ക്യാമ്പസുകൾ ആഘോഷമാക്കിയ ചിത്രമാണ് നിറം. ശാലിനിയും കുഞ്ചാക്കോബോബനും ജോഡിയായി എത്തിയ സിനിമയ്ക്ക് വലിയ സ്വീകാര്യതയാണ് അന്ന് ലഭിച്ചത്. 1999 പുറത്തിറങ്ങിയ നിറം എന്ന സിനിമയിലൂടെ ബോബൻ ആലുംമൂടൻ എന്ന നടൻ മലയാളികൾക്ക് സുപരിചിതനായി മാറിയത്.

കമല്‍ ഒരുക്കിയ നിറത്തിലെ ഒരൊറ്റ ഗാന രംഗത്തിലൂടെ എന്നും മലയാളികള്‍ ഓര്‍മ്മിക്കുന്ന നടനാണ് ബോബന്‍ ആലുമൂടൻ. സിനിമാ സീരിയല്‍ രംഗത്ത് സജീവമായ നടന്‍ അപ്രതീക്ഷിതമായാണ് അദ്ദേഹം അഭിനയ രംഗത്തേക്ക് എത്തുന്നത്. നടന്‍ ആലുമൂടന്റെ മകനാണ് ബോബന്‍.

1999 ൽ കേരളത്തിലെ ക്യാംപസുകളെ ഇളക്കിമറിച്ച ചിത്രമായിരുന്നു നിറം. ‘പ്രായം നമ്മിൽ മോഹം നൽകി’ എന്ന പാട്ട് ചെറുപ്പക്കാർ ഹൃദയത്തിൽ മൂളിക്കൊണ്ടു നടന്ന കാലം. ചിത്രത്തിൽ ആ ഗാനം ആലപിച്ച ചെറുപ്പക്കാരനും അതോടെ പ്രശസ്തനായി. പിന്നീട് നിരവധി സിനിമകൾ ഇദ്ദേഹത്തെ തേടിവന്നെങ്കിലും രാശിയായത് സീരിയലുകളാണ്.

ഏഷ്യാനെറ്റിൽ സംപ്രേഷണം ചെയ്യുന്ന അമ്മയറിയാതെ എന്ന സീരിയലിൽ മഹി എന്ന കഥാപാത്രത്തെയാണ് ഇപ്പോൾ ബോബൻ ആലുംമൂടൻ മലയാളികൾക്ക് മുമ്പിൽ അവതരിപ്പിക്കുന്നത്. കുടുംബ പ്രേക്ഷകരുടെ ഇഷ്ടതാരം കൂടിയാണ് ഇന്ന് ബോബൻ .

അപ്പൻ അഭിനയിച്ചിരുന്ന ശാന്തിനിലയം എന്ന സിനിമയിൽ ഒരു ചെറിയ കഥാപാത്രം ചെയ്യേണ്ടിയിരുന്ന നടൻ വന്നില്ല. സംവിധായകൻ അപ്പനോട് ചോദിച്ചു പരിചയമുള്ള ആരെങ്കിലുമുണ്ടോ എന്ന്… അങ്ങനെ യാദൃശ്ചികമായി ബോബൻ ആ റോളിലേക്ക് എത്തുകയായിരുന്നു. പക്ഷേ ആ ചിത്രം പാതിവഴിയിൽ മുടങ്ങിപ്പോയി. സഹപ്രവർത്തകരുമായി അടുത്ത സ്നേഹബന്ധം അദ്ദേഹം സൂക്ഷിച്ചിരുന്നു.

അദ്വൈതം എന്ന സിനിമയുടെ സെറ്റിൽ വച്ചായിരുന്നു ബോബന്റെ അപ്പന്റെ അകാലവിയോഗം. മോഹൻലാലിൻറെ മടിയിൽ കിടന്നാണ് അദ്ദേഹം മരിക്കുന്നത്. അപ്പന്റെ ശവസംസ്കാരത്തിനു അന്ന് മലയാളസിനിമയിലെ താരങ്ങൾ എല്ലാവരും ചെത്തിപ്പുഴയിലുള്ള പഴയ തറവാട്ടിൽ എത്തിയിരുന്നു. അപ്പൻ പോയതോടെ വീടുറങ്ങി. ആ ശൂന്യതയുമായി പൊരുത്തപ്പെടാൻ കുറെ സമയമെടുത്തു” എന്ന് മുൻപൊരിക്കൽ ബോബൻ ആലുമൂടൻ ഒരു ഇന്റർവ്യൂവിൽ പറഞ്ഞിരുന്നു.

പിന്നീട് 1995 ൽ റോസസ് ഇൻ ഡിസംബർ എന്ന സീരിയലിലൂടെയാണ് ബോബൻ മിനിസ്ക്രീനിലേക്ക് എത്തുന്നത്. സീരിയലുകൾ കണ്ടു കമലായിരുന്നു നിറത്തിലേക്ക് ക്ഷണിക്കുന്നത്. പ്രകാശ് മാത്യു എന്ന ഗായകന്റെ കഥാപാത്രം. അതിലെ ഗാനം ഹിറ്റായതോടെ കൂടുതൽ സിനിമകൾ ലഭിച്ചു. പിന്നീട് മിനിസ്ക്രീനിലേക്ക് വീണ്ടും ചുവടുമാറ്റി. ഇപ്പോഴും സീരിയലുകളും സിനിമകളും ആയി ബോബൻ തിരക്കിലാണ്.