ഐ.ഐ.എസ്.ടിയില്‍ ബഹിരാകാശ ശാസ്ത്ര പഠനം, ഇപ്പോള്‍ അപേക്ഷിക്കാം
തിരുവനന്തപുരത്ത് വലിയമലയിലെ ഇന്ത്യന്‍ ഇന്‍സ്റ്റിറ്റിയൂട്ട് ഓഫ് സ്‌പേസ് സയന്‍സ് ആന്‍ഡ് ടെക്‌നോളജി (ഐ.ഐ.എസ്.ടി) 201516ലെ അണ്ടര്‍ഗ്രാജ്വേറ്റ് കോഴ്‌സുകള്‍ക്കു പ്രവേശനത്തിന് അപേക്ഷ ക്ഷണിച്ചു.
നാലുവര്‍ഷത്തെ ബിടെക് എയറോസ്‌പേസ് എന്‍ജിനിയറിങ്, ബിടെക് ഏവിയോണിക്‌സ്, അഞ്ചുവര്‍ഷത്തെ ഡ്യുവല്‍ ഡിഗ്രി (ബി ടെക്+എം.എസ്/എം.ടെക്) എന്നീ കോഴ്‌സുകള്‍ക്കാണ് അപേക്ഷിക്കാവുന്നത്. എന്‍ജിനിയറിങ് ഫിസിക്‌സില്‍ ബിടെക്കിനൊപ്പം സോളിഡ് സ്‌റ്റേറ്റ് ഫിസിക്‌സ്,അസ്‌ട്രോണമി ആന്‍ഡ് അസ്‌ട്രോഫിസിക്‌സ്, എര്‍ത്ത് സിസ്റ്റം സയന്‍സ് എന്നിവയില്‍ എം.എസ് അല്ലെങ്കില്‍ ഒപ്ടിക്കല്‍ എന്‍ജിനിയറിങ്ങില്‍ എംടെക്ക് എന്നിവയില്‍ ഏതെങ്കിലും ഒന്ന് എന്നിവയാണ് ഡ്യുവല്‍ ഡിഗ്രിയുടെ കോഴ്‌സുകള്‍. ബിടെക് കോഴ്‌സുകള്‍ക്ക് 60 സീറ്റു വീതവും ഡ്യുവല്‍ഡിഗ്രിക്ക് 20 സീറ്റുമാണുള്ളത്.
ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നിവയടക്കം 70 ശതമാനം മാര്‍ക്കോടെ പന്ത്രണ്ടാംക്ലാസ് പാസായവര്‍ക്ക് അപേക്ഷിക്കാം. എസ്.സി/എസ്.ടി/പി.ഡി വിഭാഗക്കാര്‍ക്ക് 60 ശതമാനം മാര്‍ക്ക് മതി. ജെ.ഇ.ഇ.(മെയിന്‍) 2015 എഴുതിയവരും ജെ.ഇ.ഇ.(അഡ്വാന്‍സ്ഡ്) 2015 പരീക്ഷയില്‍ നിശ്ചിത ശതമാനം മാര്‍ക്കു നേടിയവരുമായിരിക്കണം.
വിദ്യാര്‍ഥികള്‍ക്ക് ഓരോ സെമസ്റ്ററിലും ട്യൂഷന്‍ ഫീസ്, ഭക്ഷണത്തിനടക്കമുള്ള ഹോസ്റ്റല്‍ ഫീസ്, മെഡിക്കല്‍ കവറേജ്, എസ്റ്റാബ്ലിഷ്‌മെന്റ് ചാര്‍ജ് എന്നിവ നല്‍കും. ഓരോ സെമസ്റ്ററിലും 3000 രൂപ വീതം ബുക്ക് അലവന്‍സും ഉണ്ടാകും. ഓരോ സെമസ്റ്ററിലും നിശ്ചിത നിലവാരത്തില്‍ മാര്‍ക്ക് നേടാത്തവര്‍ക്ക് അടുത്ത സെമസ്റ്ററില്‍ സഹായം നല്‍കില്ല.
ജനറല്‍/ ഒ.ബി.സി വിഭാഗത്തിലെ ആണ്‍കുട്ടികള്‍ക്ക് 600 രൂപയും ഈ വിഭാഗങ്ങളിലെ പെണ്‍കുട്ടികള്‍, എസ്.സി, എസ്.ടി, പി.ഡി വിഭാഗക്കാര്‍ക്ക് 300 രൂപയുമാണ് അപേക്ഷാ ഫീസ്.
കോഴ്‌സുകള്‍ വിജയകരമായി പൂര്‍ത്തിയാക്കുന്നവര്‍ക്ക് ഐ.എസ്.ആര്‍.ഒയിലും ബഹിരാകാശ വകുപ്പിലും ഒഴിവിനനുസരിച്ച് ജോലി നല്‍കും. യോഗ്യത, സംവരണം, ഫീസ്, പ്രായം, ധനസഹായം, ജോലിലഭ്യത എന്നിവയെ കുറിച്ചുള്ള വിശദവിവരങ്ങള്‍ www.iist.ac.in/admissions/unergraduate എന്ന വെബ്‌സൈറ്റിലെ ഇന്‍ഫര്‍മേഷന്‍ ബ്രോഷറില്‍ നിന്നു കിട്ടും.
admission.iist.ac.in എന്ന വെബ്‌സൈറ്റില്‍ ജൂണ്‍ 26 വരെ ഓണ്‍ലൈന്‍ രജിസ്‌ട്രേഷന്‍ നടത്താം. രജിസ്‌ട്രേഷന്‍ ഫീസ് അടയ്ക്കാനുള്ള അവസാന തീയതി ജൂണ്‍ 27. ഫീസ് അടച്ച വിവരങ്ങള്‍ പുതുക്കാനും ചലാന്‍ അപ്‌ലോഡ് ചെയ്യാനുമുള്ള അവസാന തീയതി ജൂണ്‍ 28. ഇതേ വെബ്‌സൈറ്റില്‍ ജൂലൈ മൂന്നിന് അഡ്മിഷന്‍ റാങ്ക് ലിസ്റ്റും കൗണ്‍സലിങ് നടപടിക്രമവും പ്രസിദ്ധീകരിക്കും. വിശദവിവരങ്ങള്‍ വെബ്‌സൈറ്റില്‍. ഇമെയില്‍:admission2015@iist.ac.in, ഫോണ്‍: 0471 2568477
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
