സംസ്ഥാനത്ത് സ്വര്ണവിലയില് നേരിയ വര്ദ്ധനവ്...പവന് 280 രൂപ കൂടി
സംസ്ഥാനത്ത് സ്വര്ണവിലയില് ചാഞ്ചാട്ടം തുടരുന്നു. തിങ്കളാഴ്ച പവന് 280 രൂപകൂടി 34,440 രൂപയായി. 4305 രൂപയാണ് ഗ്രാമിന്. ശനിയാഴ്ച 34,160 രൂപയായിരുന്നു വില.
ആഗോള വിപണിയയില് ഒരു ഔണ്സ് സ്വര്ണത്തിന്റെ വില 1,749.30 ഡോളറായി ഉയര്ന്നു. അതേസമയം, കഴിഞ്ഞ 30 ദിവസത്തെ പ്രകടനവുമായി വിലയിരുത്തുമ്പോള് 5.35ശതമാനം താഴെയാണ് ഇപ്പോഴും വില.
കമ്മോഡിറ്റി വിപണിയായ എംസിഎക്സില് 10 ഗ്രാം 24 കാരറ്റിന്റെ ഗോള്ഡ് ഫ്യൂച്ചേഴ്സ് വില 45,736 രൂപയായി താഴുകയുംചെയ്തു.
അതേസമയം ഇതിന് മുമ്പ് കഴിഞ്ഞ ചൊവ്വാഴ്ചയാണ് വില കൂടിയത്. അന്ന് ഗ്രാമിന് 60 രൂപയും പവന് 480 രൂപയുമാണ് വര്ധിച്ചത്. ഒരുപവന് 35080 രൂപയായിരുന്നു. പിന്നീട് തുടര്ച്ചയായി വില കുറഞ്ഞു. ഗ്രാമിന് 115 രൂപയും പവന് 920 രൂപയുമാണ് ഈ ദിവസങ്ങളില് കുറഞ്ഞത്.
2020 ജനുവരി ഒന്നിന് സ്വര്ണവില പവന് 29,000 രൂപയുമായിരുന്നു. ഫെബ്രുവരി ഒന്നായതോടെ 30,400 രൂപ, മാര്ച്ച് ഒന്ന്- 31120, ഏപ്രില് ഒന്ന്- 31360, മേയ് ഒന്ന്- 34080, ജൂണ് ഒന്ന്- 34880, ജൂലൈ ഒന്ന്- 35840, ആഗസ്റ്റ് ഒന്ന്- 40160, സെപ്റ്റംബര് ഒന്ന്- 37800, ഒക്ടോബര് ഒന്ന്- 37280, നവംബര് ഒന്ന്- 37680, ഡിസംബര് ഒന്ന്- 35920 എന്നിങ്ങനെയായിരുന്നു സ്വര്ണവില.
മാര്ച്ച് അവസാനം തുടങ്ങിയ ലോക്ഡൗണ് ജൂലൈയില് അവസാനിക്കുമ്പോള് വില വന്തോതില് ഉയര്ന്നു. വന്കിട കോര്പറേറ്റുകളടക്കം സ്വര്ണത്തില് നിക്ഷേപം നടത്തിയതാണ് വില ഉയരാന് കാരണമായത്. ആഗസ്റ്റ് ഏഴിനുശേഷമാണ് വില ഇടിഞ്ഞുതുടങ്ങിയത്.
https://www.facebook.com/Malayalivartha