ബജറ്റില് പ്രഖ്യാപിച്ച ദീര്ഘകാല മൂലധനാദായ നികുതി നിലവില് വരുന്നത് ഏപ്രില് ഒന്നു മുതല്
ബജറ്റില് പ്രഖ്യാപിച്ച ദീര്ഘകാല മൂലധനാദായ നികുതി ഏപ്രില് ഒന്നു മുതല് വില്ക്കുന്ന ഓഹരികള്ക്കേ ബാധകമാകൂ. നികുതി കണക്കാക്കുന്നത് ജനുവരി 31ലെ വിലയും വാങ്ങിയ വിലയും നോക്കിയിട്ട് ഏതാണോ കൂടുതല് അതു വാങ്ങല്വിലയായി നിശ്ചയിച്ചിട്ടാണ്. ധനമന്ത്രാലയം ഇറക്കിയ വിശദീകരണക്കുറിപ്പിലാണ് ഇതു പറയുന്നത്. ഫെബ്രുവരി ഒന്നു മുതല് മാര്ച്ച് 31 വരെയുള്ള വില്പനകള്ക്ക് ഈ നികുതി ബാധകമല്ല. അവയ്ക്ക് ആദായ നികുതി നിയമം 10(38) വകുപ്പനുസരിച്ചു ദീര്ഘകാല മൂലധനാദായത്തിന് ഒഴിവ് ലഭിക്കും.
ലിസ്റ്റ് ചെയ്ത ഓഹരികള്ക്കു ജനുവരി 31ന് ഏതെങ്കിലും ഓഹരി എക്സ്ചേഞ്ചില് ലഭിച്ച ഏറ്റവും കൂടിയ വില നികുതി നിര്ണയത്തിനു പരിഗണിക്കും. ലിസ്റ്റ് ചെയ്യാത്തവയുടെ അന്നത്തെ അറ്റ ആസ്തിമൂല്യം (എന്എവി) എടുക്കും. ഒരു വര്ഷത്തിലേറെ കൈവശം വച്ചിരുന്ന ഓഹരികള്ക്ക് ഇതുവരെ മൂലധനാദായത്തിനു നികുതി ഇല്ലായിരുന്നു. അവയ്ക്കു പത്തു ശതമാനം നികുതി ചുമത്തുകയാണു ബജറ്റ് ചെയ്തത്. ഹ്രസ്വകാല മൂലധനാദായത്തിനു നിലവിലുള്ള 15 ശതമാനം നികുതി തുടരും.
ഒരു വര്ഷത്തിനു മേല് കൈവശം വച്ചിരുക്കുന്നവ വില്ക്കുമ്പോള് നഷ്ടമാണെങ്കില് ആ നഷ്ടം മറ്റു വ്യാപാരങ്ങളിലെ ലാഭവുമായി തട്ടിക്കിഴിക്കുകയോ അടുത്ത വര്ഷത്തേക്കു കാരിഫോര്വേഡ് ചെയ്യുകയോ ആകാം.
https://www.facebook.com/Malayalivartha