ചിക്കിംഗ് ഇനി യു.കെയിലും; 2025 ഓടെ ലോകത്തിന്റെ വിവിധയിടങ്ങളിലായി 1000 ഔട്ട്‌ലെറ്റുകള്‍
അന്താരാഷ്ട്ര പ്രശസ്തി നേടിയ ഹലാല്‍ ക്വിക്ക് സര്‍വീസ് റെസ്റ്റോറന്റ് ബ്രാന്‍ഡായ ചിക്കിംഗ് യു.കെ മാര്‍ക്കറ്റിലേക്ക് കൂടി പ്രവേശിക്കുന്നു.
ദുബൈ ആസ്ഥാനമായി പ്രവര്‍ത്തിക്കുന്ന ചിക്കിംഗിന്റെയുകെയിലെ ആദ്യ സ്വന്തം ഔട്ട്‌ലെറ്റ് ഈ മാസം 14 തിങ്കളാഴ്ച രാവിലെ 11 മണിക്ക് ലണ്ടനിലെ ആക്ടന്‍ 169 ഹൈസ്ട്രീറ്റില്‍ പ്രവര്‍ത്തനം ആരംഭിക്കുമെന്ന് ചിക്കിംഗ് ചെയര്‍മാനും മാനേജിംഗ് ഡയറക്ടറുമായ എ.കെ.മന്‍സൂര്‍
വാര്‍ത്താസമ്മേളനത്തില്‍ അറിയിച്ചു.
ഏതാനും മാസങ്ങള്‍ക്കുള്ളില്‍ രണ്ട് ഔട്ട്‌ലെറ്റുകള്‍ കൂടി യുകെയില്‍ പ്രവര്‍ത്തനം തുടങ്ങും. രണ്ടാമത്തെ ഔട്ട്‌ലെറ്റ് സെപ്തംബര്‍ 22ന് ലണ്ടനിലെ മാലിബണിലെ എഡ്ജ് വെയര്‍ റോഡില്‍ തുറക്കും. മൂന്നാമത്തെ ഔട്ട്‌ലെറ്റ് 2017 ഡിസംബറില്‍ പ്രവര്‍ത്തനം ആരംഭിക്കുമെന്നും എ.കെ.മന്‍സൂര്‍ പറഞ്ഞു. ദുബൈയിലെ കോണ്‍റാഡ് ഹോട്ടലില്‍ നടന്ന വാര്‍ത്താസമ്മേളനത്തില്‍ എ.കെ.മന്‍സൂറിനൊപ്പം ചിക്കിംഗ് ഓപ്പറേഷന്‍സ് മാനേജര്‍ മഖ്ബൂല്‍മോഡി, ബിഎഫ്ഐ മാനേജ്മെന്റ് ഡിഎംസിസി സിഇഒ ശ്രീകാന്ത് എന്‍ പിള്ള, ഇഎ ക്വാണ്ടം എസ്ഡിഎന്‍ ബിഎച്ച്ഡി ലീഗല്‍ അഡൈ്വസര്‍ ലിയോ എന്നിവരും പങ്കെടുത്തു.
https://www.facebook.com/Malayalivartha
