സംഗീത സംവിധായകൻ ഗോപി സുന്ദറും ഗായിക അമൃത സുരേഷും തമ്മിലെ പ്രണയം നിറഞ്ഞ നിമിഷങ്ങൾക്ക് സാക്ഷിയാണ് അവരുടെ സോഷ്യൽ മീഡിയ ഹാൻഡിലുകൾ. ഇക്കഴിഞ്ഞ മെയ് മാസത്തിലാണ് ഒന്നിച്ചു ജീവിക്കുന്നു എന്ന വിവരം ഇവർ പരസ്യമാക്കിയത്. ശേഷം തുരുതുരെ ചിത്രങ്ങളും വിഡിയോകളും പോസ്റ്റ് ചെയ്യപ്പെട്ടു. തിട്ടുപിന്നാലെ ഇരുവരെയും വിമർശനങ്ങളും, ട്രോളുകളും വിടാതെ പിന്തുടരുന്നുണ്ട്. ജീവിതത്തില്‍ ഏറ്റവും പിന്തുണച്ചവര്‍ മാതാപിതാക്കളാണെന്ന് ഗോപി സുന്ദര്‍ വ്യക്തമാക്കിയിരുന്നു.

അച്ഛനും അമ്മയ്ക്കുമൊപ്പമുള്ള ചിത്രങ്ങള്‍ ഇടയ്ക്ക് ഗോപി സുന്ദർ പങ്കിടാറുണ്ട്. അങ്കൂട്ടനെന്നാണ് വീട്ടിലെല്ലാവരും തന്നെ വിളിക്കുന്നതെന്നും അദ്ദേഹം പറഞ്ഞിരുന്നു. അമ്മയൊക്കെ അമൃതയെ അന്വേഷിച്ചതിനെക്കുറിച്ചും മുന്‍പൊരു വീഡിയോയില്‍ അദ്ദേഹം പറഞ്ഞിരുന്നു. ഇപ്പോഴിതാ അമ്മയെ ചേര്‍ത്തുപിടിച്ചുള്ളൊരു ചിത്രം അദ്ദേഹം സോഷ്യൽ മീഡിയയിൽ പങ്കുവയ്ക്കുകയും എ ചിത്രങ്ങൾക്ക് താഴെ പരിഹാസ കമന്ററുകൾ കൊണ്ട് നിറയുകയും ചെയ്തു.

ഒടുവിൽ വിമര്ശനങ്ങൾക്ക് മറുപടിയുമായി എത്തിയിരിക്കുകയാണ് ഗോപി സുന്ദർ. മകനെ ഇത്രയും മാന്യനായി വളർത്തിയ അമ്മയ്ക്ക് നമസ്കാരമെന്നായിരുന്നു ഒരാൾ കമന്റ് ചെയ്തത്. എന്റെ ജീവിതത്തിലെ ചില ദുർഘട സാഹചര്യങ്ങളിൽ എനിക്ക് എടുക്കേണ്ടി വന്ന ചില തീരുമാനങ്ങളിലുള്ള താങ്കളുടെ അഭിപ്രായവ്യത്യാസത്തിന് പാവം എന്റെ അമ്മയെ എന്തിനാണ് താങ്കൾ പുച്ഛ ഭാവത്തിൽ നമസ്ക്കരിക്കുന്നത്. ഈ മകനെ മാന്യനായി വളർത്തിയ അമ്മയ്ക്ക് നമസ്കാരമെന്നായിരുന്നു ഗോപി സുന്ദർ മറുപടി നൽകിയത്.

മക്കൾ എന്ത്‌ തെമ്മാടിത്തരം കാണിച്ചാലും കുറ്റം മുഴുവനും അമ്മയ്ക്കു മാത്രമായിരിക്കും. അതാണ് നമ്മുടെ ലോകമെന്നായിരുന്നു ഒരാൾ കമന്റ് ചെയ്തത്. ലോകം എന്നേ മാറി, നമ്മൾ ചില മലയാളികളാണ് മാറാത്തതെന്നായിരുന്നു ഗോപി സുന്ദറിന്റെ മറുപടി. അമ്മമാരേ ഒരിക്കലും കുറ്റം പറയരുത് ഒരമ്മക്ക് ഒരിക്കലും മക്കൾ വഴിതെറ്റണം എന്നുള്ള രീതിയിലാണോ വളർത്തുന്നെയെന്നായിരുന്നു വേരൊരാൾ കമന്റ് ചെയ്തത്.

എന്തൊക്കെ പറഞ്ഞാലും അന്യന്റെ ജീവിതത്തിൽ ഒളിഞ്ഞുനോക്കിയില്ലേൽ എന്തേലും പറഞ്ഞില്ലേൽ ശരിയാവില്ല ആൾക്കാർക്ക്. അവനവന്റെ ജീവിതം വരുമ്പോൾ മാത്രം ആയിരിക്കും ഓ ഇങ്ങനെയുമുണ്ടല്ലോ എന്നോർക്കുക. അമ്മയെ ചേർത്തുപിടിച്ചാണ് അദ്ദേഹം നിൽക്കുന്നത്. നിങ്ങൾ നിങ്ങളുടെ ജീവിതം ജീവിക്കൂ സർ ഗോപി സുന്ദറിനെ അനുകൂലിച്ചുള്ള കമന്റുകളും പോസ്റ്റിന് താഴെയുണ്ടായിരുന്നു.