കുഞ്ചാക്കോബോബന്റെ മിക്ക സിനിമകളിലും മോശമല്ലാത്ത പാട്ടകളുണ്ട്. ആ പാട്ടുകളൊക്കെ കുഴപ്പമല്ലാത്ത രീതിയില്‍ ചുണ്ടനക്കി പാടുന്നയാളാണ് താരം. അത് കേട്ട് കുഞ്ചാക്കോബോബന്‍ നല്ലൊരു ഗായകനാണെന്ന് പലരും തെറ്റിദ്ധരിച്ചിട്ടുണ്ട്. എന്നാല്‍ യേശുദാസിന്റെ പാട്ടിനൊപ്പം ചുണ്ടനക്കുമ്പോള്‍ താന്‍ നല്ലൊരു ഗായകനാണെന്ന് സ്വയം തോന്നാറുണ്ടെന്ന് താരം പറയുന്നു. എന്നാല്‍ ഒറ്റയ്ക്ക് പാടുമ്പോള്‍ പലപ്പോഴും അതുണ്ടാകാറില്ല. എന്നാല്‍ അടുത്തിടെ താരം ഒരു പാട്ട് പാട് റെക്കോഡ് ചെയ്ത് സൂക്ഷിച്ചുവച്ചു. വെറുതെ ഒറ്റയ്ക്ക് ഇരിക്കുമ്പോള്‍ കേള്‍ക്കാനായിരുന്നു. ഭാര്യ പ്രിയ പോലും ഇത് അറിഞ്ഞിരുന്നില്ല.
എന്നാല്‍ റെക്കൊഡ് ചെയ്ത പാട്ട് ഒരു യാത്രയില്‍ കേട്ടപ്പോഴാണ് തന്റെ ശബ്ദം ഇത്രയും മോശമാണെന്ന് ചാക്കോച്ചന് മനസിലായത്. അതുകൊണ്ട് അത് ആരെയും കേള്‍പ്പിക്കണ്ട എന്ന് തീരുമാനിച്ചു. റെക്കോഡ് ചെയ്ത പാട്ട് ഫല്‍റ്റില്‍ ഒളിപ്പിച്ചുവച്ചു. ഒരു ദിവസം പ്രിയയത് കണ്ടെത്തി. പാട്ട് കേട്ട് കരഞ്ഞ് പോയി! കാരണം ഇത്രയും മോശമായ പാട്ട് കേട്ടിട്ടില്ലെന്നാണ് ഭാര്യയുടെ അഭിപ്രായം. ആ ദിവസങ്ങളിലെല്ലാം പ്രിയ ചാക്കോച്ചനെ കളിയാക്കിക്കൊണ്ടേയിരുന്നു. എന്നാലും തന്റെ ശബ്ദത്തിനും കഴിവിനും അനുസരിച്ചുള്ള പാട്ട് വന്നാല്‍ പാടാന്‍ ചാക്കോച്ചന്‍ തയ്യാറാണ്. പക്ഷെ, അത് കേള്‍ക്കാനുള്ള ധൈര്യം പ്രേക്ഷകനുണ്ടാകണമെന്ന് താരം പറഞ്ഞു.
പ്രേംപൂജാരി എന്ന ചിത്രത്തില്‍ ഗായകനായാണ് കുഞ്ചാക്കോ ബോബന്‍ അഭിനയിച്ചത്. അതുപോലെ ഹരികൃഷ്ണന്‍സില്‍ സെമിക്ലാസിക്കല്‍ പാടിയാണ് തകര്‍ത്തത്. ആദ്യ ചിത്രമായ അനിയത്തിപ്രാവില്‍ മനോഹരമായ ഗാനങ്ങളായിരുന്നു. പിന്നിടുള്ള ചില സിനിമകള്‍ മോശമായെങ്കിലും അതിലെ പാട്ടുകള്‍ മോശമായിരുന്നില്ല.