നീണ്ട ഇടവേളയ്ക്ക് ശേഷം സംവിധായകന്‍ ഫാസില്‍ തിരിച്ചുവരുന്നു. നിയമവിദ്യാര്‍ത്ഥി ഹേമയുടെ കഥയാണ് ഇക്കുറി പറയുന്നത്. വിവാഹമോചനം നേടിയ മാതാപിതാക്കളെ കോടതി കയറ്റുകയാണ് ഹേമയുടെ ലക്ഷ്യം. ഇത്തവണ ഒരു കോളജ് അധ്യാപകനും ഫാസിലും ചേര്‍ന്നാണ് തിരക്കഥ എഴുതുന്നത്. നിര്‍മാതാവിനെയോ അഭിനേതാക്കളെയോ തീരുമാനിച്ചിട്ടില്ല. ലിവിംഗി ടുഗദറാണ് ഫാസില്‍ അവസാനം ചെയ്ത സിനിമ. അത് വലിയ പരാജയമായിരുന്നു. പിന്നീട് മകന്‍ ഫഹദ് സിനിമയിലെത്തിയെങ്കിലും മകനെ വെച്ച് ഫാസില്‍ സിനിമയെടുത്തിട്ടില്ല. 

തോന്ന്യവാസ ജീവിതം നയിക്കുന്ന ഹേമയെ വരുതിക്ക് നിര്‍ത്താന്‍ അവളുടെ അമ്മ ക്വട്ടേഷന്‍ സംഘത്തിലെ ഒരു ചെറുപ്പക്കാരനായ വിവേകിനെ വാടകയ്ക്ക് എടുക്കുന്നു. വിവേകും ഹേമയും തമ്മിലുള്ള പോരാട്ടമാണ് പിന്നീട് സിനിമയില്‍ നടക്കുന്നത്. ഹേമയുടെ പിതാവ് സമ്പന്നനാണ്. അയാള്‍ മറ്റൊരു സ്ത്രീയെ വിവാഹം കഴിച്ച് ജീവിക്കുകയാണ്. രണ്ട് ആണ്‍മക്കളുണ്ട്. അമ്മ കോളംബിയയിലായിരുന്നു. ലാറ്റിനമേരിക്കക്കാരനായ ഭര്‍ത്താവിനെ ഉപേക്ഷിച്ചാണ് അവര്‍ 17 വര്‍ഷത്തിന് ശേഷം നാട്ടിലെത്തുന്നത്. ഹേമയ്ക്ക് രണ്ട് വയസ് ഉള്ളപ്പോഴാണ് അച്ഛനും അമ്മയും വേര്‍പിരിഞ്ഞത്. ഇതാണ് കഥാസന്ദര്‍ഭമെന്ന് ഫാസില്‍ പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha