നടന് കൊച്ചുപ്രേമന് നാടിന്റെ യാത്രാമൊഴി, സംസ്കാര ചടങ്ങുകൾ തിരുവനന്തപുരം തൈക്കാട് ശാന്തികവാടത്തില് നടന്നു, കണ്ണീരണിഞ്ഞ ചലചിത്രലോകം...!
പ്രശസ്ത സിനിമാ നാടക നടന് കൊച്ചുപ്രേമന് നാടിന്റെ യാത്രാമൊഴി. അദ്ദേഹത്തിന്റെ സംസ്കാര ചടങ്ങുകൾ തിരുവനന്തപുരം തൈക്കാട് ശാന്തികവാടത്തില് നടന്നു. ഏകമകന് ഹരികൃഷ്ണനാണ് അന്ത്യ കര്മ്മങ്ങള് ചെയ്തത്. ആദ്യം തിരുവനന്തപുരം വിളപ്പില് പേയാടുള്ള വീട്ടിലും തുടര്ന്ന് ഇന്ന് രാവിലെ 11 മുതല് 12.15വരെ തൈക്കാട് ഭാരത് ഭവനിലും എത്തിച്ച മൃതദേഹത്തില് സമൂഹത്തിന്റെ നാനാതുറകളില് നിന്നുള്ളവര് അന്ത്യാഞ്ജലി അര്പ്പിച്ചു.
അഭിനയരംഗത്ത് സജീവമായിരിക്കെയാണ് പൊടുന്നനെയുള്ള മരണം. ശ്വാസകോശരോഗത്തിന് ചികില്സയിലായിരുന്നു. ഭക്ഷണം കഴിക്കുന്നതിനിടെ അസ്വസ്ഥതയുണ്ടായതോടെ ആശുപത്രിയിൽ എത്തിച്ചു. ആശുപത്രിയില് എത്തുമ്പോഴേക്കും മരണം സംഭവിച്ചിരുന്നു.
ഹാസ്യ വേഷങ്ങളിലൂടെ ശ്രദ്ധേയനായ കൊച്ചു പ്രേമന് നാടകത്തിലൂടെയാണ് അഭിനയ രംഗത്തെത്തുന്നത്. ഏഴു നിറങ്ങളാണ് അദ്ദേഹത്തിന്റെ ആദ്യ സിനിമ. സിനിമാ സീരിയല് താരം ഗിരിജയാണ് കൊച്ചുപ്രേമന്റെ ഭാര്യ.
https://www.facebook.com/Malayalivartha