ബോളിവുഡില്‍ ഏറെ ചര്‍ച്ച ചെയ്യപ്പെടുന്ന ഒന്നാണ് പ്രിയങ്ക ചോപ്രനിക്ക് ജോണ്‍സ് പ്രണയം. തന്റെ കാമുകനെ കുടുംബാംഗങ്ങള്‍ക്ക് പരിചയപ്പെടുത്താനായി ഇന്ത്യയിലേക്ക് എത്തിയിരിക്കുകയാണ് താരം. തന്നേക്കാള്‍ പത്ത് വയസ് താഴെയുള്ള നിക്ക് ജോനാസിനൊപ്പമാണ് നടി മുംബൈയില്‍ എത്തിയത്. കുടുംബാംഗത്തിന്റെ വിവാഹ നിശ്ചയ ചടങ്ങിലും നിക്കിനെ പ്രിയങ്ക കൂട്ടി. ഇപ്പോള്‍ എല്ലാവരും ഗോവയില്‍ അവധിയാഘോഷിക്കുകയാണ്.

ഞായറാഴ്ചയാണു പ്രിയങ്ക നിക്കിനും കുടുംബാംഗങ്ങളോടുമൊപ്പം ഗോവയിലെത്തിയത്. പ്രിയങ്കയുടെ ബന്ധുവും നടിയുമായ പരിനീതി ചോപ്രയ്‌ക്കൊപ്പം ടിപ് ടിപ് ബര്‍സാ പാനി എന്ന പാട്ടിനു നൃത്തം വയ്ക്കുന്ന വീഡിയോ ഇതിനോടകം തന്നെ വൈറലായിട്ടുണ്ട്. ഡാന്‍സിന്റെ പിന്‍ഭാഗത്തായി ബാല്‍ക്കണിയില്‍ പ്രിയങ്കയുടെ കാമുകനും അമേരിക്കന്‍ ഗായകനുമായ നിക്കും ഉണ്ട്.

കാമുകനൊപ്പമുള്ള അത്താഴ വിരുന്നിനായി മാത്രം ലക്ഷകണക്കിന് രൂപ വില വരുന്ന മോഡേണ്‍ സ്‌കേര്‍ട്ട് ധരിച്ചെത്തിയ പ്രിയങ്ക അന്നെ സോഷ്യല്‍ മീഡിയയില്‍ തരംഗം സൃഷ്ടിച്ചിരുന്നു. അറ്റ്‌ലാന്റിക്കയിലുള്ള നിക്കിന്റെ ബന്ധുവിന്റെ വിവാഹത്തിന് പ്രിയങ്ക പങ്കെടുത്തതോടെ ഇരുവരും ഡേറ്റിങ്ങിലാണെന്നു വാര്‍ത്ത പരന്നിരുന്നു.

ഇരുവരും ഒന്നിച്ച് ഇന്ത്യയിലെത്തിയതോടെയാണ് പ്രണയ വാര്‍ത്തകള്‍ക്ക് ആധികാരികത ലഭിച്ചത്.