ഒരു കാലത്ത് മലയാളി പ്രേക്ഷകരുടെ ഇഷ്ട നടിയായിരുന്നു രശ്മി സോമന്‍. ഇഷ്ടമാണ് നൂറുവട്ടം എന്ന ചിത്രത്തിലൂടെയായിരുന്നു താരം സിനിമയിലേയ്ക്ക് വന്നത്. പിന്നീട് സിനിമ വിട്ട് സീരിയല്‍ രംഗത്തേയ്ക്ക് വന്നപ്പോള്‍ രശ്മി കൂടുതല്‍ ജനപ്രീതി നേടിയ നടിയായി. പി.ടി കുഞ്ഞഹമ്മദിന്റെ മഗ്രിദിലൂടെ അരങ്ങേറ്റം കുറിച്ച രശ്മി സോമന്‍ നിരവധി സീരിയലിലൂടെ ജനശ്രദ്ധ പിടിച്ചുപറ്റി. 

സൗന്ദര്യവും അഭിനയ മികവും കൊണ്ട് വളരെ പെട്ടെന്ന് തന്നെ നടി ആരാധകരുടെ പ്രശംസ പിടിച്ചുപറ്റി. എം എം നസീറിന്റെ സീരിയലിലുകളിലൂടെയാണ് രശ്മി വളര്‍ന്നത്. ആ കൂട്ടത്തില്‍ തന്നെ ഇരുവര്‍ക്കുമിടയില്‍ മറ്റൊരു ബന്ധം കൂടി ഉടലെടുക്കുകയായിരുന്നു. വീട്ടുകാരുടെ സമ്മതമില്ലാതെ ഇരുവരും ഒളിച്ചോടി വിവാഹിതരാകുകയായിരുന്നു. 

വിവാഹം കഴിഞ്ഞിട്ടും നസീറിന്റെ സീരിയലുകളിലൂടെ രശ്മി അഭിനയം തുടര്‍ന്നു. എന്നാല്‍ ആ ദാമ്പത്യം അത്ര വിജയകരമായിരുന്നില്ല. ഇരുവരും വേര്‍പിരിഞ്ഞു. വിവാഹ മോചനം നേടിയെങ്കിലും ഇരുവരും പരസ്പരം കുറ്റപെടുത്തിയില്ല. രശ്മിയെ കുറിച്ച് നസീറിനോട് ചോദിച്ചപ്പോള്‍ ഞങ്ങള്‍ പിരിഞ്ഞിട്ടില്ല അവള്‍ പുറത്ത് എം.ബി.എ ചെയ്യുകയാണെന്നായിരുന്നു പ്രതികരണം. 

എം.ബി.എ പഠിക്കാന്‍ പോയതൊക്കെ സത്യം തന്നെ! ഉയര്‍ന്ന മാര്‍ക്കോടെ പാസ്സ് ആകുകയും ചെയ്തു. പിന്നീട് ഡി. എ സജിയുടെ പെണ്‍മനസ്സ് എന്ന സീരിയലിലൂടെ താരം തിരിച്ചു വരവ് നടത്തുകയും ചെയ്തു. തന്റെ ജീവിതത്തിലേയ്ക്ക് രശ്മി തിരിച്ചു വരുമെന്ന് ആഗ്രഹിച്ച് നസീര്‍ കാത്തിരുന്നെങ്കിലും രശ്മി വന്നത് മറ്റൊരു വിവാഹത്തിന് വേണ്ടിയായിരുന്നു.

രശ്മി രണ്ടാമതും വിവാഹം കഴിച്ചു. എങ്കിലും നസീര്‍ രശ്മിക്കുവേണ്ടി കാത്തിരുന്നു. ഇതിനു തെളിവായി രശ്മിയുടെ അനേകം ഫോട്ടോകള്‍ നസീറിന്റെ ഫ്‌ലാറ്റിലുണ്ടത്രെ. പക്ഷെ തന്റെ കാത്തിരിപ്പുകള്‍ വിഫലമാണെന്ന് മനസിലാക്കിയ എം എം നസീര്‍ ഒടുവില്‍ മറ്റൊരു വിവാഹം കഴിക്കുകയായിരുന്നു.