ഇത് അത്ര നല്ല പ്രവണതയല്ല; ഞങ്ങളും നിങ്ങളെ പോലെ വികാരമുള്ള മനുഷ്യരാണ് ; ട്രോളന്മാർക്കെതിരെ വിമർശനവുമായി നടി നമിത പ്രമോദ് രംഗത്ത്
വാതുറക്കുന്ന എന്തും ട്രോളാക്കുന്ന കാലമാണിത്, എന്നാല് അത് അത്ര നല്ല പ്രവണതയല്ല. സോഷ്യല് മീഡിയയില് അതിരുകടക്കുന്ന ട്രോളുകളെ വിമര്ശിച്ച് മലയാളികളുടെ പ്രിയ നടി നമിത പ്രമോദ്. നായികമാരോ അല്ലെങ്കില് വനിത ആര്ട്ടിസ്റ്റുകളോ വാ തുറക്കുമ്പോഴാണ് ഇവിടെ എറ്റവും കൂടുതല് ട്രോള് വരുന്നത്. ട്രോളന്മാർ ചിന്തിക്കേണ്ട കാര്യം അവരെപ്പോലെ തന്നെ നമ്മളും മനുഷ്യരാണെന്നുളളതാണ്. അവരുടെ ലക്ഷ്യം സാമ്പത്തിക ലാഭം മാത്രമായി മാറിയിരിക്കുകയാണ് . ഒരാളുടെ വികാരങ്ങളെ വില്ക്കുന്നത് അത്ര നല്ലതല്ല.
സിനിമയിലും അഭിമുഖങ്ങളിലും കാണുമ്പോള് നമ്മള് ചിരിച്ചിരിക്കും. അതിനര്ത്ഥം നമ്മള് എപ്പോഴും സന്തോഷത്തോടെയാണ് എന്നല്ല. നമിത പ്രമോദ് പറയുന്നു. പുതിയ ചിത്രമായ മാര്ഗംകളിയെക്കുറിച്ചുള്ള വിശേഷങ്ങള് പങ്കുവച്ച് ഒരു പ്രമുഖമാധ്യമത്തിന് നല്കിയ അഭിമുഖത്തിലാണ് നമിത ഇക്കാര്യങ്ങള് പറഞ്ഞത്.
ഇതൊന്നും വിദ്യാഭ്യാസമില്ലായ്മയുടെ പ്രശ്നമല്ല. കുട്ടികള്ക്ക് ലൈംഗിക വിദ്യാഭ്യാസം കൊടുക്കേണ്ടത് മാതാപിതാക്കളാണ്. കുട്ടികള്ക്കായി അവബോധ ക്ലാസുകള് നടക്കുന്നുണ്ട്. നല്ലതും മോശവുമായ സ്പര്ശനത്തെക്കുറിച്ച് മനസ്സിലാക്കി കൊടുക്കുന്നുണ്ട്. നോ എന്ന് പറഞ്ഞാല് അത് അങ്ങനെ തന്നെ ആയിരിക്കണം. സിനിമക്കാര് എന്ന നിലയില് ഞങ്ങള്ക്ക് കിട്ടിയിരിക്കുന്ന ഗുണമെന്തെന്നാല് പൊതുവായ സ്ഥലങ്ങളില് വച്ച് ഞങ്ങള്ക്ക് ഇതേക്കുറിച്ചൊക്കെ സംസാരിക്കാന് അവസരം ലഭിക്കുന്നു എന്നതാണ്. അങ്ങനെ സംസാരിക്കുമ്പോൾ അതിനെ ജാഡയെന്നും മറ്റും വ്യാഖ്യാനിക്കാതെ അതില് കാര്യമുണ്ടോ എന്നാണ് ചിന്തിക്കേണ്ടത് - നമിത വ്യക്തമാക്കി. അഭിമുഖത്തില് നമിത പ്രമോദിനൊപ്പം മാര്ഗംകളിയിലെ നായകനായ ബിബിന് ജോര്ജ്ജ്,നടി സൗമ്യ മേനോന് തുടങ്ങിയവരും പങ്കെടുത്തിരുന്നു.
https://www.facebook.com/Malayalivartha