാണ് ഉയര്‍ത്തിയത്. കൂടിയ നിരക്കാകട്ടെ 30 രൂപയില്‍നിന്ന് 50 രൂപയുമാക്കി. നിരക്ക് കൂട്ടിയതിനെതുടര്‍ന്ന് ഡെല്‍ഹി മെട്രോയില്‍ യാത്രക്കാരുടെ എണ്ണം കുത്തനെ കുറഞ്ഞു.

കഴിഞ്ഞ വര്‍ഷത്തെ ഇതേസമയവുമായി താരതമ്യം ചെയ്യുമ്പോള്‍ യാത്രക്കാരുടെ എണ്ണത്തില്‍ ദിനംപ്രതി ശരാശരി 1.5 ലക്ഷത്തോളമാണ് കുറവുണ്ടായിട്ടുള്ളത്. 2016 ജൂണില്‍ ഡെല്‍ഹി മെട്രോയില്‍ 27.21 ലക്ഷം പേരാണ് യാത്ര ചെയ്തത്. അതേസമയം ഈവര്‍ഷം ജൂണിലാകട്ടെ യാത്ര ചെയ്തവരുടെ എണ്ണം 25.71 ലക്ഷമായി കുറഞ്ഞു.

കശ്മീരി ഗേറ്റ്(ലൈന്‍ 6)റൂട്ടില്‍മാത്രമാണ് യാത്രക്കാരുടെ എണ്ണത്തില്‍ വര്‍ധനവുണ്ടായത്. ഐടിഒയില്‍നിന്ന് കശ്മീരി ഗേറ്റിലേയ്ക്ക് നീട്ടിയതിനാലാണ് ഈ റൂട്ടില്‍ മെട്രോയെ കൂടുതല്‍ പേര്‍ ആശ്രയിക്കാന്‍ കാരണം. മിനിമം നിരക്ക് എട്ടില്‍നിന്ന് പത്ത് രൂപയായാണ് ഉയര്‍ത്തിയത്. കൂടിയ നിരക്കാകട്ടെ 30 രൂപയില്‍നിന്ന് 50 രൂപയുമാക്കി. 2009ല്‍ ആദ്യമായി നിരക്ക് വര്‍ധിപ്പിച്ചപ്പോള്‍ യാത്രക്കാരുടെ എണ്ണത്തില്‍ അഞ്ച് ശതമാനത്തോളം കുറവുണ്ടായതായി മെട്രോ അധികൃതര്‍ പറയുന്നു.