സാന്ത്വനം വീട്ടിൽ ഒന്നിന് പുറകെ ഒന്നായി ഏഷണിയുണ്ടാക്കാൻ ആരെങ്കിലും വരുന്നത് സ്ഥിരം ഏർപ്പാടാണല്ലോ... ഇത്രയും കാലം തമ്പിയും ജയന്തിയും കൂടി ചേർന്ന് കുറെ പ്രശ്നങ്ങളുണ്ടാക്കി. ഇപ്പോഴിതാ.. പുതിയൊരു അവതാരത്തെ തമ്പി തന്നെ സാന്ത്വനം വീട്ടിൽ കൊണ്ടെത്തിച്ചിട്ടുണ്ട്.

അപ്പുവും, തമ്പിയും ചേർന്ന് ലച്ചു അപ്പച്ചിയ്‌ക്ക് ആദ്യം മുതലേ, കൊടുത്ത ഹൈപ്പ് കേട്ടപ്പോൾ തന്നെ വരുന്നത് ഒരു കോമഡി അല്ലെങ്കിൽ ട്രാജഡി ആയിരിക്കുമെന്നാണ് കരുതിയത്. അതുപോലെ, തന്നെയാണ് സംഭവിച്ചതും. എന്തൊക്കെ ആയിരുന്നു.. മലപ്പുറം കത്തി, അമ്പും വില്ലും അവസാനം പവനായി ശവമായി എന്ന അവസ്ഥയിലാണ്.

ലച്ചു അപ്പച്ചിയുടെ ഈ സ്വഭാവമൊന്നും സാന്ത്വനം വീട്ടിൽ ശെരിയാകില്ല. കഴിഞ്ഞ എപ്പിസോഡിൽ ഉച്ചക്ക് ആഹാരം ഉണ്ടാക്കിയതോടുകൂടി എല്ലാവർക്കും മതിയായി. അതിന്, മറുപടി കൊടുക്കാൻ അഞ്ജുവിന് കഴിഞ്ഞില്ല .. നല്ലതു കൊടുക്കാൻ വേണ്ടി ഇരുന്നപ്പോൾ ദേവി ആയിരുന്നു എതിർത്തത്. പക്ഷെ, നല്ല കിടുക്കാച്ചി മറുപടി അപ്പുവിന് കൊടുത്തിട്ടുണ്ട്.

ഇന്നത്തെ എപ്പിസോഡിൽ, അഞ്ചു ആറാടുകയാണെന്നു തന്നെ പറയാം.. കടയിൽ നിന്നും വീട്ടിലെത്തിയ ശിവനോട് എല്ലാ കാര്യങ്ങളും കൃത്യമായി പറഞ്ഞുകൊടുക്കുന്നുണ്ട്. ഇതെല്ലം ലച്ചു അപ്പച്ചിയും ഒളിഞ്ഞിരുന്ന തന്നെ കേൾക്കുന്നുണ്ട്.വീട്ടിലെ എല്ലാ കാര്യങ്ങളും പറയുന്നതിനോടൊപ്പം തന്നെ ചെറിയ റൊമാൻസുമുണ്ട് കേട്ടോ... രണ്ടുപേരും കൂടി തുണി അലക്കുന്നതിനിടയിലാണ് ഈ സംഭവങ്ങളൊക്കെ നടക്കുന്നത്.

എന്നാലും, ഈ ലച്ചു അപ്പച്ചിയ്‌ക്ക് ഇവർ സംസാരിക്കുന്നത് ഒളിഞ്ഞു നിന്ന് നോക്കേണ്ട കാര്യമുണ്ടോ? നല്ല സ്വഭാവം അല്ല കേട്ടോ... അഞ്ചു വല്ലതും അത് കണ്ടിരുന്നേൽ... ലച്ചുവിനെ തീർക്കുമായിരുന്നു.

കുറ്റങ്ങളൊക്കെയും പറഞ്ഞു കൊടുത്ത സ്ഥിതിയ്ക്ക്, തിരിച്ച് പണി കൊടുക്കാൻ ലച്ചുവും ഒരുങ്ങിയിട്ടുണ്ടാകും. ഇനി അപ്പുവിനോട്, ഇല്ലാത്ത നുണകൾ പറഞ്ഞു കൊടുത്തിട്ടായിരിക്കുമോ?? അതോ, വേറെ എന്തെങ്കിലും വഴികളിലൂടെ ആയിരിക്കുമോ... ലച്ചുവിന്റെ പ്രതികാരമെന്ന് ഇന്നത്തെ എപ്പിസോഡ് കാണുമ്പോൾ എല്ലാവർക്കും മനസ്സിലാകും.

ഏതായാലും, കലിപ്പന്റെ കന്താരി എന്ന് അറിയപ്പെടുന്ന അഞ്ജലിയുടെ അങ്കപുറപ്പാടായിരിയ്ക്കും ഇനി. ലച്ചു അപ്പച്ചിയ്ക്കും അപ്പുവിനും ഉള്ള ഇടിവെട്ട് മറുപടിയും കറക്ട് സമയത്തിന് കൊടുക്കും. കുടുംബത്തെ പിരിക്കാനുള്ള ലച്ചു അപ്പച്ചിയുടെ ശ്രമങ്ങള്‍ ഒന്നും നടക്കുന്നില്ല എന്ന് ഇനിയും പൂര്‍ണമായും പറയാന്‍ സാധിയ്ക്കില്ല. അതിന്റെ ആഫ്റ്റര്‍ എഫക്ട് എന്നോണം ഇനി അഞ്ജുവും അപ്പുവും ശത്രുക്കളാകാനുള്ള ചില സാധ്യതകളുമുണ്ട്.

ഇനി അങ്ങോട്ടുള്ള എപ്പിസോഡുകളിൽ അഞ്ചു ആറാടും എന്ന് പറയുന്നതാണ് നല്ലത്. പ്രശ്നനങ്ങൾ പരിഹരിക്കാൻ കൂടെ ശിവനും കാണും. പക്ഷെ, ലച്ചു അപ്പച്ചി ഇങ്ങനെയാണ് മുന്നോട്ട് പോകുന്നതെങ്കിൽ സാന്ത്വനം വീട്ടിൽ നിന്നും വാലും ചുരുട്ടി ഓടാൻ റെഡി ആയിക്കോ...