മുന്‍കാല നായിക ശാന്തികൃഷ്ണ വീണ്ടും അഭിനയ രംഗത്ത് സജീവമാകുന്നുവെന്ന വാര്‍ത്തകള്‍ക്കൊപ്പം വിവാഹമോചന വാര്‍ത്തയും പ്രചരിക്കുന്നു. ബംഗളുരുവിലെ രാജീവ് ഗാന്ധി ഗ്രൂപ്പ് ഓഫ് ഇന്‍സ്റ്റിറ്റിയൂഷന്‍സ് മേധാവി ബജോര്‍ സദാശിവന്റെ ഭാര്യയാണ് ഇപ്പോള്‍ ശാന്തികൃഷ്ണ. രണ്ടാം വിവാഹത്തിന് ശേഷം കുടുംബവും കുട്ടികളുമായി ബംഗളുരുവില്‍ തീര്‍ത്തും സ്വകാര്യ ജീവിതം നയിച്ച ശാന്തി കൃഷ്ണ അടുത്തിടെ അപ്രതീക്ഷിതമായാണ് ഒരു ടെലിവിഷന്‍ പരിപാടിയില്‍ പ്രത്യക്ഷപ്പെട്ടത്.

ശാന്തികൃഷ്ണയുടെ ഭര്‍ത്താവിന്റെ ഉടമസ്ഥതയിലുള്ള സ്ഥാപനം പരസ്യദാതാവായിരിക്കുന്ന കൈരളി ടിവിയിലെ ജെ.ബി ജംഗ്ഷന്‍ എന്ന പരിപാടിയിലാണ് ശാന്തികൃഷ്ണ പങ്കെടുത്തത്. അന്ന്, ഒരേ സമയം അഭിനയിക്കാനും നൃത്തം ചെയ്യാനും അവസരം വന്നാല്‍ ഏത് സ്വീകരിക്കുമെന്ന ചോദ്യത്തിന് നൃത്തമെന്നാണ് ശാന്തികൃഷ്ണ മറുപടി പറഞ്ഞത്. അഭിനയ രംഗത്ത് വീണ്ടും സജീവമാകുന്നതിനെക്കുറിച്ച് ഒരു സൂചനയും ശാന്തി കൃഷ്ണ നല്‍കിയിരുന്നില്ല.

എന്നാല്‍ മാസങ്ങള്‍ക്കകം മിനിസ്‌ക്രീനിലൂടെ ശാന്തികൃഷ്ണ തിരിച്ചു വരുന്നുവെന്ന വാര്‍ത്തയാണ് ആരാധകര്‍ കേട്ടത്. ശാന്തികൃഷ്ണ അഭിനയമോഹം വീണ്ടും പൊടിതട്ടിയെടുത്തത് വിവാഹമോചനത്തിന് മുന്നോടിയായി ആണെന്നാണ് സിനിമ രംഗത്തെ ഗോസിപ്പ്. ഇതോടൊപ്പം കേരളത്തിലേക്ക് താമസം മാറ്റാന്‍ ശാന്തികൃഷ്ണ ആലോചിക്കുന്നതായും റിപ്പോര്‍ട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha