മഹാത്മാഗാന്ധി സര്‍വകലാശാലയില്‍ ഏകജാലകം വഴി യുജി പ്രവേശനത്തിനുള്ള (2015) ഒന്നാംഘട്ട അലോട്‌മെന്റ ലഭിച്ച അപേക്ഷകര്‍ അലോട്‌മെന്റ് ലഭിച്ച കോളജില്‍ 23ന് വൈകിട്ട് നാലിനകം പ്രവേശനത്തിനായി റിപ്പോര്‍ട്ട് ചെയ്യണം.

അലോട്‌മെന്റ് മെമ്മോയുടെയും ബാങ്ക് ചലാന്‍ രസീതിന്റെയും പ്രിന്റൗട്ട് എടുത്ത് 23ന് എസ്ബിടിയുടെ തെരഞ്ഞെടുത്ത ശാഖകളില്‍ ഫീസടച്ച് യോഗ്യത തെളിയിക്കുന്ന അസ്സല്‍ സാക്ഷ്യപത്ര ങ്ങള്‍ സഹിതം ഹാജരാകണം. 23നകം ഫീസ് ഒടുക്കാത്തവരുടെയും ഫീസൊടുക്കിയ ശേഷം കോളജില്‍ പ്രവേശനം നേടാത്തവരുടെയും അലോട്‌മെന്റ് റദ്ദാക്കും. തുടര്‍ന്നുള്ള അലോട്‌മെന്റിലേക്ക് ഇവരെ പരിഗണിക്കില്ല.താത്കാലിക പ്രവേശനം നേടുന്നവര്‍ തങ്ങളുടെ അലോട്‌മെന്റ മെമ്മോയും അസ്സല്‍ സാക്ഷ്യപത്രങ്ങളും കോളജുകളിലെ പരി ശോധനയ്ക്ക് ശേഷം തിരിച്ചു വാങ്ങണം. ഇവര്‍ കോളജുകളില്‍ പ്രത്യേകമായി ഫീസൊടുക്കേണ്ട. എന്നാല്‍ സര്‍വ്വകലാശാല ഫീ സൊടുക്കിയ ചലാന്‍ കോളജുകളില്‍ നല്‍കണം.

ഹയര്‍ ഓപ്ഷനുകള്‍ നിലനിര്‍ത്താന്‍ ആഗ്രഹിക്കുന്ന അപേക്ഷകര്‍ ഒഴികെയുള്ളവര്‍ കോളജുകളില്‍ നിശ്ചിത ട്യൂഷന്‍ ഫീസ് ഒടുക്കി സ്ഥിരപ്രവേശനം ഉറപ്പാക്കണം. വിവിധ പ്രോഗ്രാമുകളിലേക്ക് നിശ്ചയിച്ചിരിക്കുന്ന ട്യൂഷന്‍ ഫീസ് സംബന്ധിച്ച വിവരങ്ങള്‍ സര്‍വ്വകലാശാല വെബ്‌സൈറ്റില്‍ ലഭിക്കും. ഫോണ്‍ 04816555563, 6555564, 2732282.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha