മുൻനിര നടന്മാർക്കൊപ്പം മലയാളത്തിൽ അഭിനയിക്കാൻ അവസരം കിട്ടിയ ഭാഗ്യ നായികയാണ് നടി കനിഹ. മമ്മൂട്ടി ചിത്രമായ പഴശിരാജയാണ് കനിഹയുടെ കരിയറിൽ വലിയൊരു ഹിറ്റ് സമ്മാനിച്ച ചിത്രം. ഇതിനു ശേഷം പുറത്തെത്തിയ മോഹൻലാൽ ചിത്രം സ്പിരിറ്റ്, ഭാഗ്യദേവത എന്നി ചിത്രങ്ങളിലൂടെ മലയാള സിനിമയിൽ ഒരു സ്ഥാനം ഉറപ്പിക്കുകയായിരുന്നു താരം. സോഷ്യൽ മീഡിയയിൽ സജീവ സാന്നിധ്യമാണ് കനിഹ. ജീവിതത്തിലെ സന്തോഷ നിമിഷങ്ങൾ പ്രേക്ഷകരുമായി താരം പങ്കുവെയ്ക്കാറുണ്ട്. ഇപ്പോൾ സോഷ്യൽ മീഡിയയിൽ തന്റെ പഴകാല ചിത്രം പപങ്കുവെച്ചിരിക്കുകയാണ്. അമ്മയ്ക്കൊപ്പമുള്ള ചിത്രത്തിനോടൊപ്പം ഹൃദയസ്പർശിയായ ഒരു കുറിപ്പും താരം പങ്കുവെച്ചിട്ടുണ്ട്.‌

ജീവിതത്തിലെ ഏറ്റവും സന്തോഷകരമായ നിമിഷം പണവുമായി ബന്ധപ്പെട്ടതല്ല. അവ ഓർമ്മകളും നിമിഷങ്ങളുമാണ്. അവ ഒരിക്കൽ പോലും അവസാനിപ്പിക്കരുത്. ആളുകൾ വരുന്നു പോകുന്നു. പക്ഷെ ഓർമകൾ അവശേഷിക്കുന്നു-കനിഹ ചിത്രത്തിനോടൊപ്പം കുറിച്ചു. മധുരയില്‍ എഞ്ചിനീയര്‍മാരായ മിസ്റ്റര്‍ ആന്റ് മിസിസ് വെങ്കട്ട് സുബ്രമണ്യന്‍ ദമ്പതിമാര്‍ക്ക് 1982ലാണ് കനിഹയെന്ന മകള്‍ ജനിക്കുന്നത്. ദിവ്യ വെങ്കട്ട് സുബ്രമണ്യന്‍ എന്നാണ് കനിഹയുടെ മുഴുവന്‍ പേര്. പഠിക്കാന്‍ മിടുക്കിയായിരുന്ന കനിഹ സ്‌കൂള്‍ പഠനകാലത്ത് തമിഴ്‌നാട് സംസ്ഥാന തലത്തില്‍ ശ്രദ്ധിക്കപ്പെട്ടിട്ടുണ്ട്. ബിരുദമെടുത്ത മെക്കാനിക്കല്‍ എഞ്ചിനീയറിംഗില്‍ സ്വര്‍ണ മെഡല്‍ ജേതാവുമാണ്. പാട്ട്, അഭിനയം, മോഡലിംഗ് എന്നീ മേഖലകളില്‍ മികവു കാണിച്ച നടി 2002ലാണ് സിനിമയിലെത്തുന്നത്. തെന്നിന്ത്യന്‍ ഭാഷകളില്‍ മുഴുവന്‍ അഭിനയിച്ച കനിഹ ഏറ്റവും കൂടുതല്‍ മലയാളത്തിലാണ് അഭിനയിച്ചിരിക്കുന്നത്.

മോഡലിംഗ് രംഗത്ത് നിന്നുമാണ് താരം സിനിമയിലേക്ക് എത്തിയത്. തെലുങ്ക് സിനിമയിലൂടെയാണ് അരങ്ങേറ്റമെങ്കിലും ശ്രദ്ധേയമായ വേഷങ്ങള്‍ കിട്ടിയത് മലയാളത്തില്‍ നിന്നുമായിരുന്നു. ചരിത്രത്തെ ആസ്പദമാക്കി ഒരുക്കിയ ബിഗ് ബജറ്റ് ചിത്രത്തിലടക്കം മമ്മൂട്ടിയുടെ നായികയായി അഭിനയിച്ച് കനിഹ ഞെട്ടിച്ചിരുന്നു. സാധാരണ വിവാഹത്തോടെ സിനിമാ ജീവിതം അവസാനിപ്പിക്കുന്നവരാണ് നടിമാര്‍. എന്നാല്‍ വിവാഹത്തിന് ശേഷമായിരുന്നു കനിഹ മലയാളത്തില്‍ സജീവമായത്. നടന്‍ ജയ് ശ്രീ ചന്ദ്രശേഖറിന്റെ സഹോദരനായ ശ്യാം രാധാകൃഷ്ണനാണ് കനിഹയുടെ ഭര്‍ത്താവ്. 2008 ലായിരുന്നു ഇവരുടെ വിവാഹം. യുഎസ് ആസ്ഥാനമായി പ്രവര്‍ത്തിക്കുന്ന കമ്പനിയില്‍ സോഫ്റ്റ് വെയര്‍ എന്‍ജിനീയറായി പ്രവര്‍ത്തിക്കുകയാണ് രാധകൃഷ്ണന്‍. ഇരുവര്‍ക്കും സായി റിഷി എന്നൊരു മകനുമുണ്ട്. 2010 ലായിരുന്നു മകന്‍ പിറക്കുന്നത്. ഇക്കാലയളവില്‍ സിനിമയില്‍ നിന്നും ചെറിയ ഇടവേള എടുത്തിരുന്നെങ്കിലും കനിഹ സിനിമയില്‍ സജീവമായി പ്രവര്‍ത്തിക്കുന്നുണ്ടായിരുന്നു.

1999 ൽ മിസ് . മധുരയായി കനിഹ തിരഞ്ഞെടുക്കപ്പെട്ടിരുന്നു. പിന്നീട് 2001 ലെ മിസ്സ് ചെന്നൈ മത്സരത്തില്‍ രണ്ടാം സ്ഥാനവും നേടി. മോഡലിംഗ് രംഗത്തുണ്ടായിരുന്ന കനിഹയെ സംവിധായകനായ സൂസി ഗണേശനാണ് വെള്ളിത്തിരയില്‍ കൊണ്ടുവന്നത്. അദ്ദേഹത്തിന്റെ തമിഴ് ചിത്രം ഫൈവ് സ്റ്റാറിൽ നായികയായി അവസരം കൊടുത്തു. പിന്നിട് തെലുങ്ക്, തമിഴ്, കന്നഡ സിനിമകളില്‍ അഭിനയിച്ചിരുന്ന കനിഹ എന്നിട്ടും എന്ന ചിത്രത്തിലൂടെയാണ് മലയാളത്തിലേക്ക് എത്തുന്നത്. അതിന് ശേഷമായിരുന്നു നടിയുടെ വിവാഹം. മലയാളത്തില്‍ ശ്രദ്ധേയമായ കനിഹയുടെ സിനിമകളെല്ലാം വിവാഹശേഷമുള്ളതായിരുന്നു.