ഓഹരി വിപണിയില് ഇന്ന് നേട്ടം.... സെന്സെക്സ് 250 പോയിന്റിലധികം കുതിച്ചു,നിഫ്റ്റി 25,250 എന്ന സൈക്കോളജിക്കല് ലെവലിന് മുകളിൽ

ഓഹരി വിപണിയില് ഇന്ന് നേട്ടം . വ്യാപാരത്തിന്റെ തുടക്കത്തില് സെന്സെക്സ് 250 പോയിന്റിലധികമാണ് കുതിച്ചത്. നിഫ്റ്റി 25,250 എന്ന സൈക്കോളജിക്കല് ലെവലിന് മുകളിലാണ്. എണ്ണവില അടക്കമുള്ള വിഷയങ്ങളാണ് ഇന്ന് ഓഹരി വിപണിയില് പ്രതിഫലിച്ചത്.
ബാരലിന് 92 ഡോളറില് തന്നെ നില്ക്കുകയാണ് എണ്ണവില. നവംബറില് ഇതുവരെ വിദേശ നിക്ഷേപകര് ഒന്നടങ്കം 94,299 കോടി രൂപ മൂല്യമുള്ള ഓഹരികളാണ് ഇന്ത്യന് ഓഹരി വിപണിയില് നിന്ന് വാങ്ങിക്കൂട്ടിയത്. ഇതാണ് കഴിഞ്ഞ ദിവസങ്ങളില് ഓഹരി വിപണിയുടെ തിരിച്ചുവരവിന് സഹായകമായത്. നിക്ഷേപകര് യുഎസ് കേന്ദ്രബാങ്കിന്റെ ധന, വായ്പാ നയപ്രഖ്യാപനത്തിനുള്ള കാത്തിരിപ്പിലാണ്.
പലിശനിരക്ക് വര്ദ്ധിപ്പിക്കുകയാണെങ്കില് ഇന്ത്യ അടക്കമുള്ള അതിവേഗം വളരുന്ന വിപണികളില് നിന്ന് നിക്ഷേപം പിന്വലിച്ച് അമേരിക്കയിലെ ബോണ്ടിലും മറ്റും നിക്ഷേപിക്കാനുള്ള സാധ്യതയുണ്ട്. അതുകൊണ്ട് നിക്ഷേപകര് കരുതലോടെയാണ് വിപണിയില് ഇടപെടുന്നത്.
മാരുതി സുസുക്കി, ടാറ്റ മോട്ടോഴ്സ് പാസഞ്ചര് വെഹിക്കിള്, എംആന്റ്എം, ഇന്റര്ഗ്ലോബ് ഏവിയേഷന് ഓഹരികളാണ് പ്രധാനമായി നേട്ടമുണ്ടാക്കുന്നത്. ടെക് മഹീന്ദ്ര, ഇന്ഫോസിസ് ഉള്പ്പെടെയുള്ള ടെക് ഓഹരികള് നഷ്ടത്തിലാണ്.
"
https://www.facebook.com/Malayalivartha
























