മല പോലെ വന്ന അപ്പച്ചിയെ ഒറ്റദിവസം കൊണ്ട് അടിച്ചു മടക്കിയ സീനായിരുന്നു സാന്ത്വനത്തിന്റെ തമിഴ് വേർഷനായ പാണ്ഡിയൻ സ്റ്റോഴ്സിൽ എല്ലാവരും കണ്ടത്. എന്നാൽ, അതിൽ നിന്നൊക്കെ തികച്ചും വ്യത്യസ്തമായി.. ഒരു മാസവും കൊണ്ട് എച്ചി അപ്പച്ചിയുടെ കഥയും. തുടർന്ന് നടക്കുന്ന സംഭവ ബഹുലമായ നിമിഷങ്ങളുമായാണ് സാന്ത്വനം കടന്നു പോകുന്നത്. ഇപ്പോൾ, ചേട്ടനും അനിയത്തിയും കൂടി ചേർന്ന് വീടിനെ രണ്ടാക്കാനുള്ള ശ്രമങ്ങളിലാണ്.

ഇന്നലത്തെ, എപിസോടുകൂടി സാന്ത്വനം വീട് രണ്ടാകുമെന്നായിരുന്നു എല്ലവരും പ്രതീക്ഷിച്ചിരുന്നത്. എന്നാൽ, ഹരിയുടെയും ബാലേട്ടന്റെയും കടന്നു വരവോടുകൂടി എല്ലാ കാര്യങ്ങളും പ്രതീക്ഷിച്ചതിലും വിപരീതമായി. ഇന്നത്തെ, എപ്പിസോഡിൽ ബാലേട്ടൻ ചോദിക്കുന്നുമുണ്ട്..

"തമ്പി സാറെ.. സാന്ത്വനം വീട്, രണ്ടാക്കാനുള്ള ശ്രമത്തിലാണോന്ന്.." എന്നെ നിങ്ങൾ തെറ്റുദ്ധരിക്കുകയാണെന്നും അങ്ങനെയൊന്നും ഒരിക്കലും ചിന്തിച്ചിട്ടില്ലെന്നുമൊക്കെ തമ്പി പറയുന്നുണ്ട്..

പക്ഷെ, ഹരിക്കും സാന്ത്വനം വീട്ടിലെ ബാക്കി എല്ലാവർക്കും കാര്യം മനസ്സിലായിട്ടുണ്ട്. അതിനുള്ള മറുപടി അപ്പുവിനും ഹരി കൊടുക്കുന്നുണ്ട്. ലച്ചു അപ്പച്ചിയെയും ഗ്യാസ് അടുപ്പിനെയും എടുത്ത് പുറത്ത് കളയുമെന്നാണ് ഹരി പറയുന്നത്. ഒന്നും മനസിലാകാത്തത് പോലെ അപ്പു അഭിനയിക്കുന്നതാണോ.. അതോ, ആ വാ മൂടിക്കെട്ടി ഇരിക്കുന്നതാണോ എന്നാണ് പ്രേക്ഷകരുടെ സംശയം.

പിന്നെ, ദേവിയെയും പഴഞ്ചൻ ആചാരങ്ങളുമാണ് ഇവിടെയുള്ളതെന്നും പറഞ്ഞ് സാന്ത്വനം വീടിനെയും കളിയാക്കുന്ന ലച്ചുവിന് അഞ്ജുവിന്റെ വകയാണ് മറുപടി. ഈ പോക്കാണെങ്കിൽ അഞ്ചു തന്നെ മുൻ കൈ എടുത്ത് ലച്ചുവിനെ ഇവിടെ നിന്നും ഓടിക്കുമെന്നുള്ള കാര്യം ഉറപ്പാണ്. അത്, അടുത്ത ആഴ്ചയിൽ തന്നെ ആയിരുന്നെങ്കിൽ അടിപൊളി ആയിരിക്കുമായിരുന്നു.

ലച്ചു തമ്പിയുടെ വീട്ടിലേക്ക് പോയപ്പോൾ തന്നെ, അംബിക അപ്പുവിനെ വിളിച്ച് കാര്യങ്ങൾ ഓർമിപ്പിച്ചതായിരുന്നു . പക്ഷെ, പ്രതിഫലം ഒന്നുമില്ല... എല്ലാം വെറുതെ ആയി പോയെന്നു മാത്രമേ പറയാൻ കഴിയൂ. അല്ലെങ്കിൽ അപ്പുവിനെ പൊട്ടിയെന്നു തീർത്തും പറയേണ്ടി വരും. തമ്പിയുടെയും ലച്ചുവിന്റെയും ഗ്യാസ് അടുപ്പും കൊണ്ടുള്ള വരവ് കണ്ടപ്പോൾ തന്നെ ഏകദേശ കാര്യങ്ങൾ ഊഹിച്ചെടുക്കാമായിരുന്നു.., പക്ഷെ, അപ്പു പറഞ്ഞതും പ്രവൃത്തിച്ചതുമെല്ലാം, നേരെ തിരിച്ചായിരുന്നു.

അതിനുള്ള പ്രതിഫലം ഹരി വന്ന ഉടനെ തന്നെ കൊടുക്കുകയും ചയ്തു. വീടിനെ രണ്ടാക്കാനുള്ള വരവ് മറ്റൊരു സൈഡിൽ കൂടി നോക്കിയാൽ നല്ലതായെന്ന് മാത്രമേ, പറയാൻ കഴിയൂ... ഒട്ടേറെ ദിവസം കൊണ്ട്, മിണ്ടാതിരുന്ന ലക്ഷമിയമ്മ ശബ്ദം പുറപ്പടുവിച്ചു. വീട്ടിൽ അമ്മയ്ക്കുള്ള സ്ഥാനം എന്തെന്ന് ഇടയ്ക്കൊക്കെ മറന്നിരുന്നതല്ലേ... ചുരുക്കി പറഞ്ഞാൽ ഇന്നലത്തെ എപ്പിസോഡിന്റെ ഹൈലൈറ്റ് ലക്ഷിമിയമ്മ ആയിരുന്നു... തമ്പി ഒരിക്കലും ലക്ഷ്മിയമ്മയുടെ സൈഡിൽ നിന്നും ഇങ്ങനൊരു മറുപടി പ്രതീക്ഷിച്ചു കാണില്ല.

അതുപോലെ തന്നെയാണ്, കണ്ണനോട് കോളേജിനെ കുറിച്ചും പഠനത്തെ കുറിച്ചുമൊക്കെയുള്ള ചോദ്യവും ലച്ചുവിന്റെ മറുപടിയും കെങ്കേമം ആയിരുന്നു. പ്രേക്ഷകർക്കും കുറെ നാളുകൾ കൊണ്ടുള്ള സംശയമാണ്. ഈ കണ്ണന് കോളേജിലൊന്നും പോകേണ്ടെയോ എന്ന്. കുറെ നാളുകൾ കൊണ്ട് വീട്ടിലിരിക്കുകയാണല്ലോ..

പിന്നെ, ലച്ചു പറഞ്ഞത് ന്യായം എന്ന് പൂർണമായും പറയാൻ കഴിയില്ല.. കണ്ണൻ പഠിച്ചാലും പലചരക്ക് കടയിൽ ഇരിക്കാൻ ആണല്ലോ എന്നായിരുന്നു ലച്ചുവിന്റെ ചോദ്യം. ഹരി എം ബി എ എടുaത്തിട്ടും മറ്റൊരു ജോലിക്കു പോകാൻ താല്പര്യം കാണിക്കാത്തത്. അയാളുടെ ഇഷ്ട്ടം അതായതുകൊണ്ടാണ്... ഇനി കണ്ണന്റെ പഠിപ്പൊക്കെ കഴിയുമ്പോൾ, അവന് ഇഷ്ട്ടമുള്ള ജോലി തെരഞ്ഞെടുക്കാനുള്ള സ്വാതന്ത്ര്യമൊക്കെ സാന്ത്വനത്തിലുള്ളവർ കൊടുക്കും. അതുകൊണ്ട്, വെറുതെ.. പഠനത്തിന്റെ കാര്യം പറഞ്ഞ് കളിയാക്കേണ്ട... ഓരോരുത്തരും അവരവരുടെ ഇഷ്ടത്തിനാണ് ജോലികൾ തെരഞ്ഞെടുക്കുന്നത്.

തമ്പിയ്ക്കും കുടുംബത്തിനും ക്യാഷ് ഉണ്ടന്നും പറഞ്ഞു വീട്ടിലുള്ളവർ ഓക്കാനിച്ച് നിൽക്കണ്ട കാര്യം എന്താ? തമ്പിയോ തുമ്പിയോ ഒന്നും അല്ലല്ലോ ആ വീട് ഉണ്ടാക്കിയതും അവിടെ ഉള്ളവർക്ക് ചിലവിനു തരുന്നതും. പിന്നെ സീരിയൽ അണിയറ പ്രവർത്തകരോടും റൈറ്റർ മാമനോടും പറയാനുള്ളത്, നല്ലൊരു സീരിയൽ തന്നെ ആയിരുന്നു സാന്ത്വനം, പക്ഷെ... ഇപ്പോൾ കഥ ആരാധകർക്ക് ദഹിക്കാത്ത രീതിയിലാണ് സഞ്ചരിക്കുന്നത്. പ്രേക്ഷകർ ആഗ്രഹിക്കുന്ന രീതിയിൽ കഥ മുൻപോട്ടു കൊണ്ടുപോകാൻ കൂടി നോക്കുക... എങ്കിൽ നന്നായിട്ടിരിക്കും, എത്രയും പെട്ടെന്ന് ആ ലച്ചുവിനെ വീട്ടിൽ നിന്നും പുറത്താക്കിയാൽ വളരെ ഉപകാരപ്രദമാകുമായിരുന്നു.