ഒരു സിനിമ താരം എന്നതിലുപരി സാമൂഹ്യ വിഷയങ്ങളിൽ സജീവ സാന്നിധ്യമാണ് ജയസൂര്യ. നടൻ ദിലീപിനെ തിരികെ അമ്മയിൽ എടുത്ത വിഷയത്തിൽ ജയസൂര്യ മൗനം പാലിച്ചത്തിൽ സോഷ്യൽ മീഡിയയിൽ വ്യാപക പ്രതിഷേധം നടക്കുകയാണ്. റോഡിൽ കുഴി അടക്കുന്നതിലും മറ്റു കാര്യങ്ങളിലും അഭിപ്രായമുണ്ടായിരുന്ന ജയസൂര്യക്ക് ഇക്കാര്യത്തിൽ മാത്രം അഭിപ്രായമില്ലാത്തത് എന്തുകൊണ്ടാണെന്ന് സോഷ്യൽ മീഡിയ ചോദിക്കുന്നു.

താൻ അമ്മയിലെ അംഗം മാത്രമാണെന്നും വിഷയത്തില്‍ ഇപ്പോൾ പ്രതികരിക്കുന്നില്ലെന്നുമാണ് ജയസൂര്യ പറഞ്ഞത്. അപ്പോൾ റോഡിലെ കുഴികൾ നന്നാക്കാത്തതിൽ പ്രതിഷേധിക്കാനിറങ്ങിയത് പൊതുമരാമത്ത് മന്ത്രിയായിരുന്നതു കൊണ്ടാണോ എന്നാണ് ട്രോളർമാരുടെ ചോദ്യം. ഇനി മേലിൽ സാമൂഹ്യ പ്രതിബദ്ധതയുടെ പേരും പറഞ്ഞ് റോഡിലോ തോട്ടിലോ ഇറങ്ങരുതന്നെന്നും വിമർശകർ മുന്നറിയിപ്പു നൽകുന്നു.