മമ്മൂട്ടി ചെറുപ്പം കാത്ത് സൂക്ഷിക്കുന്നത് കണ്ട് അസൂയയുണ്ടോയെന്ന് നദിയാ മൊയ്തുവിനോട് ചോദ്യം; അസൂയ ഒന്നുമില്ല, സന്തോഷം മാത്രമേ ഉള്ളൂവെന്ന് നടി; നമ്മള് പെണ്ണുങ്ങള് എത്ര ചെറുപ്പം കാത്ത് സൂക്ഷിച്ചാലും അതുപോലുള്ള നല്ല കഥാപാത്രങ്ങള് കിട്ടുന്നില്ല എന്നത് വിഷമമാണെന്ന് നദിയ മൊയ്തു; നടിയോട് മമ്മൂട്ടിയുടെ മറു ചോദ്യം ഞെട്ടിച്ചു
മമ്മൂട്ടിയുടെ പുതിയ ചിത്രം 'ഭീഷ്മ പര്വം' തിയറ്ററുകളിലേക്ക് ഉടനെത്തും. അമല് നീരദിന്റെ സംവിധാനത്തിലുള്ള ചിത്രമായ 'ഭീഷ്മ പര്വ'ത്തിന്റെ റിലീസിനു മുന്നേ ഇതിൽ മമ്മൂട്ടിയടക്കമുള്ള താരങ്ങള് മാധ്യമങ്ങളെ കണ്ടു. 'ഭീഷ്മ പര്വം' എന്ന സിനിമയെ കുറിച്ച് സംസാരിക്കുന്ന വേളയിൽ വളരെ രസകരമായ സംഭവം നടന്നു. മമ്മൂട്ടിയും നദിയ മൊയ്തുവും തമ്മിലുള്ള സംസാരത്തിന്റെ വീഡിയോ വൈറലാകുകയാണ്.
നദിയാ മൊയ്തുവിനോട് മമ്മൂട്ടി ചെറുപ്പം കാത്ത് സൂക്ഷിക്കുന്നത് കണ്ട് അസൂയയുണ്ടോയെന്നൊരു മാധ്യമ പ്രവർത്തകൻ ചോദിച്ചു. അസൂയ ഒന്നുമില്ല, സന്തോഷം മാത്രമേ ഉള്ളൂവെന്നാണ് നടിയുടെ ഉത്തരം. ഇത്രയും കൊല്ലത്തിനുശേഷവും ചെറുപ്പവും സൗന്ദര്യവും കാത്ത് സൂക്ഷിക്കാൻ കഴിയുന്നത് ഭാഗ്യമാണ്. എന്നാൽ ഒരു കാര്യത്തിൽ കുശുമ്പുണ്ട് . അത് മമ്മൂക്കയ്ക്ക് അതുപോലെ നല്ല കഥാപാത്രങ്ങള് ലഭിക്കുന്നുണ്ട് എന്നതിലാണ്.
പക്ഷേ നമ്മള് പെണ്ണുങ്ങള് എത്ര ചെറുപ്പം കാത്ത് സൂക്ഷിച്ചാലും അതുപോലുള്ള നല്ല കഥാപാത്രങ്ങള് കിട്ടുന്നില്ല എന്നാണ് നദിയ മൊയ്തു പറയുന്നത്. ഈ സിനിമയില് നല്ല കഥാപാത്രമല്ലേ എന്ന് മമ്മൂട്ടി ചോദിക്കുമ്പോൾ അതേയെന്ന് നദിയ മറുപടി പറയുന്നുണ്ട്. ഫാത്തിമ എന്ന കഥാപാത്രമാണ് ചിത്രത്തില് നദിയ മൊയ്തുവിന് കിട്ടിയിരിക്കുന്നത് . അമല് നീരദാണ് ചിത്രം നിര്മിക്കുന്നത്. അമല് നീരദ് പ്രൊഡക്ഷൻസിന്റെ ബാനറിലാണ് നിര്മാണം.
എ ആൻഡ് എയാണ് ചിത്രത്തിന്റെ വിതരണം. വിവേക് ഹര്ഷൻ ആണ് ചിത്രത്തിന്റെ ചിത്രസംയോജനം. തബു, ഫര്ഹാന് ഫാസില്, ഷൈന് ടോം ചാക്കോ, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, സ്രിദ്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരിക്കുന്നത്. അമല് നീരദും ദേവദത്ത് ഷാജിയും ചേര്ന്നാണ് 'ഭീഷ്മ പര്വ'ത്തിന്റെ തിരക്കഥ എഴുതിയിരിക്കുന്നത്. ആനന്ദ് സി ചന്ദ്രനാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സുഷിൻ ശ്യാം ആണ് ചിത്രത്തിന്റെ സംഗീത സംവിധാനം നിര്വഹിക്കുന്നത്.
https://www.facebook.com/Malayalivartha
