മോഡലിങ് ഭ്രാന്തുമായി നടന്ന വെളുത്തു മെലിഞ്ഞ് സുന്ദരിയായിരുന്നു സാകി കോസായ് എന്ന പെണ്‍കുട്ടി. ആ കാലത്തിലാണ് ടോക്കിയോ നഗരത്തില്‍ വച്ച് മോഡലിങ് ഏജന്‍സിയില്‍ നിന്നുള്ള ഒരാള്‍ ഒരു ജോലി വാഗ്ദാനം ചെയ്യുന്നത്. അന്ന് ഇരുപത്തിനാലു വയസു മാത്രമായിരുന്നു സാകിയുടെ പ്രായം.

കൂടുതല്‍ ഒന്നും ആലോചിക്കാതെ ആവേശത്തോടെ അയാള്‍ പരിചയപ്പെടുത്തിത്തന്ന ഏജന്‍സിയുമായി കരാറില്‍ ഒപ്പുവച്ചു. അതിരുകവിഞ്ഞ ആഹ്ലാദത്തോടെ ആദ്യദിവസം ജോലിക്കെത്തിയപ്പോഴാണ് താനൊരു പടുകുഴിയിലേക്കാണു വീണതെന്ന് സാകിക്കു മനസിലായത്. അതൊരു മോഡലിങ് ഏജന്‍സി ആയിരുന്നില്ല, പകരം ക്യാമറയ്ക്കു മുന്നില്‍ സെക്‌സ് ആയിരുന്നു അവര്‍ക്കു വേണ്ടിയിരുന്നത്. വസ്ത്രം ഉരിയാനാവാതെ കരച്ചില്‍ മാത്രമായിരുന്നു തന്റെ മറുപടിയെന്ന് ഓര്‍ക്കുന്നു മുപ്പതുകാരിയായ സാകി.

ഇരുപതോളം പേര്‍ തനിക്കു ചുറ്റും നില്‍ക്കുകയാണ്, അത്തരത്തില്‍ വളയപ്പെട്ടു നില്‍ക്കുമ്പോള്‍ ഒരു സ്ത്രീക്കും മറുത്തൊന്നും പറയാന്‍ കഴിയില്ല. കരാറിന്റെ പേരു പറഞ്ഞും ഭീഷണിപ്പെടുത്തിയുമൊക്കെ അവര്‍ എപ്പോഴും നിരന്തരം പീഡിപ്പിച്ചു കൊണ്ടിരിക്കുകയായിരിക്കും, നിയമവശങ്ങളെക്കുറിച്ചു വേണ്ട ധാരണയില്ലാത്ത പതിനെട്ടിനും ഇരുപത്തിയഞ്ചിനും ഇടയില്‍ പ്രായമുള്ളവരാണ് ഇതില്‍പ്പെടുന്നവരിലേറെയും.

കരാറിന്റെ പേരും പറഞ്ഞു കരിയറില്‍ ശ്രദ്ധ ചെലുത്താനായി വീട്ടുകാരുമായുള്ള സംസംര്‍ഗം പോലും ഏജന്‍സികള്‍ വേണ്ടെന്നു വെപ്പിച്ചു സാകി പറയുന്നു.നീലചിത്ര വ്യവസായത്തിനു പേരുകേട്ട ജപ്പാനില്‍ പക്ഷേ ആ മേഖലയിലെ കറുത്ത വശങ്ങളെക്കുറിച്ചു ചര്‍ച്ച ചെയ്യപെടാറേയില്ല. അതില്‍ ജോലി ചെയ്യേണ്ടി വരുന്നവര്‍ അനുഭവിക്കുന്ന ദുരിതങ്ങളേറെയും പുറംലോകം അറിയുന്നതേയില്ല. ഒരുവര്‍ഷത്തില്‍ ഏതാണ്ട് 30,000 അഡല്‍ട് ചിത്രങ്ങളാണ് ജപ്പാനില്‍ നിന്നായി പുറത്തിറങ്ങുന്നത്. അവയിലോരോന്നിലും അഭിനയിക്കുന്നതും സാകിയെപ്പോലെ മറ്റൊരു വഴിയുമില്ലാതെ കുടുങ്ങിയവരും.