സിനിമയിലെ താരങ്ങളുമായി സംസാരിക്കുന്നതിന് വേണ്ടി മഴവിൽ മനോരമയില്‍ സംപ്രേക്ഷണം ചെയ്യുന്ന ചാറ്റ് ഷോ ആണ് നക്ഷത്രത്തിളക്കം. നടി ആര്യ അവതരിപ്പിക്കുന്ന പരിപാടിയിൽ അടുത്തിടെ ദേശീയ പുരസ്‌കാര ജേതാവ് സുരഭി ലക്ഷ്മിയും മഞ്ജു പിള്ളയുമാണ് എത്തിയിരുന്നത്. സുരഭിയോടും മഞ്ജുവിനോടും സിനിമയിലുള്ള ഏതെങ്കിലും ഒരു താരത്തിന് പ്രേമലേഖനം എഴുതാന്‍ അവതാരക ആവശ്യപ്പെട്ടിരുന്നു. ഒരു ടാസ്‌ക് ആയിട്ടായിരുന്നു ഇത് കൊടുത്തിരുന്നത്.

ആ വ്യക്തിയോട് പ്രണയമായിരിക്കണം, ഒരു സിനിമാ നടന്‍ ആയിരിക്കണമെന്നുമായിരുന്നു അവതാരകയുടെ നിര്‍ദ്ദേശം. തുടര്‍ന്ന് ഇരുവരും മനോഹരമായി തന്നെ എഴുതുകയും ചെയ്തിരുന്നു. സുരഭിയുടെ ലവ് ലെറ്റര്‍ കേട്ടാല്‍ ആരും ഒന്ന് അമ്പരക്കും. സുരഭിയുടെ പ്രേമ ലേഖനം എങ്ങനെയായിരുന്നുവെന്ന് നോക്കാം.

‘പ്രണയിക്കാന്‍ എളുപ്പമാണ്.. പ്രണയിക്കപ്പെടനാണ് ഭാഗ്യം വേണ്ടത്. എന്റെ ചെമ്പേട്ടാ.. ഒത്തിരി ഇഷ്ടമാണ്. കാണാന്‍ ആഗ്രഹമുണ്ട്. എന്ന് കാണും? ഓരോ സിനിമ കാണുമ്പോഴും എന്റെ ഹൃദയത്തിലേക്ക് ഇറങ്ങി വന്ന് എന്നെ കട്ടെടുക്കുന്നത് പോലെ തോന്നും. എന്നും കള്ളനായി വരുന്ന എന്റെ ചെമ്പേട്ടാ എന്നെ എന്നാണ് നിങ്ങള്‍ കട്ടെടുത്ത് കൊണ്ട് പോവുന്നത്. ആ ദിവസത്തിനായി കാത്തിരിക്കുന്നു. എന്ന് സ്വന്തം സുരഭി.’

മഞ്ജു പിള്ള ചാര്‍ലി ചാപ്ലിനായിരുന്നു എഴുതിയത്. പ്രിയപ്പെട്ട ചാര്‍ലിക്കുട്ടാ.. ഞാനീ ഭൂമിയിലേക്ക് വന്നപ്പോഴെക്കും നീ പോയി കളഞ്ഞല്ലോ.. ഒന്ന് കാത്തിരിക്കാമായിരുന്നില്ലേ, ഞാന്‍ വരുന്നത് വരെ.. ഇത്രയ്ക്ക് ക്ഷമ ഇല്ലെന്ന് പ്രതീക്ഷിച്ചില്ല. ഇനിയിപ്പോ അടുത്ത ജന്മത്തിലാവാമെന്നും കണ്ണീലെണ്ണ ഒഴിച്ച് കാത്തിരിക്കാമെന്ന് നിന്റെ സ്വന്തം പ്രണയിനി മഞ്ജു കുട്ടി.. എന്നുമാണ് മഞ്ജുവിന്റെ പ്രണയലേഖനം.