സംസ്ഥാന സഹകരണ യൂണിയന്‍ നടത്തുന്ന ഹയര്‍ ഡിപ്ലോമ ഇന്‍ കോഓപ്പറേഷന്‍ ആന്‍ഡ് ബിസിനസ് മാനേജ്‌മെന്റ് കോഴ്‌സിലേക്ക് അപേക്ഷിക്കാം. അപേക്ഷാഫോറം സഹകരണ പരിശീലന കോളേജുകളില്‍ നിന്ന് ലഭിക്കും.പ്രവേശനത്തിനുള്ള വിദ്യാഭ്യാസയോഗ്യത സര്‍വകലാശാലാ ബിരുദമോ അല്ലെങ്കില്‍ തത്തുല്യമായി കേരള സര്‍ക്കാര്‍ അംഗീകരിച്ചിട്ടുള്ള മറ്റേതെങ്കിലും ബിരുദമോ ആയിരിക്കും.
2015 ജൂലൈ ഒന്നിന് 40 വയസ്സ് കഴിഞ്ഞിട്ടില്ലാത്തവര്‍ക്ക് അപേക്ഷിക്കാം. പട്ടികജാതി/വര്‍ഗ വിഭാഗക്കാരുടെ ഉയര്‍ന്ന പ്രായപരിധി 45ഉം ഒബിസി വിഭാഗക്കാര്‍ക്ക് 43ഉം. സഹകരണസംഘം ജീവനക്കാര്‍ക്ക് ഉയര്‍ന്ന പ്രായപരിധി ഇല്ല. മൊത്തം സീറ്റിന്റെ 10 ശതമാനം സീറ്റുകള്‍ പട്ടികജാതി/വര്‍ഗ വിഭാഗത്തിനും അഞ്ച് ശതമാനം വിമുക്തഭടന്മാര്‍ക്കും ഒരു ശതമാനം വികലാംഗര്‍ക്കും 10 ശതമാനം സഹകരണസംഘം ജീവനക്കാര്‍ക്കും (ക്ഷീരവ്യവസായം, സഹകരണം, ഫിഷറീസ് തുടങ്ങിയ വകുപ്പിലെ ഉള്‍പ്പെടെ) സംവരണം ചെയ്തിട്ടുണ്ട്.

അപേക്ഷാഫോറം 100 രൂപയ്ക്ക് നേരിട്ടും മണിയോര്‍ഡര്‍ മുഖേന 130 രൂപയ്ക്കും പട്ടികജാതി/വര്‍ഗ വിഭാഗക്കാര്‍ക്ക് 50 രൂപയ്ക്കും മണിയോര്‍ഡര്‍ മുഖേന 80 രൂപയ്ക്കും അതത് സഹകരണ പരിശീലനകോളേജ് പ്രിന്‍സിപ്പല്‍മാരില്‍നിന്ന് ലഭിക്കുന്നതാണ്. മണിയോര്‍ഡര്‍ 23 വരെ മാത്രമേ സ്വീകരിക്കൂ. പൂരിപ്പിച്ച അപേക്ഷ അതത് സഹകരണ പരിശീലനകോളേജ് പ്രിന്‍സിപ്പല്‍മാര്‍ക്ക് 30ന് വൈകിട്ട് അഞ്ചിനകം ലഭിക്കണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha