പ്രതീക്ഷകളൊക്കെയും നഷ്ടമായി എന്ന് ചിന്തിക്കുന്നിടത്തല്ലേ.. പുതുതായിട്ട് പലതും സംഭവിക്കുന്നത്. കല്യാണിയും കിരണും പ്രേക്ഷകരും കാത്തിരുന്ന് മടുത്തിരിക്കുകയാണ്. കല്യാണം ഇന്ന് നടക്കും നാളെ നടക്കും എന്നൊക്കെ ചിന്തിച്ച് വർഷങ്ങൾ ഒരുപാടാണ് കടന്നു പോയിരിക്കുന്നത്. അവസാനം എങ്ങനെയൊക്കെയോ.. കാല്യാണം എന്ന സ്വപ്നത്തിലേക്ക് കാലെടുത്ത് വെക്കുവാൻ പോകുകയാണ്. പക്ഷെ, എന്റെ സംശയം ഇത്, എല്ലാ പ്രാവശ്യത്തെയും പോലെ സ്വപ്നമാണോ എന്നാണ്. സ്വപ്നം അല്ലാതിരുന്നാൽ മൗനരാഗം ക്‌ളൈമാക്‌സിലേക്ക് കടക്കുകയാണെന്ന് പ്രതീക്ഷിക്കാം.

പിന്നെ, കാല്യാണമാണെങ്കിലും ആരും ഉടനെയൊന്നും പ്രതീക്ഷിക്കേണ്ട.. ഒരു മാസത്തിനുശേഷം സംഭവിക്കുന്ന കാര്യങ്ങളുടെ പ്രൊമോ ആഴ്ചകൾക്ക് മുൻപ് കാണിച്ച്, പ്രേക്ഷകരെ ക്യൂരിയോസിറ്റിയിലാക്കുക എന്നത്, മൗനരാഗം അണിയറപ്രവർത്തകരുടെ സ്ഥിരം ഹോബിയാണ്.

സ്വർണം അടിച്ചുമാറ്റിയ സരയുവിന് നല്ല പണികിട്ടുന്നുണ്ട്. ഇത്രയും കാലത്തിനിടയിൽ സരയുവിന് കിട്ടുന്ന ഏറ്റവും നല്ല ശിക്ഷ തന്നെയാണ് ജയിൽ വാസം. പിന്നെ, മനസിലാക്കാൻ കഴിയാത്ത കാര്യം കല്യാണിയേയും ദീപയെയും പോലിസ് എന്തിനാണ് അറസ്റ്റ് ചെയ്തത് എന്നാണ്.

സോണിയുടെയും അച്ഛനാണ് സി എസെന്നു എല്ലാവരും അറിയുന്നതിന് മുൻപ് കിരണും കല്യാണിയും ഒന്നിച്ചാൽ നല്ലതാകും. അല്ലാതെ, രൂപ സത്യങ്ങളെല്ലാം അറിഞ്ഞ് എല്ലാവരോടും ക്ഷമിച്ച്, രാഹുലിനും കിരണിനുമൊക്കെയുള്ള പണികളൊക്കെയും നൽകിയിട്ടാണ് കല്യാണമെങ്കിൽ ഈ വർഷം ഉണ്ടാകുമെന്ന് തോനുന്നില്ല.

ഇന്നലത്തെ എപ്പിസോഡിൽ എല്ലാവരും കല്യാണത്തിനുള്ള തയ്യാറെടുപ്പിലാണ്. മൂങ്ങയ്ക്കും കടുവയ്ക്കും കല്യാണിയ്ക്ക് ഇത്രത്തോളം സൗഭാഗ്യങ്ങൾ കിട്ടുന്നതിൽ ഒട്ടും താല്പര്യമില്ല. അക്കാര്യം രണ്ടുപേരും കൂടി പറയുന്നത് ദീപ കാണുകയും ചെയ്യുന്നുണ്ട്. പക്ഷെ, മകൾക്ക് താൻ ആഗ്രഹിച്ച ജീവിതം തന്നെ കിട്ടാൻ പോകുന്നതിൽ അതിയായ സന്തോഷം അമ്മയ്ക്കാണ്.

സരയു തന്റെ പരിപാടികളൊക്കെയും ഒരു സൈഡിലൂടെ ആരംഭിച്ചിട്ടുണ്ട്. ഇനി സ്വർണ്ണം എല്ലാം അടിച്ചു മാറ്റണം. ഡ്യൂപ്ലിക്കേറ്റ് സ്വർണാഭരണങ്ങൾ രൂപയുടെ റൂമിൽ വെക്കണം.. പിന്നെ ബാക്കി എല്ലാം സരയു പ്ലാൻ ചെയ്തത് പോലെ.. പക്ഷെ, പ്ലാനെല്ലാം വെള്ളത്തിലാകുന്നതിന്റെ ലക്ഷണങ്ങളാണ് ഇപ്പോൾ കാണുന്നത്.

അതേസമയം, സി എസ് മകന്റെ വിവാഹത്തിന് വേണ്ടി എല്ലാ കാര്യങ്ങളും നല്ലതുപോലെ ഒരുക്കിയിട്ടുണ്ട്. പണം പ്രാകാശന് ഇടയ്ക്കിടയ്ക്ക് കൊടുക്കുന്നുണ്ട്. കല്യാണത്തിന് ഹാളിന്റെ കാര്യവും കതിർ മണ്ഡപത്തിലേക്ക് ഇനി പ്രാകാശൻ വന്നാൽ മതിയെന്ന് പറഞ്ഞാണ് വീട്ടിലേക്ക് അയച്ചിരിക്കുന്നത്. എല്ലാവരും സത്യങ്ങൾ അറിയുന്നതിന് മുൻപ് ആ കല്യാണം നടക്കട്ടെ.. അല്ലാതെ നമുക്ക് ഒന്നും ചെയ്യാൻ കഴിയില്ലലോ...