ദുബായ് എമിറേറ്റ്സിൽ ല്‍ 4,000 തൊഴിലവസരങ്ങള്‍ സൃഷ്ടിക്കുന്നതിനുള്ള പുതിയ പദ്ധതി(dubai district) ആരംഭിച്ചു. ദുബായ് അര്‍ബന്‍ ടെക് ഡിസ്ട്രിക്റ്റ് എന്ന പുതിയ പദ്ധതി യുഎഇ ആസ്ഥാനമായുള്ള സ്ഥാപനമായ യുആര്‍ബി (URB) ആണ് തുടങ്ങുന്നത്. ലോകത്തിലെ ഏറ്റവും വലിയ അര്‍ബന്‍ ടെക്‌നോളജി ഡിസ്ട്രിക്റ്റ് ആയിരിക്കും ഇതെന്ന് കമ്പനി പുറത്തുവിട്ട പ്രസ്താവനയില്‍ പറയുന്നു.

ദുബായിലെ അല്‍ ജദ്ദാഫ് ഏരിയയുടെ ക്രീക്ക് സൈഡില്‍ സ്ഥിതി ചെയ്യുന്ന ഡിസ്ട്രിക്റ്റ് , ഗ്രീന്‍ അര്‍ബന്‍ ടെക്‌നോളജി, വിദ്യാഭ്യാസം, പരിശീലന മേഖലകളില്‍ തൊഴിലവസരങ്ങള്‍ സൃഷ്ടിക്കും. ബിസിനസ് സംരംഭകരെ പിന്തുണയ്ക്കുന്ന വെഞ്ച്വർ ക്യാപിറ്റലിസ്റ്റുകൾക്ക് കൂടുതൽ അവസരമൊരുക്കുകയും ഒരു അതുല്യമായ സഹകരണ നഗര സാങ്കേതിക പരിസ്ഥിതി വ്യവസ്ഥ നടപ്പിലാക്കുകയും ചെയ്യും.

ജില്ലയിൽ കോൺഫറൻസ് മുറികൾ, പരിശീലന ഗ്രൗണ്ടുകൾ, ഗവേഷണ ലാബുകൾ, സെമിനാർ റൂമുകൾ, ബിസിനസ് ഇൻകുബേറ്ററുകൾ, മറ്റ് ആകർഷണങ്ങൾ എന്നിവ ഉണ്ടായിരിക്കും.

40,000 പേർക്ക് ജോലി നൽകുന്നതിനൊപ്പം ദേശീയ സമ്പദ്‌വ്യവസ്ഥയിൽ 4 ബില്യൺ ദിർഹം അധിക വരുമാനം ഉണ്ടാക്കുക എന്നതും പദ്ധതി ലക്ഷ്യമാണ്. അടുത്ത വർഷങ്ങളിൽ തൊഴിൽ വർധനവും അതോടൊപ്പം രാജ്യത്തെ സമ്പദ് വ്യവസ്ഥയും വർധിക്കും.

നിർമ്മാണത്തിൽ നിന്നും പ്രവർത്തനത്തിൽ നിന്നുമുള്ള എല്ലാ കാർബൺ അവശിഷ്ടങ്ങളും കെട്ടിടത്തിൽ തന്നെ സംസ്ക്കരണം ചെയ്യും . നെറ്റ് സീറോ കാർബൺ ഡിസ്ട്രിക്റ്റ് എന്ന ആശയം നടപ്പിലാക്കുന്നതിന്റെ ഭാഗമായി നഗര വികസനത്തിന്റെ ഭാഗമായി ഉണ്ടാകുന്ന കാർബൺ മാലിന്യങ്ങൾ അന്തരീക്ഷ മലിനീകരം ഉണ്ടാക്കില്ല.

നഗര-സാങ്കേതിക പരിഹാരങ്ങൾ കൂടുതൽ വലിയ തോതിൽ വികസിപ്പിക്കുന്നതിനും സുസ്ഥിര നഗരങ്ങളുമായി ബന്ധപ്പെട്ട ഏറ്റവും പ്രധാനപ്പെട്ട ചില പ്രശ്‌നങ്ങൾ കൈകാര്യം ചെയ്യുന്ന സംരംഭകർക്ക് നിക്ഷേപ അവസരങ്ങൾ നൽകുന്നതിനും ജില്ല സഹായിക്കും. വളരാൻ ഒരു പ്ലാറ്റ്ഫോം ആവശ്യമുള്ള പുതിയ തലമുറയിലെ ക്രിയേറ്റീവ് ബിസിനസുകൾക്കും ഇത് ഒരു നല്ല അവസരമാണ് .

കൂടാതെ, അടുത്ത തലമുറയിലെ അർബൻ ടെക് വിദഗ്ധരെ വളർത്തിയെടുക്കുന്ന അർബൻ ടെക് ഇൻസ്റ്റിറ്റ്യൂട്ടിന്റെ ആസ്ഥാനം കൂടിയാണ് ജില്ല. ഇൻസ്റ്റിറ്റ്യൂട്ട് പൊതു-സ്വകാര്യ പങ്കാളിത്തം പ്രോത്സാഹിപ്പിക്കുകയും, പ്രായോഗിക ഗവേഷണത്തെ അടിസ്ഥാനമാക്കി ബ്രാൻഡ്-ന്യൂ ഇന്നൊവേഷനുകൾ പരീക്ഷിക്കുന്നതിനുള്ള അവസരങ്ങൾ നൽകുകയും ചെയ്യും.

”ലോകത്തിലെ മറ്റേതൊരു നഗരത്തേക്കാളും അര്‍ബന്‍ ടെക് പരിവര്‍ത്തനത്തിന് നേതൃത്വം നല്‍കാന്‍ ദുബായ് മികച്ചതാണ്. അര്‍ബന്‍ ടെക് ഡിസ്ട്രിക്റ്റ് നഗര നവീകരണത്തിനുള്ള ഒരു പുതിയ ആഗോള ടെക് ഹബ്ബായിരിക്കും. മൊത്തം 140,000 ചതുരശ്ര മീറ്റര്‍ ബില്‍റ്റ്-അപ്പ് ഏരിയയുള്ള ഇത് ലോകത്തിലെ ഏറ്റവും വലിയ നഗര സാങ്കേതിക ഡിസ്ട്രികറ്റ് ആയിരിക്കും. അങ്ങനെ ദുബായിയെ നഗര നവീകരണത്തിന്റെ കേന്ദ്രമാക്കി ഇത് മാറ്റും എന്ന് ”യുആര്‍ബിയുടെ സിഇഒ ബഹറാഷ് ബഗേറിയന്‍ പറഞ്ഞു.