കങ്കണ റണാവത്തിന്റെ മാനേജറും സഹോദരിയുമായ രംഗോലി കഴിഞ്ഞ ദിവസം നടി തപ്‌സി പന്നുവിനെ വിമര്‍ശിച്ച് ട്വീറ്റ് ചെയ്തിരുന്നു. അഭിനയത്തിന്റെ കാര്യത്തില്‍ തപ്‌സി പന്നു കങ്കണയെ കോപ്പിയടിക്കുകയാണെന്നാണ് രംഗോലി പറഞ്ഞത്. ഇതിന് മറുപടിയുമായി തപ്‌സി തന്നെ രംഗത്ത് എത്തി.

നിങ്ങള്‍ ട്രോള്‍ ചെയ്യപ്പെടുന്നില്ലെങ്കില്‍ നിങ്ങളുടെ കാര്യത്തില്‍ സമയമോ ഊര്‍ജമോ കളയാന്‍ ആര്‍ക്കും ആഗ്രഹമില്ലെന്നും നിങ്ങള്‍ക്ക് പ്രാധാന്യം ഇല്ലെന്നുമാണ് അതിനര്‍ത്ഥം'. തപ്‌സി പറഞ്ഞു. 'സിനിമയിലെ എന്റെ സുഹൃത്തുക്കളില്‍ ഒരുപാട് പേര്‍ അവര്‍ക്ക് മറുപടിയുമായി രംഗത്ത് വന്നതാണ്. പലരെയും ഞാന്‍ എതിര്‍ത്തു.

ഞാന്‍ കാരണം കങ്കണയ്ക്കും രംഗോലിക്കും അനാവശ്യമായ മൈലേജ് ലഭിക്കേണ്ടതില്ല എന്നതുകൊണ്ടാണ്. ചുരുണ്ട മുടി വളര്‍ത്തി ഞാന്‍ കങ്കണയെ അനുകരിക്കുകയാണെന്ന് രംഗോലി പറഞ്ഞിരുന്നു. ചുരുളന്‍ മുടിക്ക് പകര്‍പ്പവകാശം വല്ലതുമുണ്ടോ ഞാന്‍ ജനിച്ചത് ഇങ്ങനെയാണ് തപ്‌സി കൂട്ടിച്ചേര്‍ത്തു.