തമ്പിയുടെ സഹോദരിയായ ലച്ചു അപ്പച്ചിയുടെ വരവ് സാന്ത്വനം തറവാട്ടിലുള്ളവരുടെ മനസമാധാനം കെടുത്തിയിരിയ്ക്കുകയാണ്. കുടുംബത്തിലുള്ളവരുടെ ഒത്തൊരുമ നശിപ്പിയ്ക്കുന്ന പ്രവൃത്തികള്‍ കാരണം എല്ലാവരും പൊറുതി മുട്ടിയെങ്കിലും ഹരിയും അഞ്ചുവും അല്ലാതെ മറ്റാരും എതിര്‍പ്പുകള്‍ പ്രകടിപ്പിയ്ക്കുന്നില്ല.

ഇന്നലത്തെ എപ്പിസോഡിൽ, ദേവി തന്റെ എതിർപ്പ് പറയാതെ പറഞ്ഞു. പക്ഷെ, അഞ്ചു തനിക്കെന്താണ് പറയാനുള്ളതെന്ന് നല്ലതുപോലെ വ്യക്തമാക്കിയിട്ടുണ്ട്. അപ്പുവിന്, പ്രത്യേകം ഡിന്നർ തയ്യാറാകണമെന്നും പറഞ്ഞൊരു വരവായിരുന്നല്ലോ... അതിന് തക്കതായ മറുപടിയും കൊടുത്ത് പറഞ്ഞയക്കാൻ ശ്രമിച്ചിട്ടുണ്ട്. അഞ്ജുവിന്റെ ശ്രമം പാഴാകുമോ ഇല്ലയോ എന്ന് നമുക്ക് കാത്തിരുന്നു കാണാം.

ഇന്നത്തെ, എപ്പിസോഡിലേക്ക് കടക്കുമ്പോൾ അഞ്ജുവും അപ്പുവും തമ്മിൽ പൊരിഞ്ഞ യുദ്ധം നടക്കാനുള്ള എല്ലാ വഴികളും ലച്ചു അപ്പച്ചി ഒരുക്കിയിട്ടുണ്ട്. അടുക്കള സീനിന്റെ ബാക്കി ചർച്ചകളും, അഞ്ജുവും ലച്ചു അപ്പച്ചിയും തമ്മിലുള്ള കനത്ത ഒളിയമ്പുകളുമാണ് ഇന്നുള്ളത്.

അടുക്കളയിലെ യുദ്ധം കഴിഞ്ഞിട്ട്, ശിവൻ വരുന്നതും അഞ്ചു ഓടി ചെന്ന് നടന്ന സംഭവങ്ങളൊക്കെ പറയുന്നുണ്ട്. ഇതെല്ലം കേട്ടിട്ട്.. ശിവന് ചിരിയും വരുന്നുണ്ട്... പിന്നെ, ആർക്കാണ് അഞ്ജുവിന്റെ പ്രവൃത്തികൾ കാണുമ്പോൾ ചിരി വരാത്തത്. ലച്ചുവിനും അപ്പുവിനുമൊക്കെ കൊടുക്കുന്ന മറുപടികളൊക്കെയും, കുറിക്ക് കൊള്ളുന്നതാണെങ്കിലും ആ മുഖഭാവവും നിൽപ്പുവും നോട്ടമൊക്കെ കണ്ടാൽ കോമഡി ആയിട്ടേ തോന്നൂ. അത്, ഇന്നലെ... ദേവി ഏട്ടത്തിയും പറഞ്ഞിരുന്നു.

പിന്നെ, അഞ്ചു കൊടുത്ത പണിയ്ക്ക് ലച്ചു അപ്പച്ചി മറുപടി കൊടുക്കാതിരിക്കുമോ?? നേരെ പോയി എല്ലാവർക്കുമുള്ള പണികൾ വെയ്ക്കാനുള്ള അവസരത്തിനുവേണ്ടി കാത്തിരിക്കുകയാണ്. അടുക്കളയിലെ വാക്ക് തർക്കം മാത്രമല്ല, നേരെ പുറത്തേക്ക് പോകുന്ന ലെച്ചു കേൾക്കുന്നത് ശിവനും അഞ്ജുവും തമ്മിലുള്ള സംസാരം.

അത്, ഒളിച്ചു നിന്ന് കേൾക്കേണ്ട എന്തെങ്കിലും കാര്യമുണ്ടോ?? എച്ചി അപ്പച്ചിയെ കുറിച്ചുള്ള പരാതികൾ അഞ്ചു പറയുമ്പോൾ, തമ്പിയെ കുറിച്ചുള്ള കാര്യങ്ങളാണ് ശിവൻ പറയുന്നത്. രണ്ടും കൂടി കേട്ടിട്ട് ലച്ചുവിന്റെ കണ്ട്രോൾ പോയി എന്ന് പറയുന്നതാണ് നല്ലത്.

ഇതെല്ലം കൂടി കേട്ടിട്ട്... കുറച്ചു പൊടിപ്പും തുന്നലും ചേർത്ത് അപ്പുവിന്റെ ചെവിയിൽ എത്തിക്കും. അവിടെ തീരുന്നില്ല.. അപ്പുവിനെ മുൻ നിർത്തി സാന്ത്വനം വീടിനെ രണ്ടു വശത്താക്കിയാൽ മാത്രമേ.. ലച്ചുവിന് സമാധാനം ആകുകയുള്ളു... സാന്ത്വനം വീടിനെ കുറിച്ചും, വീട്ടിലുള്ള എല്ലാവരുടെയും സ്വഭാവം നന്നാ യിട്ടറിയുന്ന അപ്പു ഇതൊക്കെയും വിശ്വസിക്കുമോ ഇല്ലയോ എന്ന് ഇന്നത്തെ എപ്പിസോഡ് കാണുമ്പോൾ എല്ലാവർക്കും മനസിലാകും.