അമലയുടെ മുന്‍ ഭര്‍ത്താവായ വിജയ്‌ രണ്ടാമത് വിവാഹത്തിന് ശേഷമാണ് അമല മനസ് തുറക്കുന്നത്. ആ വിവാഹത്തിൽ ഏറ്റവും കൂടുതല്‍ സന്തോഷിക്കുന്നത് താനാണെന്ന് തുറന്നു പറയുകയാണ്‌ അമല. അതുകൂടാതെ തന്റെ പ്രണയവും താരം ഒരു അഭിമുഖത്തില്‍ വെളിപ്പെടുത്തിയിരുന്നു. 'വിജയ് ഞാന്‍ ഇഷ്ടപ്പെടുന്ന വളരെ മാന്യനായ വ്യക്തിയാണ്. ഒരു പ്രശ്നം മൂടിവച്ച്‌ അത് അവഗണിച്ച്‌ മുന്നോട്ടു പോകാന്‍ ഞങ്ങള്‍ ആഗ്രഹിച്ചിരുന്നില്ല. ഞങ്ങള്‍ പിരിഞ്ഞപ്പോള്‍ മുതല്‍ വിജയിന് നല്ലൊരു പെണ്‍കുട്ടിയെ ഭാര്യയായി കിട്ടണേ എന്നായിരുന്നു എന്റെ പ്രാര്‍ഥന. ' അമല പങ്കുവച്ചു. തന്നെ മനസിലാക്കുന്ന ഒരാളുമായി റിലേഷന്‍ഷിപ്പിലാണെന്നു പറഞ്ഞ അമല ഞങ്ങള്‍ ഒരുമിച്ചാണ് താമസമെന്നും സമയമാകുമ്ബോള്‍ ആ വ്യക്തിയെ പരിചയപ്പെടുത്തുമെന്നും വ്യക്തമാക്കി.