ഗായിക അമൃത സുരേഷും സംഗീത സംവിധായകൻ ഗോപി സുന്ദറും അവരുടെ പ്രണയം പരസ്യമാക്കിയത് അടുത്തിടെയായിരുന്നു. ലിവിങ് ടുഗെതർ റിലേഷനിൽ താരങ്ങൾ കുടുംബ ജീവിതം നയിക്കാൻ തുടങ്ങിയതോടെ ഗോപി സുന്ദറിന്റെ ആദ്യ വിവാഹത്തെ കുറിച്ചുള്ള ചര്‍ച്ച സോഷ്യൽ മീഡിയയിൽ ഉയർന്നിരുന്നു. പ്രിയയെയാണ് ഗോപി സുന്ദര്‍ ആദ്യം വിവാഹം കഴിച്ചത്. ഈ ബന്ധത്തില്‍ രണ്ട് മക്കളും ഉണ്ട്. അച്ഛനെപ്പോലെ തന്നെ സംഗീതത്തിലായിരുന്നു മാധവും താല്‍പര്യം പ്രകടിപ്പിച്ചത്. അമൃത സുരേഷ്-ബാല ബന്ധത്തിൽ ഒരു മകളും ഉണ്ട്.

പ്രിയയില്‍ നിന്നും നിയമപരമായി വിവാഹമോചനം നേടാതെയാണ് ഗോപി സുന്ദര്‍ ഗായിക അഭയ ഹിരണ്‍മയിയുമായി ലിവിങ് റ്റുഗദര്‍ ജീവിതം തുടങ്ങിയത്. വര്‍ഷങ്ങളോളം ഇവര്‍ ഒന്നിച്ച് തന്നെ ആയിരുന്നു. പിന്നീട് അഭയയുമായി പിരിഞ്ഞ ശേഷമാണ് അമൃത സുരേഷിനെ വിവാഹം കഴിച്ചത്. ഗോപി സുന്ദറിനെ പലപ്പോഴും ആരാധകർ വിമർശിക്കുന്നതിന് കാരണം അദ്ദേഹത്തിന്റെ സ്വകാര്യ ജീവിതമാണ്. ഗോപി സുന്ദറുമായി പ്രണയത്തിലായതിന്റെ പേരിൽ അമൃതയ്ക്ക് നേരെയും വിമർശനം വന്നിരുന്നു.

അടുത്തിടെ അഭയ ഹിരൺമയി എം.ജി ശ്രീകുമാർ അവതാരകനായ പറയാം നേടാമിൽ അതിഥിയായി വന്നപ്പോൾ ഗോപി സുന്ദറുമായുള്ള ജീവിതത്തെ കുറിച്ച് വെളിപ്പെടുത്തിയിരുന്നു. 'ലൈഫില്‍ ഒരാളെ മിസ് ചെയ്യുന്നുണ്ടോ എന്ന് ചോദിച്ചാൽ തീര്‍ച്ചയായും മിസ് ചെയ്യുന്നുണ്ട്. അങ്ങനെയൊരു മിസിങ് ഇല്ല ആ വികാരം ഇല്ല എന്ന് പറഞ്ഞ് നമുക്ക് മുന്നോട്ട് പോവാന്‍ പറ്റില്ല.' എന്നാൽ അതിലെല്ലാം ഉപരി ഞാന്‍ പ്രാധാന്യം കൊടുക്കുന്നത് എന്റെ കരിയറിനാണ്' എന്നാണ് അഭയ പറഞ്ഞത്. വ്യക്തി ജീവിതത്തിന് കൂടുതല്‍ പ്രാധാന്യം നല്‍കിയ സമയത്ത് കരിയറില്‍ ശ്രദ്ധിക്കാനായിരുന്നില്ലെന്നും അഭയ ഹിരൺമയി പറഞ്ഞിരുന്നു.

ഇപ്പോഴിത ഗോപി സുന്ദറിന്റെ ഭാര്യ പ്രിയയെ കുറിച്ചുള്ള ആരാധകരുടെ ചർച്ചകളാണ് സോഷ്യൽമീഡിയയിൽ ശ്രദ്ധനേടുന്നത്. 'ഓള് വന്നിരുന്ന പോലെ ചാനലുകളിൽ ഇരിക്കാൻ എനിക്കും അറിയാമായിരുന്നു..... എന്ന ആ ചിന്ത എപ്പോൾ പ്രിയക്ക് തോന്നുന്നോ ആ സമയം തീരും അഭയയും അമൃതയും എല്ലാം.' കൊടുത്താൽ കൊല്ലത്തും കിട്ടും എന്ന് പറയാറുണ്ട്. എന്താണ് അവൾ പ്രിയക്ക് കൊടുത്തത്. അത് അമൃത അഭയക്ക് കൊടുത്തു. ഇനി അമൃതക്കും കൊടുക്കാൻ ആരോ വരും. പക്ഷെ ഏറ്റവും ഭീകരമായത് കിട്ടാൻ പോകുന്നത് ഗോപി സുന്ദറിനാണ്.'

'അഭയ ഒരിക്കലും ചെയ്യാൻ പാടില്ലാത്തതാണ് ചെയ്തത്. എന്നിട്ട് പറഞ്ഞു... എന്നെ എന്ത് വേണമെങ്കിലും വിളിച്ചോട്ടെയെന്ന് എന്നാൽ ദൈവം ഇടപെട്ടു... പ്രിയയുടെ കണ്ണ് നീരാണ് ഇപ്പോൾ അഭയ അനുഭവിക്കുന്നത്.' സത്യം... ആ പാവം പ്രിയയും രണ്ട് കുട്ടിയോളും അവർ ആ മനുഷ്യനെ ശപിക്കില്ല.... എന്തായാലും അവരുടെ അച്ഛൻ അല്ലെ? പക്ഷെ ദൈവം കൊടുക്കും... അഭയക്ക് മാത്രമല്ല ഇതിന് കൂട്ടുപിടിച്ചവർക്കും' എന്നാണ് ആരാധകർ ഗോപി സുന്ദറിന്റെ ഭാര്യയെ അനുകൂലിച്ച് പറയുന്നത്. ഇപ്പോഴും ഗോപി സുന്ദറിന്റെ പേര് പ്രിയ സോഷ്യൽമീഡിയ പേജുകളിൽ നിന്നും നീക്കിയിട്ടില്ല. ഗോപി സുന്ദറിനൊപ്പം പങ്കുവെച്ച ഫോട്ടോകള്‍ ഒന്നും തന്നെ ഫേസ്ബുക്കില്‍ നിന്ന് പ്രിയ ഡിലീറ്റ് ചെയ്തിട്ടുമില്ല. കല്യാണം കഴിഞ്ഞ പുതുമോടിയിലുള്ള ഫോട്ടോകള്‍ മുതല്‍ എല്ലാം ഇപ്പോഴും ഫേസ്ബുക്കിലുണ്ട്.

2001ല്‍ ആണ് പ്രിയയും ഗോപി സുന്ദറും തമ്മിലുള്ള വിവാഹം നടന്നത്. അമ്മയെയാണ് ഞാനെപ്പോഴും പിന്തുണയ്ക്കുന്നതെന്നും അച്ഛന്റെ മടങ്ങി വരവ് ഞങ്ങളൊരിക്കലും ആഗ്രഹിക്കുന്നില്ലെന്നും ഗോപി സുന്ദറിന്റെ മകൻ മാധവ് മുമ്പ് പ്രതികരിച്ചിരുന്നു. അമ്മയാണ് ഞങ്ങള്‍ക്കെല്ലാം, അമ്മയോടാണ് ഞങ്ങള്‍ കാര്യങ്ങളെല്ലാം തുറന്നുപറയുന്നത്. ഒരുകുറവും വരുത്താതെയാണ് അമ്മ ഞങ്ങളെ നോക്കുന്നതെന്നും മാധവ് പറഞ്ഞിരുന്നു.

കൂടാതെ ജീവിതത്തിലൊരിക്കലും അച്ഛനെപ്പോലെയാവാന്‍ ആഗ്രഹിക്കുന്നില്ല. അച്ഛന്റെ ശീലങ്ങളൊന്നും പിന്തുടരാന്‍ ആഗ്രഹിക്കുന്നില്ലെന്നും പറഞ്ഞിരുന്നു. അതേ സമയം അമൃതയ്ക്കൊപ്പം ആൽബം മേക്കിങും മറ്റുമായി ഗോപി സുന്ദർ തിരക്കിലാണ് ഇപ്പോൾ. അതേസമയം അമൃതയുമായി ഗോപി സുന്ദറിന്റെ വിവാഹം കഴിഞ്ഞോയെന്നതിൽ വ്യക്തതയില്ല. എന്നാൽ സിന്ദൂരമണിഞ്ഞ് ഗോപി സുന്ദറിനൊപ്പം നിൽക്കുന്ന അമൃതയുടെ ചിത്രങ്ങൾ വൈറലായിരുന്നു.