ഭാരത് ഇലക്ട്രോണിക്സ് ലിമിറ്റഡ് (BEL) ഇപ്പോള്‍ വിവിധ തസ്തികയിലേക്ക് നിയമനം നടത്തുന്നതിനു വേണ്ടി യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. പ്രോജക്ട് എഞ്ചിനീയർ & ട്രെയിനി എഞ്ചിനീയർ എന്നി തസ്തികകളിലായിട്ടാണ് ഒഴിവുകൾ. മൊത്തം 100 ഒഴിവുകളാണുള്ളത്. താൽക്കാലിക നിയമനമാണ്. ഇതിലേക്ക് 2022 സെപ്റ്റംബര്‍ 7 മുതല്‍ 2022 ഒക്ടോബര്‍ 23 വരെ തപാല്‍ വഴി അപേക്ഷിക്കാം.

ട്രെയിനി എഞ്ചിനീയർ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത സിഎസ്ഇ/ ഐഎസ്/ ഐടിയിൽ ബി.ഇ./ ബി.ടെക് എന്നിവയാണ്. ഇതിലേക്ക് 40 ഒഴിവുകളാണുള്ളത്. പ്രതിമാസ ശമ്പളം ആദ്യവർഷം 30,000 രൂപയും രണ്ടാംവർഷം 35,000 രൂപയുമാണ്.പ്രായപരിധി 28 വയസ്സാണ്.

പ്രോജക്റ്റ് എൻജിനീയർ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ഇലക്ട്രോണിക്സ്/ ടെലികമ്മ്യൂണിക്കേഷൻ/ ഇലക്ട്രോണിക്സ് & കമ്മ്യൂണിക്കേഷൻ/ ഇലക്ട്രോണിക്സ് & ടെലികമ്മ്യൂണിക്കേഷൻ/ കമ്മ്യൂണിക്കേഷൻ/ മെക്കാനിക്കൽ/ കമ്പ്യൂട്ടർ സയൻസ്/ കംപ്യൂട്ടർ സയൻസ് & എൻജിനീയറിങ്/ ഇൻഫർമേഷൻ സയൻസ്/ ഇൻഫർമേഷൻ ടെക്നോളജി/ ഇലക്ട്രിക്കൽ എന്നിവയിൽ ബി.ഇ./ ബി.ടെക്/ ബി.എസ്സി (എൻജി. 4 വർഷം) എന്നിവയാണ്. സോഫ്റ്റ്‌വെയറിൽ കുറഞ്ഞത് രണ്ട് വർഷത്തെ പരിചയം ഉണ്ടായിരിക്കണം. ഇതിലേക്ക് 60 ഒഴിവുകളാണുള്ളത്. പ്രതിമാസ ശമ്പളം ആദ്യവർഷം 40,000 രൂപയും രണ്ടാംവർഷം 45,000 രൂപയുമാണ്.പ്രായപരിധി 32 വയസ്സാണ്.

ജനറൽ/ഒബിസി/ഇഡബ്ല്യുഎസ് വിഭാഗത്തിൽപ്പെട്ടവരും ട്രെയിനി എഞ്ചിനീയർ തസ്തികയിലേക്ക് അപേക്ഷിക്കുന്നവരുമായ ഉദ്യോഗാർത്ഥികൾ അപേക്ഷാ ഫീസ് 150 + 18% ജിഎസ്ടി. ജനറൽ/ഒബിസി/ഇഡബ്ല്യുഎസ് വിഭാഗത്തിൽപ്പെട്ടവരും പ്രോജക്ട് എഞ്ചിനീയർ തസ്തികയിലേക്ക് അപേക്ഷിക്കുന്നവരുമായ ഉദ്യോഗാർത്ഥികൾ അപേക്ഷാ ഫീസ് 400 + 18% ജിഎസ്ടി. കൂടുതൽ വിവരങ്ങൾ അറിയാൻ https://www.bel-india.in/ എന്ന വെബ്സൈറ്റ് സന്ദർശിക്കേണ്ടതാണ്.