'എത്ര മനോഹരമായാണ് ഒരു സൈക്കോ വില്ലന് കഥാപാത്രത്തിലേക്ക് സുധീഷേട്ടന് പരകായപ്രവേഷം ചെയ്തതെന്ന് അത്ഭുതത്തോടെയാണ് ഞാനടക്കമുള്ള സിനിമപ്രേമികള് നോക്കി ഇരുന്നത്. ഇനിയും ഒരുപാട് കഥാപാത്രങ്ങള് വൈവിധ്യമാര്ന്ന രീതിയില് ചേട്ടന് ചെയ്യാന് സാധിക്കട്ടെ എന്ന് പ്രാര്ത്ഥിക്കുന്നു, ആശംസിക്കുന്നു...' സുധീഷിനെ പ്രശംസിച്ച് നടി സനുഷ
സാഗര് ഹരിയുടെ സംവിധാനത്തില് ധ്യാന് ശ്രീനിവാസന് നായകനായ 'സത്യം മാത്രമേ ബോധിപ്പിക്കു' എന്ന ചിത്രത്തിലെ സുധീഷിന്റെ കഥാപാത്രത്തെ പ്രശംസിച്ച് നടി സനുഷ രംഗത്ത് എത്തിയിരിക്കുകയാണ്. താന് ചെറുപ്പകാലം മുതല് തന്നെ നിരവധി സിനിമകളില് സഹനടനായും കൂട്ടുകാരനായും അനിയനായും നര്മ്മം കലര്ന്ന കഥാപാത്രങ്ങളായുമെല്ലാം അദ്ദേഹത്തെ കണ്ടു ശീലിച്ചതാണ് എന്നും സനൂഷ പറയുകയുണ്ടായി. എന്നാല് സത്യം മാത്രമേ ബോധിപ്പിക്കുവിലെ കഥാപാത്രത്തിലേക്ക് അദ്ദേഹം അനായാസമായി പരകായ പ്രവേശം നടത്തിയെന്ന് സനുഷ ചൂണ്ടിക്കാണിക്കുന്നു.
സനുഷയുടെ വാക്കുകള് ഇങ്ങനെ:
ചെറുപ്പം തൊട്ടേ കാണുന്ന സിനിമകളിലെല്ലാം സഹനടനായും കൂട്ടുകാരനായും അനിയനായും നര്മ്മം കലര്ന്ന കഥാപാത്രങ്ങളായുമെല്ലാം സുധീഷേട്ടനെ കണ്ടു ശീലിച്ചിരുന്നു. എന്നാല് ഇന്നലെ 'സത്യം മാത്രമേ ബോധിപ്പിക്കു' എന്ന സാഗര് ഹരി സംവിധാനം ചെയ്ത് ധ്യാന് ശ്രീനിവാസന് നായകനായ സിനിമ കാണാനിടയായി. ഈ 35 വര്ഷത്തെ സിനിമ ജീവിതത്തില് സുധീഷേട്ടന്റെ അഭിനയ ജീവിതത്തിലെ ഏറ്റവും മികച്ചതെന്ന് പറയാന് കെല്പ്പുള്ള ഗംഭീര വേഷമാണ് ഈ സിനിമയിലേതെന്ന് പറയാതെ വയ്യ.
എത്ര മനോഹരമായാണ് ഒരു സൈക്കോ വില്ലന് കഥാപാത്രത്തിലേക്ക് സുധീഷേട്ടന് പരകായപ്രവേഷം ചെയ്തതെന്ന് അത്ഭുതത്തോടെയാണ് ഞാനടക്കമുള്ള സിനിമപ്രേമികള് നോക്കി ഇരുന്നത്. ഇനിയും ഒരുപാട് കഥാപാത്രങ്ങള് വൈവിധ്യമാര്ന്ന രീതിയില് ചേട്ടന് ചെയ്യാന് സാധിക്കട്ടെ എന്ന് പ്രാര്ത്ഥിക്കുന്നു, ആശംസിക്കുന്നു.
നേരത്തെ നടന് ബിജു മേനോനും സുധീഷിന്റെ പ്രകടനത്തെ അഭിനന്ദിച്ച് എത്തിയിരുന്നു. ചിത്രത്തില് ലോകമെമ്ബാടുമുള്ള സിനിമാപ്രേമികള്ക്ക് മനസ്സില് എടുത്തു വെക്കാന് പാകത്തില് ഒരു കഥാപാത്രത്തെ നല്കിയത് ശ്രീ സുധീഷ് ആണ് എന്നാണ് സോഷ്യല് മീഡിയയിലൂടെ ബിജു മേനോന് കുറിച്ചത്.
ജനുവരി 14 നാണ് ചിത്രം റിലീസ് ചെയ്തത്. ചിത്രത്തിന്റെ രചനയും സംവിധാനവും സാഗര് ഹരിയാണ്. ധ്യാന് ശ്രീനിവാസന് ആദ്യമായി ഒരു ഐപിഎസ് ഉദ്യോഗസ്ഥന് ആയി എത്തുന്ന പ്രത്യേകത കൂടി ഈ സിനിമയിലുണ്ട്. സുധീഷ് വില്ലനായാണ് ചിത്രത്തിലെത്തുന്നത്. സുധീഷിന്റെ അഭിനയത്തിന് മികച്ച പ്രതികരണവും ലഭിക്കുന്നുണ്ട്.
https://www.facebook.com/Malayalivartha
