സംസ്കൃത സര്വകലാശാലയില് ബിരുദത്തിന് അപേക്ഷ ക്ഷണിച്ചു
സംസ്കൃത സര്വകലാശാലയുടെ കാലടി മുഖ്യകേന്ദ്രത്തിലും പ്രാദേശിക കേന്ദ്രങ്ങളിലും 201516 അധ്യയന വര്ഷത്തെ ബിരുദ പ്രോഗ്രാമുകളിലേക്ക് അപേക്ഷ ക്ഷണിച്ചു. സംസ്കൃതംസാഹിത്യം, സംസ്കൃതംവേദാന്തം, സംസ്കൃതംവ്യാകരണം, സംസ്കൃതംന്യായം, സംസ്കൃതംജനറല്, സംഗീതം (വായ്പാട്ട്), ഡാന്സ് (ഭരതനാട്യം, മോഹിനിയാട്ടം) എന്നീ വിഷയങ്ങളില് ചോയ്സ് ബേസ്ഡ് ക്രെഡിറ്റ് ആന്ഡ് സെമസ്റ്റര് സമ്പ്രദായത്തിലും പെയിന്റിങ്, മ്യൂറല് പെയിന്റിങ്, സ്കള്പ്ചര് വിഷയങ്ങള്ക്ക് മാര്ക്ക് സമ്പ്രദായത്തിലുമായിരിക്കും കോഴ്സുകള് നടത്തുക.
കാലടിയില് സംസ്കൃത വിഷയങ്ങള് കൂടാതെ സംഗീതം, നൃത്തം എന്നീ കലാവിഭാഗങ്ങള് മുഖ്യവിഷയമായി ത്രിവത്സര ബിഎ ബിരുദ കോഴ്സുകളിലേക്കും പെയിന്റിങ്, മ്യൂറല് പെയിന്റിങ്, സ്കള്പ്ചര് വിഷയങ്ങളില് നാലുവര്ഷത്തെ ബിഎഫ്എ ബിരുദ കോഴ്സുകളിലേക്കും പ്രവേശനം നല്കും. തിരുവനന്തപുരം (സംസ്കൃതംന്യായം, വ്യാകരണം, വേദാന്തം, സാഹിത്യം), തുറവൂര് (സംസ്കൃതം, സാഹിത്യം), കൊയിലാണ്ടി (സംസ്കൃതംസാഹിത്യം, വേദാന്തം, ജനറല്), തിരൂര് (സംസ്കൃതംവ്യാകരണം), പയ്യന്നൂര് (സംസ്കൃതംവ്യാകരണം, വേദാന്തം, സാഹിത്യം) എന്നീ പ്രാദേശിക കേന്ദ്രങ്ങളില് വിവിധ സംസ്കൃത വിഷയങ്ങളിലാണ് പ്രവേശനം നല്കുന്നത്. സംസ്കൃത വിഷയങ്ങളില് ബിരുദ പഠനത്തിന് പ്രവേശനം നേടുന്ന മുഴുവന് വിദ്യാര്ഥികള്ക്കും പ്രതിമാസം 250 രൂപ വീതം സ്കോളര്ഷിപ്പ് നല്കും. പ്ലസ്ടു/വൊക്കേഷണല് ഹയര് സെക്കന്ഡറി അഥവാ തത്തുല്യ അംഗീകൃത യോഗ്യതയുള്ളവര്ക്ക് (രണ്ടു വര്ഷം) അപേക്ഷിക്കാം.
നൃത്തം (മോഹിനിയാട്ടം, ഭരതനാട്യം), സംഗീതം, പെയിന്റിങ്, മ്യൂറല് പെയിന്റിങ്, സ്കള്പ്ചര് എന്നിവ മുഖ്യവിഷയമായ പ്രോഗ്രാമുകള്ക്ക് അഭിരുചി നിര്ണയ പരീക്ഷയുടെകൂടി അടിസ്ഥാനത്തിലായിരിക്കും പ്രവേശനം. പ്രായം ജൂണ് ഒന്നിന് 17നും 22നും മധ്യേ ആയിരിക്കണം. താല്പ്പര്യമുള്ളവര് 20നകം സര്വകലാശാല വെബ്സൈറ്റ് വഴി അപേക്ഷിക്കണം. ഓണ്ലൈന് അപേക്ഷയുടെ പ്രിന്റഡ് കോപ്പിയും യോഗ്യത തെളിയിക്കുന്ന സര്ട്ടിഫിക്കറ്റിന്റെ (എസ്എസ്എല്സി, പ്ലസ്ടു) സാക്ഷ്യപ്പെടുത്തിയ പകര്പ്പും യൂണിയന് ബാങ്കില് 50 രൂപ അടച്ച ചെലാനും ഉള്പ്പെടെ അതത് കേന്ദ്രങ്ങളിലെ വകുപ്പ് അധ്യക്ഷന്മാര്ക്ക്/ഡയറക്ടര്മാര്ക്ക് സമര്പ്പിക്കണം. www.ssus.ac.in/ www.ssuonline.org
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
