സുമിത്രയുടെ ഉയർച്ചകൾ കാണാൻ ആഗ്രഹിച്ചിരുന്ന പ്രേക്ഷകർക്ക് മുൻപിൽ വേദികയുടെ നെഗറ്റിവിറ്റി കൊണ്ടുവരരുതേ.. നമ്മൾ എല്ലാവരും ഒരുപോലെ ആഗ്രഹിച്ചിരുന്ന കാര്യമാണ് സുമിത്രയുടെ ഉയർച്ചകൾ. ദുബായിലേക്ക് പോകുന്നു ബിസിനസിൽ ഒരുപാട് ഉയരങ്ങൾ താണ്ടുന്ന സുമിത്രയെയാണ് പ്രേക്ഷകർക്ക് വേണ്ടത്. ഇതിപ്പോൾ, ജനറൽ പ്രോമോ കണ്ടപ്പോൾ ആകെ മൊത്തം തകർന്നൊരു അവസ്ഥയാണല്ലോ.. കാണേണ്ടി വരുന്നത്.

എല്ലാവരുടെയും സപ്പോർട്ടോടുകൂടി സുമിത്ര ദുബായിലേക്ക് പോകാനായി ഒരുങ്ങി കഴിഞ്ഞിരിക്കുകയാണ്. അങ്ങനെ പെട്ടെന്ന് പോയാലൊരു ത്രില്ലില്ലോ.. എന്തെങ്കിലുമൊക്കെ സംഭവിക്കണ്ടെ.. അതിനു വേണ്ടിയാണ് വേദികയും ഡോ.ഇന്ദ്രജയുമൊക്കെ ഒരുങ്ങിയിരിക്കുന്നത്. എങ്ങനെയെങ്കിലും സുമിത്ര പുറത്ത് പോകുന്നത് തടയണം.

പക്ഷെ, വേദികയുടെ പരിപാടിയ്ക്ക് തിരിച്ചടി കിട്ടുമെന്നാണ് തോന്നുന്നത്. അതിനുള്ള സൂചനകളുമുണ്ട്.. സുമിത്രയ്ക്കിട്ടൊരു പണികൊടുക്കാൻ നോക്കുന്ന വേദികയെ തട്ടിക്കൊണ്ടുപോകുന്ന അവസ്ഥയാണ് അടുത്ത ആഴ്ചയിൽ കാണാൻ പോകുന്നത്. വേദികയുടെ സ്വഭാവം അനുസരിച്ച് മഹേന്ദ്രനിട്ട് നല്ലൊരു പണികൊടുക്കാനുള്ള എല്ലാ സാധ്യതകളുമുണ്ട്. മിക്കവാറും ആ തക്കത്തിലായിരിക്കും മഹേന്ദ്രൻ തിരിച്ചൊരു പണികൊടുക്കുന്നത്.

പക്ഷെ, ഇതിനിടയ്ക്ക് മനസിലാകാത്തൊരു കാര്യം... സീരിയലിലേക്ക് രംഗ പ്രവേശനം ചെയ്യാൻ പോകുന്ന പുതിയ കഥാപാത്രംനെഗറ്റീവാണോ പോസിറ്റീവാണോ എന്നതാണ്. കഴിഞ്ഞ ആഴ്ചയിലെ പ്രോമോ കണ്ടതോടെ എല്ലാവരും ഒരുപോലെ പറയുന്നത് നെഗറ്റീവ് കഥാപാത്രമാണെന്നാണ്. അതുപോലെ, ശീതളിന്റെ കാമുകനാണെന്നും പറയുന്നുണ്ട്.. ഏതായാലും ചില തട്ടിക്കൊണ്ടു പോകലും കണ്ടെത്തലുമൊക്കെ കഴിഞ്ഞ് സംഭവ ബഹുലമായ നിമിഷമായാൽ മാത്രമേ.. സുമിത്ര ദുബായിലേക്കു പോകൂ.. അത് വരുന്ന ആഴ്ചയിൽ കാണാമെന്ന് ആരും മോഹിക്കേണ്ട. ഈ പുതിയ അവതാരത്തിന് ശീതലുമായിട്ടാണ് ബന്ധമെങ്കിൽ ചില കഥകളുടെയും ചുരുളഴിയും. ജനറൽ പ്രൊമോയിൽ ശീതൾ കരഞ്ഞുകൊണ്ട് സിദ്ധുവിനെ കെട്ടിപിടിക്കുകയുമൊക്കെ ചെയ്യുന്നുണ്ട്. ഏതായാലും കഥ ഏതുവഴിയിലാണ് പോകുന്നതെന്ന് നമുക്ക് കാത്തിരുന്ന് കാണാം..

പിന്നെ, ഇന്നലത്തെ എപ്പിസോഡിൽ എനിക്ക് സംശയം തോന്നിയ ഒരു കാര്യം സിദ്ധുവിന്റെ വീടിനകത്ത് നടക്കുന്ന കാര്യങ്ങൾ മല്ലിക എങ്ങനെയാണ് മുറ്റത്ത് നിന്ന് കണ്ടത്. അതും വ്യക്തമായ ശബ്ദത്തോടുകൂടി, റൈറ്റർ മാമൻ എന്തായാലും കൊള്ളാം ആരും ഒരിക്കലുംപ്രതീക്ഷിക്കാത്തതും, സാധാരണ ജീവിതങ്ങളിൽ നടക്കാൻ സാധ്യതകുറവുമായ വഴികളിലൂടെ സഞ്ചരിച്ച് സുമിത്രയെ എല്ലാം അറിയിക്കുന്നുണ്ടല്ലോ...

സുമിത്രയുടെ നിൽപ്പും ഭാവവുമൊക്കെ കണ്ടപ്പോൾ, ചിലരെങ്കിലും മനസുകൊണ്ട് വിചാരിച്ചു കാണും ഇപ്പോൾ, മഹേന്ദ്രന്റെ കൈയ്യിൽ നിന്നും ആർ സി വാങ്ങി വേദികയ്ക്ക് കൊടുക്കുമെന്ന്.. നന്മയാണല്ലോ.. സുമിത്രയുടെ മുദ്രാവാക്യം. എന്തോ.. ഒരു ഭാഗ്യം കൊണ്ട് മാത്രം സുമിത്രയത് ചെയ്തില്ല.

പിന്നെ, സിദ്ധു ഇന്നലെ തകർത്തു എന്ന് പറയുന്നതാണ് നല്ലത്. വേദികയുടെ എല്ലാ ആഗ്രഹങ്ങൾക്കും മനസില്ലാ മനസോടെ കൂട്ട് നിൽക്കുമെങ്കിലും ഇപ്പോൾ ഒരുപാട് മാറ്റം വന്നിട്ടുണ്ടല്ലോ.. അതിന്റെ പ്രതിഫലനമാണ് ഇന്നലെ കണ്ടത്. അങ്ങനെ, ആരുടേയും മുന്നിൽ തോറ്റു കൊടുക്കാത്ത വേദിക ആദ്യമായി സിദ്ധുവിന്റെയും മഹേന്ദ്രന്റെയും മുന്നിൽ തോറ്റുകൊടുക്കുകയും ചെയ്തു. ആശിച്ച കാർ വേദികയ്ക്ക് കിട്ടാതെ പോയപ്പോൾ പ്രേക്ഷകർക്കും ഒരുപാട് സന്തോഷമായെന്നു വേണം പറയാൻ,

സിദ്ധു പറഞ്ഞതുപോലെ, വല്ലവരുടെയും മുതൽ കൈവശപ്പെടുത്താൻ വേദികയ്ക്ക് എങ്ങനെ മനസ്സു വന്നു, ഓരോരുത്തർക്കും അർഹിക്കുന്ന പണമുണ്ട്.. അതുകൊണ്ട് എന്തെങ്കിലും ചെയ്താലല്ലേ.. മനസിന് സന്തോഷം വരുകയുള്ളൂ... പിന്നെ, വേദികയെ പോലെയുള്ളവർക്ക് തട്ടിപ്പിലൂടെയും വെട്ടിപ്പിലൂടെയും പണം കൈക്കലാക്കുന്നതായിരിക്കും കൂടുതൽ താല്പര്യം.

കാറിന്റെ ആർ സി നഷ്ട്ടപ്പെടാൻ കാരണക്കാരി സുമിത്രയാണെന്നും അതുകൊണ്ട്, നല്ലൊരു പണികൊടുക്കുമെന്നൊക്കെ വേദിക ഇന്നലത്തെ എപ്പിസോഡിൽ പറയുന്നുണ്ടായിരുന്നു. ആ പണിയാണോ... കത്തിയുടെ മുൾമുനയിൽ സുമിത്രയെ നിർത്താൻ പോകുന്നതെന്ന് നമുക്ക് കണ്ടറിയാം.