പീഡനത്തിനിരയായ നടിയുടെ ശക്തമായ പ്രതികരണം ദിലീപിനെ സംശയമുനയില്‍ നിര്‍ത്തി തന്നെ. പ്രതി സുനിലുമായി നടിക്ക് ഉറ്റബന്ധമുണ്ടായിരുന്നെന്നും ആശാസ്യമ ല്ലാത്ത ഇത്തരം ബന്ധങ്ങളുടെ അനന്തരഫലമാണ് ആക്രമണമെന്നുള്ള ദിലീപിന്റെ വിവാദപ്രസ്താവന താരത്തെ തിരിഞ്ഞുകൊത്തി. 
അപകീര്‍ത്തികരമായ ഈ പരാമര്‍ശം തന്നെ ഏറെ വേദനിപ്പിച്ചെന്നും നിയമനടപടികളിലേക്ക് കടക്കുകയാണെന്നും നടി വെളിപ്പെടുത്തി. എന്റെ മനസാക്ഷി ശുദ്ധമാണ് ആരെയും പേടിക്കുന്നില്ല. നടിയുടെ പ്രതികരണം ശക്തമായ ഭാഷയിലാണ്. കേസുമായി ബന്ധപ്പെട്ട് പലരുടെയും പേരുകള്‍ പറഞ്ഞ് കേള്‍ക്കുന്നുണ്ടെന്നും അതൊന്നും തള്ളാനും കൊള്ളാനും ഈയവസരത്തില്‍ കഴിയില്ലെന്നുമുള്ള വിശദീകരണം ദിലീപിനെതിരെയുള്ള ശക്തമായ ബോധ്യത്തിന്റെ അടിസ്ഥാനത്തില്‍ തന്നെ. ഇന്നലെ വൈകിട്ട് ദിലീപിന്റെ വിവാദ പ്രസ്താവന വന്നതുമുതല്‍ നടി മഞ്ചുവാര്യരുമായും സുഹൃത്ത് രമ്യാ നമ്പീശനുമായും പല തവണ കാര്യങ്ങള്‍ ചര്‍ച്ച ചെയ്തു കേസില്‍ ഇനി പിന്നോട്ടേക്ക് നീങ്ങരുതെന്ന മഞ്ചുവാര്യരുടെ ഉറച്ച നിലപാട് വനിതാ താര സംഘടന ഉള്‍ക്കൊള്ളുകയായിരുന്നു. മധ്യസ്ഥശ്രമങ്ങക്കുമുന്നില്‍ നിന്ന ലാല്‍ ഉള്‍പ്പെടെയുള്ള സിനിമാ പ്രവര്‍ത്തകര്‍ ഉള്‍വലിഞ്ഞു. എപ്പോഴും ദിലീപിന് വേണ്ടി നിലകൊണ്ട മമ്മൂട്ടിയും ഇനിയൊരു നീക്കത്തിന് താനില്ല എന്ന നിലപാടിലെത്തിച്ചേര്‍ന്നത്. 
നാളെയും മാറ്റന്നാളുമായിച്ചേരുന്ന അമ്മ എക്‌സിക്യൂട്ടീവ് യോഗത്തിലും ദിലീപിനെതിരായ വികാരം ശക്തിപ്രാപിക്കും എന്നുറപ്പാണ്. മമ്മൂട്ടിയുടെ സുഹൃത്തും പ്രമുഖ മാധ്യമപ്രവര്‍ത്തകനുമായ വ്യക്തി ദിലീപിനെതിരെ പോലീസില്‍ നിന്ന് ശക്തമായ ഇടപെടലുകളുണ്ടാകാതിരിക്കാന്‍ പലപ്പോഴും ശ്രമിച്ചിരുന്നു. ദിലീപിന് അനുകൂലമായി നിലപാടെടുത്തവരെല്ലാം ഈ വിവാദപ്രസ്താവനയോടെ വെട്ടിലായിരിക്കുകയാണ്. നടന്‍ പ്രഥ്വിരാജ് ഉള്‍പ്പെടെയുള്ള നടന്‍മാര്‍ നിഷ്പക്ഷമായ അന്വേഷണം നടക്കണമെന്നും തെറ്റുചെയ്തവര്‍ തെറ്റുചെയ്തവര്‍ നിയമത്തിന് മുന്നില്‍ വരണമെന്നും ഉറച്ചുവിശ്വസിക്കുന്നവരാണ്. പള്‍സര്‍ സുനിയുടെ അഭിഭാഷകന്‍ പ്രദീഷ് ചാക്കോയുടെ മൊബൈല്‍ നമ്പറില്‍ നിന്നു പോയിട്ടുള്ള കോളുകള്‍ പോലീസ് ശേഖരിച്ച് കഴിഞ്ഞു. സിനിമാ ലോകത്തെ പല ഉത്തതരുമായും അടുത്ത ബന്ധമുണ്ട് പ്രദീപ് ചാക്കോയക്ക്. ദിലീപ് നിരപരാധിയെങ്കില്‍ പോലീസ് ഇടപെടലിലൂടെ കൂടുതല്‍ താരത്തിന്റെ ഇമേജ് കളയണ്ട എന്ന മുഖ്യമന്ത്രിയുടെ നിലപാട് മാറിയത് ദിലീപിന്റെ സുഹൃത്തുക്കളെ വിഷമിപ്പിക്കുന്നു.
കഴിഞ്ഞ രണ്ടുദിവസമായി തലസ്ഥാനം കേന്ദ്രീകരിച്ച് വിവിധ രാഷ്ട്രീകക്ഷി നേതാക്കളെ കാണുന്നതിനുള്ള ശ്രമത്തിലാണ് ദിലീപിന്റെ അടുത്ത സുഹൃത്തുക്കളായ രണ്ടു സംവിധായകര്‍. മമ്മൂട്ടിയെ പ്രതീക്ഷിച്ചെങ്കിലും വേണ്ടത്ര സഹായം ലഭിക്കുന്നില്ല. 
മാക്ട ഫേഡറേഷന്റെ നേതൃത്വത്തില്‍ പല വിലപ്പെട്ട തെളിവുകളും ആവശ്യം വന്നാല്‍ പോലീസിന് കൈമാറാനുള്ള തയ്യാറെടുപ്പിലാണ് സേവ് മലയാളം സിനിമ എന്ന പേരില്‍ ഒത്തുചേര്‍ന്ന് ചില സിനിമാ പ്രവര്‍ത്തകര്‍. സംവിധായകന്‍ ബൈജു കൊട്ടാരക്കരയും ശക്തമായി പ്രതികരിച്ചു കഴിഞ്ഞു.ആക്രമിക്കപ്പെട്ട നടി നമ്മുടെ ഭരണകൂടത്തോട് ശക്തമായി ആവശ്യപ്പെടുന്നത് ഒരൊറ്റകാര്യം മാത്രം. തെറ്റുചെയ്തവരെ നിയമത്തിന് മുന്നില്‍ കൊണ്ടുവരണം.