ഇപ്പോള് മഹാസമുദ്രങ്ങളില് നീന്തിത്തുടിയ്ക്കുന്ന തിമിംഗലങ്ങള് 286 വര്ഷം മുമ്പ് ജനിച്ചവയെന്ന് ഓസ്ട്രേലിയന് ഗവേഷകര്
ഓസ്ട്രേലിയയിലെ ഒരു കൂട്ടം ഗവേഷകര്, ജീവികളുടെ ഡി.എന്.എ. പരിശോധിച്ച് അവയുടെ ആയുര്ദൈര്ഘ്യം കണക്കാക്കുന്ന സാങ്കേതികവിദ്യവഴി ബോഹെഡ് തിമിംഗലങ്ങളുടെ ആയുസ്സ് കണക്കാക്കി. ബോഹെഡ് തിമിംഗലങ്ങള് 200 വര്ഷംവരെ ജീവിക്കുമെന്നാണ് നേരത്തെ വിശ്വസിച്ചിരുന്നത്.
ഓസ്ട്രേലിയയിലെ ഒരു കൂട്ടം ഗവേഷകരാണ് പുതിയ പഠനത്തിനുപിന്നില് പ്രവര്ത്തിച്ചത്. 'ജനിതക ഘടികാര'ത്തിലൂടെ മൃഗങ്ങളുടെ ആയുസ്സ് കണക്കാക്കുകയാണ് അവര് ചെയ്തത്. അവരുടെ നിഗമനങ്ങള് അനുസരിച്ച് ആര്ട്ടിക് മേഖലയില് കണ്ടെത്തിയ 211 വര്ഷം പ്രായമുളള ബോംഹെഡ് തിമിംഗലത്തിന് 60 വര്ഷം കൂടി ജീവിക്കാന് കഴിയും.
2007-ല് ചത്തു തീരത്തടിഞ്ഞ ഒരു ബോഹെഡ് തിമിംഗലത്തിന് 200 വയസ്സോളം പ്രായമുണ്ടെന്നാണ് കണ്ടെത്തിയിരുന്നത്. ആ തിമിംഗലത്തിന്മേല് 200 വര്ഷം മുമ്പ്, മല്സ്യബന്ധനത്തിന് ഉപയോഗിച്ചിരുന്ന തരം കൂര്ത്ത മുനയുള്ള ഹാര്പൂണ് കണ്ടെത്തിയിരുന്നു.
മറ്റു പല ജീവികളേയും വംശനാശത്തില് നിന്ന് രക്ഷിക്കാന് ഇപ്പോഴത്തെ 'ജനിതക ഘടികാര'ത്തിലൂടെയുള്ള ഈ കണ്ടെത്തല് സഹായകരമാകുമെന്നാണ് ഗവേഷകരുടെ നിഗമനം.
https://www.facebook.com/Malayalivartha
