'പേട്രിയറ്റ്' ജൂണ് 5 മുതല് ഒടിടിയില് എത്തും
മമ്മൂട്ടിയും മോഹന്ലാലും 18 വര്ഷങ്ങള്ക്ക് ശേഷം വീണ്ടും ഒന്നിച്ച ചിത്രം'പേട്രിയറ്റ്' ഒടിടിയില് എത്തും. മഹേഷ് നാരായണന് ഒരുക്കിയ ചിത്രം ജൂണ് 5 മുതല് സീ5 ല് മലയാളം, ഹിന്ദി, തെലുങ്ക്, തമിഴ്, കന്നഡ എന്നീ ഭാഷകളില് റിലീസ് ചെയ്യാന് ഒരുങ്ങുകയാണ്. ഡാനിയല് ജെയിംസ് എന്ന സയന്റിഫിക് ഡയറക്ടര് ആയാണ് മമ്മൂട്ടി ചിത്രത്തില് എത്തുന്നത്.
വന് ബഡ്ജറ്റില് എത്തിയ ചിത്രത്തിന്റെ നിര്മാണം ആന്റോ ജോസഫ്, കെ.ജി. അനില്കുമാര് എന്നിവര് ചേര്ന്നാണ്. സിആര് സലീം, സുഭാഷ് ജോര്ജ് മാനുവല് എന്നിവര് സഹനിര്മാതാക്കളാണ്. സംവിധാനത്തിന് പുറമെ തിരക്കഥ, സംഭാഷണം, എഡിറ്റിങ് എന്നിവ നിര്വഹിച്ചിരിക്കുന്നതും മഹേഷ് നാരായണനാണ്.
ഫഹദ് ഫാസില്, കുഞ്ചാക്കോ ബോബന്, രേവതി, സറിന് ഷിഹാബ്, ജിനു ഏബ്രഹാം, ഇന്ദ്രന്സ്, ദര്ശന രാജേന്ദ്രന്, ഗ്രേസ് ആന്റണി, ഷഹീന് സിദ്ദിഖ്, സനല് അമന്, വിനീത് തട്ടില്, ഗീതി സംഗീത എന്നിവരാണ് മറ്റ് അഭിനേതാക്കള്. ഒരു സര്പ്രൈസ് ക്യാരക്ടര് ആയാണ് നയന്താര ചിത്രത്തിലെത്തുന്നത്.
https://www.facebook.com/Malayalivartha
