സ്വര്‍ണവിലയില്‍ റെക്കോര്‍ഡ് .. പവന് 320 രൂപയുടെ വര്‍ദ്ധനവ്... പവന്‍ 57,000ത്തിനോടടുക്കുന്നു. ഇന്നലെ സ്വര്‍ണവില മാറ്റമില്ലാതെ തുടര്‍ന്നിരുന്നു. ഇന്ന് പവന് 320 രൂപ വര്‍ധിച്ച് 56,800 രൂപയായി .

ചരിത്രത്തിലെ ഏറ്റവും വലിയ വിലയിലാണ് വ്യാപാരം നടക്കുന്നത്. പശ്ചിമേഷ്യയില്‍ ആക്രമണം രൂക്ഷമായതിനെ തുടര്‍ന്നാണ് സ്വര്‍ണവില കുത്തനെ ഉയര്‍ന്നത്. യുദ്ധ ആശങ്കകള്‍ വര്‍ദ്ധിക്കുമ്പോള്‍ സ്വര്‍ണത്തില്‍ നിക്ഷേപങ്ങള്‍ കൂടും. ഇത് വില ഉയര്‍ത്തും. ഉടന്‍ ഒരു വെടിനിര്‍ത്തല്‍ ഉണ്ടായില്ലെങ്കില്‍ വിലവര്‍ധനവ് തുടരും.

അതസമയം ഇന്ന് ഗ്രാമിന് 40 രൂപ വര്‍ദ്ധിച്ച് 7,100 രൂപയായി. വെള്ളിയുടെ വിലയില്‍ ഇന്ന് മാറ്റമില്ല. ഇന്നലെ ഒരു രൂപ വര്‍ധിച്ച് ഒരു ഗ്രാം വെള്ളിയുടെ വില 99 രൂപയായി.