സൗന്ദര്യകാര്യത്തില്‍ ഏറെ ശ്രദ്ധിക്കുന്നത് സിനിമാ താരങ്ങളാണ്. ഇക്കാര്യത്തില്‍ സണ്ണി ലിയോണും ഒട്ടും പിന്നിലല്ല. തന്റെ സൗന്ദര്യവും ആരോഗ്യവും സംരക്ഷിക്കാന്‍ ഭക്ഷണ കാര്യത്തിലൊക്കെ ഏറെ ശ്രദ്ധ നല്‍കാറുണ്ട് താരം. താരത്തിന്റെ ഒരു ദിനം ആരംഭിക്കുന്നത് ഒരു ഗ്ലാസ് തേങ്ങ വെള്ളമോ അല്ലെങ്കില്‍ നാരങ്ങ വെള്ളമോ കുടിച്ചാണ്. തേങ്ങാവെള്ളം ആരോഗ്യത്തിനും സൗന്ദര്യത്തിനും ഏറെ ഗുണപ്രദമാണ്. തേങ്ങവെള്ളം കുടിക്കുന്നതിന്റെ പ്രധാന ഗുണം ഇത് രക്തചംക്രമണം സാധാരണമാക്കുകയും ചര്‍മ്മത്തെ മിനുസമാക്കാന്‍ സഹായിക്കുകയും ചെയ്യുന്നു. തന്റെ ഇഷ്ടഭക്ഷണം ദാല്‍ മക്കാനിയാണെന്ന് താരം പറയുന്നു.

അതേ സമയം വാരിവലിച്ച് കഴിക്കുന്ന ശീലമില്ല. പ്രാതലായി ഓട്‌സാണ് സാധരാണയായി കഴിക്കാറ്. ഓട്‌സിനൊപ്പം കാപ്പിയും കഴിക്കും. ഉച്ചയ്ക്ക് വെജിറ്റബിള്‍ സാലഡാണ് കഴിക്കുക. അത്താഴത്തിനും മിക്കപ്പോഴും സാലഡാണ് തിരഞ്ഞെടുക്കുക. വല്ലപ്പോഴും പിസ കഴിക്കാന്‍ തോന്നുമ്പോള്‍ ചെറിയ കഷണം കഴിക്കും. ബട്ടറും ഉപ്പും ചേര്‍ക്കാത്ത പോപ്പ് കോണുകളും ഇടയ്ക്ക് കൊറിക്കും. നേരത്തെ എഴുന്നേല്‍ക്കാനും ശ്രമിക്കാറുണ്ടെന്ന് സണ്ണി ലിയോണ്‍ പറയുന്നു. ചിട്ടയായ വ്യായാമവും താരത്തിന്റെ സൗന്ദര്യ രഹസ്യമാണ്. കൃത്യമായ ഡയറ്റ് പിന്തുടരാറുണ്ടെന്നും താരം പറയുന്നു.