സന്ദേശത്തിലെ ഉത്തമനും കുമാരപിള്ളയും വീണ്ടും സിനിമയില്
സിദ്ധാര്ത്ഥ് ഭരതന് സംവിധാനം ചെയ്യുന്ന വര്ണ്യത്തില് ആശങ്ക എന്ന ചിത്രത്തിലാണ് ബോബികൊട്ടാരക്കരയുടെ ഉത്തമനും ശങ്കരാടിയുടെ കുമാരപള്ളയും പ്രത്യക്ഷപ്പെടുന്നത്. ലെനിന്റെ ചിത്രത്തിനൊപ്പം മാലയിട്ട് ഇവരുടെ ഫോട്ടോയും സിനിമയിലുണ്ട്. സത്യന് അന്തിക്കാടിന്റെയും ശ്രീനിവാസന്റെയും അനുമതിയോടെയാണ് ഇവരുടെ ഫോട്ടോസ് സിനിമയില് ഉപയോഗിച്ചിരിക്കുന്നത്. എന്നാല് സന്ദേശത്തിന്റെ കഥാപാത്രമായോ, ഇവരുടെ കഥാപാത്രമായോ ഈ സിനിമയ്ക്ക് യാതൊരു ബന്ധവും ഇല്ലെന്ന് സംവിധായകന് പറഞ്ഞു.
സന്ദേശത്തിലെ ആര്.ഡി.പി, ഐ.എന്.സി.പി പാര്ട്ടികളും വര്ണ്യത്തിലാശങ്കയില് കടന്നുവരുന്നുണ്ട്. പാര്ട്ടി ഓഫീസിന് മുന്നില് ഐ.എന്.സി.പി ദേശീയ നേതാവായി സന്ദേശത്തില് അഭിനയിച്ച യസ്വന്ത് സഹായിയുടെ (ഇന്നസെന്റ്) വലിയ കട്ടൗട്ടറും വച്ചിട്ടുണ്ട്. ഇന്നസെന്റ് പക്ഷെ, സിനിമയില് അഭിനയിക്കുന്നില്ല. അന്ന് ദേശീയ നേതാവായി അഭിനയിച്ച ഇന്നസെന്റ് ഇന്ന് എം.പിയായി എന്നത് യാദൃച്ഛികം. സന്ദേശം മലയാളത്തിലെ ഏറ്റവും മികച്ച ആക്ഷേപഹാസ്യമായിരുന്നെങ്കില് വര്ണ്യത്തില് ആശങ്ക അഞ്ച് കള്ളന്മാരുടെ കഥയാണ് പറയുന്നത്. അതില് രാഷ്ട്രീയം കടന്ന് വരുന്നത് സ്വാഭാവികമായാണ്.
കുഞ്ചാക്കോബോബന്, ചെമ്പന് വിനോദ്, മണികണ്ഠന് ആചാരി എന്നിവരാണ് വര്ണ്യത്തില് ആശങ്കയിലെ പ്രധാന കഥാപാത്രങ്ങള്. ചിത്രത്തിലുടനീളം അതുതന്നെയാണോ ഇത് എന്ന ആശങ്ക നിലനില്ക്കുന്നുണ്ട്. അതുകൊണ്ടാണ് വര്ണ്യത്തില് ആശങ്ക എന്ന് പേരിട്ടത്. ചന്ദ്രേട്ടന് എവിടെയാ.. എന്ന ഹിറ്റ് ചിത്രത്തിന് ശേഷം അപകടം പറ്റിയ സിദ്ധാര്ത്ഥ് ഭരതന് സംവിധാനം ചെയ്യുന്ന ചിത്രം പാലക്കാട്ടും പരിസരങ്ങളിലും പുരേഗമിക്കുകയാണ്.
https://www.facebook.com/Malayalivartha