അപ്രതീക്ഷിതമായിട്ടാണ് കലാഭവന്‍ മണിയെന്ന അതുല്യ പ്രതിഭ തന്റെ കുടുംബത്തെയും ആരാധകരെയും സങ്കടകടലിലാക്കി നമ്മോട് വിടപറഞ്ഞത്. പക്ഷെ മണിയുടെ മരണത്തെ വിശ്വസിക്കാന്‍ ഇപ്പോഴും മണിയെ സ്‌നേഹിക്കുന്നവര്‍ക്ക് കഴിയുനന്നില്ല. സോഷ്യല്‍ നെറ്റ് വര്‍ക്കിങ്ങ് സൈറ്റുകളായ ഫെയ്‌സ്ബുക്കിലും വാട്‌സാപ്പിലുമെല്ലാം കലാഭവന്‍ മണിയെന്ന പ്രതിഭയെക്കുറിച്ചുള്ള ഓര്‍മ്മക്കുറിപ്പുകളില്‍ നിറയുകയാണ്. കലാഭവന്‍ മണി ജനഹൃദയങ്ങളില്‍ എത്രമാത്രം സ്വീകാര്യനായിരുന്നുവെന്നിത് തെളിവാക്കുന്നു. ഇപ്പോഴും മണിയുടെ പ്രോഗ്രാമുകള്‍ മികച്ച റേറ്റിങ്ങാണ് നല്‍കുന്നത്. സാറ്റ്‌ലൈറ്റ് കുറവായതിനാല്‍ നേരത്തെ മണിയുടെ സിനിമകള്‍ വാങ്ങാന്‍ മടി കാണിച്ചവര്‍ തന്നെയാണ് ഇപ്പോള്‍ മണിയുടെ പ്രോഗ്രാമുകള്‍ മാറിമാറി കാണിക്കുന്നത്. ഇതിന് ചാനലുചകളെ പ്രേരിപ്പിരക്കുന്നത് മണിക്ക് ജനമനസ്സുകളിലുള്ള സ്വീകാര്യതയും. താരജാഢകളില്ലാതെ സാധാരണക്കാരനായിത്തന്നെയാണ് മണി ചാലക്കുടിക്കാരുടെ മുമ്പില്‍ എത്തിയിരുന്നത്. മണിയെക്കുറിച്ചുള്ള ഓര്‍മ്മകള്‍ കണ്ണീരോടെയല്ലാതെ ചാലക്കുടിക്കാര്‍ക്ക് ഓര്‍മ്മിച്ചെടുക്കാനാവില്ല. ഇപ്പോഴും മണിയുടെ വീട് സന്ദര്‍ശിക്കാന്‍ ആളുകളെത്തുന്നുണ്ടെന്ന് ബന്ധുക്കള്‍ കഴിഞ്ഞ ദിവസം പറഞ്ഞിരുന്നു.
മോശക്കാരായ കൂട്ടുകാരാണ് മണിയെ വഴിതെറ്റിച്ചതെന്ന് നടന്‍ ദിലീപ് പറഞ്ഞിരുന്നു. അവര്‍ക്ക് നിരവധി താത്പര്യങ്ങളുണ്ടായിരുന്നു. പ്രധാനമായും മണിയുടെ പണം. സമ്പത്ത് ലക്ഷ്യമിട്ടെത്തുന്ന സുഹൃത്തുക്കളെ ഒരിക്കലും വിശ്വസിക്കരുതെന്നും. കലാഭവന്‍ മണി എല്ലാവരെയും കണ്ണടച്ച് വിശ്വസിച്ചു. അതായിരുന്നു അദ്ദേഹത്തിന്റെ ഏറ്റവും വലിയ ദുരന്തമായി താന്‍ കാണുന്നതെന്നും ദിലീപ് പറഞ്ഞു. ഒരു പക്ഷെ ഈ നല്ല മനസ്സുതന്നെയായിരിക്കും അദ്ദേഹത്തിന്റെ മരണത്തിലേക്ക് നയിച്ചതും. തന്നെക്കാട്ടിലും കൂടുതല്‍ മണിയെന്ന മനുഷ്യന്‍ സ്‌നേഹിച്ചത് കുടുംബത്തെയും സുഹൃത്തുക്കളെയുമായിരുന്നു. ഇല്ലായമയില്‍ നിന്ന് വളര്‍ന്ന് വന്നതുകൊണ്ടാകും മണി വൈകാരികമായിട്ടാണ് എല്ലാത്തിലെയും നോക്കിക്കണ്ടിരുന്നത്. പല അഭിമുഖങ്ങളിലും തന്റെ ഇല്ലാമയും ദാരിദ്രവും ഒരു മടിയും കൂടാതെ തുറന്ന് പറഞ്ഞു. വന്ന വഴി മറക്കാത്ത ഒരു മഹാനടന്‍ എന്നതിലുപരി ഒരു നല്ല മനുഷ്യ സ്‌നേഹിയെയാണ് നമുക്ക് നഷ്ടപ്പെട്ടിരിക്കുന്നത്. ദുരൂഹതകള്‍ ബാക്കിവച്ച് അദ്ദേഹം യാത്ര പറഞ്ഞകന്നപ്പോള്‍ കലാകേരളത്തിന് നഷ്ടമായതൊരു അതുല്യ പ്രതിഭയും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha