ഒരുലക്ഷം അംഗത്വഫീസ് വാങ്ങുന്നതിനെതിരെ കൂടുതല്‍ നടിമാര്‍ രംഗത്ത്
അമ്മയ്‌ക്കെതിരെ കൂടുതല്‍ നടിമാര്‍ രംഗത്ത്. സജിത മഠത്തില്‍, അമല, രഞ്ജിനി തുടങ്ങിയവരുടെ നേതൃത്വത്തില്‍ 14 നടിമാരാണ് അമ്മയ്‌ക്കെതിരെ രംഗത്തെത്തിയത്. അഭിനേതാക്കളായിരിക്കെ തന്നെ അമ്മയില്‍ നിന്നും അംഗത്വം എടുക്കില്ലെന്നാണ് ഇവര്‍ പറുന്നത്. തുല്യവേദനമില്ലാത്ത മേഖലയില്‍ അമ്മ ഒരു ലക്ഷം രുപ അംഗത്വ ഫീസായി വാങ്ങുന്നത് ജനാധിപത്യ വിരുദ്ധമാണെന്നും നടിമാര്‍ ആരോപിക്കുന്നു.
അതേസമയം അമ്മയ്‌ക്കെതിരെ വിമര്‍ശനവുമായി യുവജന കമ്മിഷന്‍ അധ്യക്ഷ ചിന്ത ജെറോം രംഗത്തെത്തി. ആക്രമണത്തെ അതിജീവിച്ച നടിക്കൊപ്പം നില്‍ക്കാത്തവര്‍ ചരിത്രത്തില്‍ കുറ്റക്കാരായിരിക്കുമെന്നും, സഹപ്രവര്‍ത്തകരോ താരസംഘടനയോ അവരെ തകര്‍ക്കുന്ന സമീപനമുണ്ടായിട്ടുണ്ടെങ്കില്‍ അതു തിരുത്തണമെന്നും ചിന്ത ജെറോം പറഞ്ഞു.
മാത്രമല്ല, പൊതുസമൂഹം നടിക്കൊപ്പം നില്‍ക്കുന്നതാണു നീതിയെന്നും, സഹപ്രവര്‍ത്തകരും താരസംഘടനയും നടിക്കു കരുത്ത് പകര്‍ന്നു കൂടെ നില്‍ക്കണമെന്നും ചിന്ത അഭിപ്രായപ്പെട്ടു. ഒരു ചാനലിനു നല്‍കിയ അഭിമുഖത്തിലായിരുന്നു ചിന്തയുടെ തുറന്നുപറച്ചില്‍.
മനുഷ്യപക്ഷത്ത് നില്‍ക്കാന്‍ മടിക്കുന്നവര്‍ ചരിത്രത്തില്‍ കുറ്റക്കാരായിരിക്കും. ഭിന്നസ്വരങ്ങള്‍ക്കു പകരം പ്രതിസന്ധിയെ അതിജീവിച്ച നടിക്കൊപ്പം നില്‍ക്കാനാണ് പൊതുസമൂഹം മനസ്സ് കാണിക്കേണ്ടത്. ആക്രമണത്തെ അതിജീവിച്ച നടിക്ക് പിന്തുണയുമായി അമ്മയില്‍ നിന്ന് രാജിവച്ചവര്‍ ശരിയുടെ പക്ഷത്താണ്. നിലവിലെ സമീപനം തുടര്‍ന്നാല്‍ നിരവധിപേര്‍ താരസംഘടന വിടുമെന്നും ചിന്ത ചൂണ്ടിക്കാട്ടി.
https://www.facebook.com/Malayalivartha
