യാത്ര മാറ്റിവച്ചത് ഏഴുതവണ.... ഇന്ത്യയുടെ ശുഭാംശു ശുക്‌ള അന്താരാഷ്ട്ര ബഹിരാകാശ നിലയത്തിലേക്ക് ഇന്ന് യാത്ര തിരിക്കും.സാങ്കേതിക തകരാര്‍ കാരണത്താല്‍ ഏഴ് തവണയാണ് യാത്ര മാറ്റിവച്ചിരുന്നത്.

ഇന്ന് ഉച്ചയ്ക്ക് 12.01ന് പുറപ്പെടുന്ന ശുഭാംശുവും സംഘവും നാളെ വൈകിട്ട് 4.30ന് ബഹിരാകാശനിലയത്തില്‍ പ്രവേശിക്കുമെന്ന് നാസ വ്യക്തമാക്കി. ഫ്ളോറിഡയിലെ നാസയുടെ കെന്നഡി സ്പേസ് സെന്ററിലെ ലോഞ്ച് കോംപ്ലക്‌സ് 39എയില്‍ നിന്നാണ് റോക്കറ്റ് പറന്നുയരുക.

സ്പേസ് എക്‌സിന്റെ ഫാല്‍ക്കണ്‍ 9 റോക്കറ്റില്‍ വിക്ഷേപിച്ചശേഷം,പുതിയ സ്പേസ് എക്‌സ് ഡ്രാഗണ്‍ ബഹിരാകാശ പേടകത്തിലായിരിക്കും സംഘം ഭ്രമണപഥത്തിലെ ലബോറട്ടറിയിലേക്ക് യാത്രയാവുക.

നാസയും സ്പേസ് എക്‌സുമായി ചേര്‍ന്ന സംഘടിപ്പിക്കുന്ന ആക്‌സിയം 4 ദൗത്യത്തില്‍ നാസ-ഐ.എസ്.ആര്‍.ഒ സഹകരണത്തിന്റെ ഭാഗമായാണ് വ്യോമസേന ഗ്രൂപ്പ് ക്യാപ്ടനായ ശുഭാംശു ശുക്ലയ്ക്ക് അവസരം ലഭ്യമായത്.