നിങ്ങൾ നീറ്റ് പരീക്ഷയ്ക്ക് തയ്യാറെടുക്കുകയാണോ..? എങ്കിൽ ഇപ്പോൾ തന്നെ അപേക്ഷിച്ചോളൂ..നീറ്റ് പരീക്ഷയുടെ തീയതി പ്രഖ്യാപിച്ചു
2018 ലെ മെഡിക്കല്/ ഡെന്റൽ പ്രവേശന പരീക്ഷയായ നാഷനല് എലിജിബിലിറ്റി കം എന്ട്രന്സ് ടെസ്റ്റ് (നീറ്റ്) യുജി ഒൗദ്യോഗിക വെബ്സൈറ്റിലൂടെ അപേക്ഷിക്കാവുന്നതാണ്. നീറ്റ് പരീക്ഷ മേയ് ആറിനാണ്. മാര്ച്ച് ഒൻപത് വരെ അപേക്ഷിക്കാവുന്നതാണ്. നീറ്റിന്റെ ഒൗദ്യോഗിക വെബ്സൈറ്റായ www.cbseneet.nic.in ല് വിദ്യാര്ഥികള് പുതിയ രജിസ്ട്രേഷന് നടത്തണം. ജനറല്, ഒ.ബി.സി വിഭാഗങ്ങള്ക്ക് 1400 രൂപയും എസ്.സി/എസ്.ടി/ഭിന്നശേഷിക്കാര് എന്നിവര്ക്ക് 750 രൂപയുമാണ് അപേക്ഷഫീസ്. വിദ്യാര്ഥികള്ക്ക് ഡെബിറ്റ്/ക്രെഡിറ്റ് അല്ലെങ്കില് യു.പി.ഐ, നെറ്റ് ബാങ്കിങ്, ഇ വാലറ്റ് വഴിയോ ഫീസടക്കാം.
മാര്ച്ച് 10 നകം ഫീസ് അടച്ചിരിക്കണം. 17നും 25നും ഇടയില് പ്രായമുള്ളവര്ക്ക് അപേക്ഷിക്കാം. എസ്.സി/എസ്.ടി/ ഒ.ബി.സി/ ഭിന്നശേഷിക്കാര് എന്നിവര്ക്ക് 30 വയസ്സാണ് ഉയര്ന്ന പ്രായപരിധി. 10ാം ക്ലസിലും പ്ലസ്ടുവിനും ഫിസിക്സ്/കെമിസ്ട്രി/ ബയോളജി അല്ലെങ്കില് ബയോടെക്നോളജി/ഇംഗ്ലീഷ് എന്നീ വിഷയങ്ങള് 50 ശതമാനം മാര്ക്കില് കുറയാതെ പാസായിരിക്കണം. സംവരണാനുകൂല്യമുള്ളവര്ക്ക് 40 ശതമാനം മാര്ക്ക് മതി. പന്ത്രണ്ടാം ക്ലാസ് പരീക്ഷ എഴുതാനിരിക്കുന്നവര്ക്കും അപേക്ഷിക്കാം. കൂടുതല് വിവരങ്ങള് വെബ്സൈറ്റില് നോക്കാവുന്നതാണ്. അപേക്ഷകള് സമര്പ്പിക്കുന്നതിന് വിദ്യാര്ഥികള്ക്ക് ആധാര് കാര്ഡ് നിര്ബന്ധമാണ്. നീറ്റ് വിജ്ഞാപനപ്രകാരം ഒാപണ് സ്കൂള് വിദ്യാര്ഥികള്ക്ക് പരീക്ഷ എഴുതാന് കഴിയില്ല. ഇങ്ങനെ പത്ത്, പ്ലസ് ടു പാസായവര്ക്ക് അപേക്ഷിക്കുവാൻ കഴിയില്ല. ബയോളജിയോ ബയോടെക്നോളജിയോ അധികവിഷയമായി പഠിച്ചവര്ക്കും പരീക്ഷ എഴുതാനാകില്ല.
https://www.facebook.com/Malayalivartha