ബാഹുബലി ബലിബാഹുവായി... ലോഹം പ്രതീക്ഷയ്ക്ക് ഒത്തുയര്ന്നില്ല
ആവശ്യമില്ലാതെ ബാഹുബലിയെ കൂട്ട് പിടിച്ച് വിവാദം ഉണ്ടാക്കിയ രഞ്ജിത്ത്-മോഹന്ലാല് ടീമിന്റെ ലോഹം പ്രതീക്ഷ്ക്ക് ഒത്തുയര്ന്നില്ല. ബാഹുബലിയോട് കിടപിടിക്കുന്ന ആക്ഷന് രംഗങ്ങള് ലോഹത്തിലുണ്ടെന്ന് ചിത്രത്തിലെ അണിയറക്കാര് വെളിപ്പെടുത്തിയതാണ് വിവാദമായത്. എന്നാല് ചിത്രത്തിന്റെ സംവിധായകനായ രഞ്ജിത്ത് ഇക്കാര്യം നിഷേധിച്ചെങ്കിലും വിവാദം കത്തിയിരുന്നു.
ചിത്രം റിലീസായതോടെ പ്രതികരണവും വന്നുതുടങ്ങി. ലോഹത്തിന്റെ ആദ്യപകുതി ബോറടിപ്പിക്കാതിരിക്കുക മാത്രമാണ് ചെയ്തത്. മോഹന്ലാലിന്റെ ക്യാരക്ടറിന്റെ സസ്പെന്സ് എല്ലാം ആദ്യമേ പൊളിഞ്ഞു. പിന്നുള്ളത് ചില ഞൊടുക്ക് തമാശകള് മാത്രമായിരുന്നു. ആവശ്യമില്ലാത്ത സീനുകളും ഉപദേശവും ക്ളൈമാക്സിലെ ട്വിസ്റ്റും ആന്റി ക്ളൈമാക്സും ബോറടിപ്പിച്ചു. എന്നാല് സിനിമയുടെ തുടക്കം ഗംഭീരമായിരുന്നു. സമീപകാലത്തെ സ്വര്ണക്കടത്തിന്റെ ഉള്ളറകളിലേക്കാണ് ആദ്യം പ്രേക്ഷകനെ കൂട്ടിക്കൊണ്ട് പോകുന്നത്.
സിദ്ധിഖും കൂടെ ബാബു എന്ന കഥാപാത്രത്തെ അഭിനയിച്ച ആളും കലക്കി. ഇരുവരും തമ്മിലുള്ള കോമ്പിനേഷന് തിയറ്ററില് ചിരി പടര്ത്തി. മോഹന്ലാലിന്റെ സ്റ്റാര്ഡം പലയിടത്തും ഉപയോഗിക്കാന് ശ്രമിച്ചെങ്കിലും വേണ്ടത്ര ഏശിയില്ല. ഫാന്സുകാര് മാത്രമാണ് ഇതൊക്കെ ആസ്വദിച്ചത്. രഞ്ജിത്ത് - മോഹന്ലാല് ചിത്രങ്ങളില് നായികയ്ക്ക് ഏറെ പ്രാധാന്യം ഉണ്ടായിരുന്നു. എന്നാല് ലോഹത്തില് മോഹന്ലാലിന് നായികയേ ഇല്ല. അത് ശരാശരി പ്രേക്ഷകനെ നിരാശപ്പെടുത്തി.
ചിത്രത്തില് ന്യൂജനറേഷന് പിള്ളേരെ രഞ്ജിത്ത് കളിയാക്കുന്നുണ്ടെങ്കിലും പുതിയ പിള്ളേരുടെ പടങ്ങളുടെ കൂടെ ലോഹം എത്താന് ഏറെ കിതയ്ക്കും. പ്രേമം ഇപ്പോഴും പലയിടത്തും നല്ല കലക്ഷനില് മുന്നേറുകയാണ്. രഞ്ജിത്തിന്റെ അടുത്തകാലത്ത് ഇറങ്ങിയ റിയലിസ്റ്റിക്കായ ചിത്രമോ, അല്ലെങ്കില് ഒരു മാസ് സിനിമയോ ആണ് പ്രേക്ഷകര് പ്രതീക്ഷിച്ചത്. എന്നാല് ഇതിനും രണ്ടിനും ഇടയിലുള്ള ഒരു അവിയലായിപ്പോയി ലോഹം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
