നീറ്റ് പരീക്ഷ എഴുതുന്ന വിദ്യാര്ത്ഥികളുടെ ഡ്രസ് കോഡ് നിര്ദ്ദേശങ്ങള് പുറത്തിറക്കി സി.ബി.എസ്.ഇ
എം.ബി.ബി.എസ്/ബി.ഡി.എസ് എന്ട്രന്സ് പരീക്ഷയായ നീറ്റിനുള്ള ഡ്രസ് കോഡിന്റെ നിര്ദേശങ്ങള് പുറത്തിറക്കി സി.ബി.എസ്.ഇ. ഇളം നിറത്തിലുള്ള മുറിക്കയ്യന് വസ്ത്രങ്ങള് ധരിച്ചു വേണം വിദ്യാര്ത്ഥികള് പരീക്ഷക്കെത്തേണ്ടതെന്നും, ഷൂസ് ധരിക്കാന് പാടില്ലെന്നുമുള്ള നിര്ദേശങ്ങളാണ് സി.ബി.എസ്.ഇ മുന്നോട്ട് വെക്കുന്നത്. 2017ല് പുറപ്പെടുവിച്ച മാര്ഗനിര്ദേശങ്ങള് തന്നെയാണ് ഈ വര്ഷവും സിബിഎസ്ഇ മുന്നോട്ട് വെച്ചിരിക്കുന്നത്.
എന്നാല് സാധാരണ വേഷം ധരിച്ചെത്തുന്ന വിദ്യാര്ത്ഥികള് ഒരു മണിക്കൂര് മുന്പ് പരീക്ഷാ കേന്ദ്രത്തില് റിപ്പോര്ട്ട് ചെയ്യണമെന്ന നിബന്ധന കൂടി ഈ വര്ഷം പുതുതായി ഏര്പ്പെടുത്തിയിട്ടുണ്ട്. ശിരോവസ്ത്രം ധരിച്ച് പരീക്ഷക്കെത്തിയ കുട്ടികളുടെ ശിരോവസ്ത്രം അഴിച്ചുമാറ്റിയത് കഴിഞ്ഞ തവണ രൂക്ഷമായ വിമര്ശനത്തിന് വഴിവെച്ച പശ്ചാത്തലത്തിലാണ് ഇത്തരത്തിലൊരു തീരുമാനം.
https://www.facebook.com/Malayalivartha