ഓഫറുകളും, ഡിസ്‌ക്കൗണ്ടുകളും ലോകത്ത് പല കമ്പനികളും പല വിധത്തില്‍ ഉപഭോക്താക്കള്‍ക്ക് നല്‍കാറുണ്ട്. പക്ഷേ ചൈനയിലെ ഈ റെസ്റ്റോറന്റ് പ്രഖ്യാപിച്ച ഓഫര്‍ എന്താണെന്ന് കേട്ടാല്‍ ആരുമൊന്നു മൂക്കത്ത് വിരല്‍വെച്ചുപോകും. സ്ത്രീകളുടെ സ്തനങ്ങളെ അടിസ്ഥാനമാക്കിയാണ് റെസ്‌റ്റോറന്റ് ഓഫര്‍ പ്രഖ്യാപിച്ചിരിക്കുന്നത്.

ചൈനയിലെ ഷെജിയാങ്ങ് പ്രവിശ്യയിലെ റെസ്റ്റോറന്റാണ് ഈ വ്യത്യസ്ത ഓഫറുമായി രംഗത്തെത്തിയിരിക്കുന്നത്. ടെന്റി ഷ്രമ്പ് എന്നാണ് റെസ്റ്റോറന്റിന്റെ പേര് ഓഫര്‍ ഇതാണ്: ബ്രായുടെ കപ്പിന്റെ അളവ് അനുസരിച്ചാണ് ഡിസ്‌കൗണ്ട്. വലിയ അളവിലുള്ളതാണ് നിങ്ങളുടെ ബ്രായുടെ കപ്പ് എങ്കില്‍ വലിയ ഡിസ്‌ക്കൗണ്ട് ലഭിക്കും

അശ്ലീല പരസ്യം നല്‍കിയതിന് റെസ്റ്റോറന്റിനെതിരെ വിമര്‍ശം ഉയര്‍ന്നിട്ടുണ്ട്. വരിവരിയായി അടിവസ്ത്രം മാത്രം ധരിച്ച സ്ത്രീകളുടെ കാര്‍ട്ടൂണും ഒപ്പം വിവിധ അളവുകളിലുള്ള ബ്രാ കപ്പുകളും അവയ്ക്ക് ഉള്ള ഡിസ്‌കൗണ്ടുകളും അടങ്ങുന്ന പോസ്റ്റര്‍ റെസ്‌റ്റോറന്റിന്റെ ചുവരില്‍ പതിച്ചിട്ടുണ്ട്.

വിമര്‍ശം ഉയര്‍ന്നതിനെ തുടര്‍ന്ന് പോസ്റ്റര്‍ റെസ്‌റ്റോറന്റിന്റെ ചുവരില്‍ നിന്നും നീക്കം ചെയ്തു. ഓഫര്‍ പ്രഖ്യാപിച്ചതോടെ റെസ്‌റ്റോറിന്റിലേക്ക് എത്തുന്ന ഉപഭോക്താക്കളുടെ എണ്ണം 20 ശതമാനം വര്‍ച്ചധിച്ചതായാണ് റെസ്‌റ്റോറന്റ് അധികൃതര്‍ പറയുന്നത്.