പൃഥ്വിരാജിന്റെ സംവിധാനത്തില് ഒരു മമ്മൂക്ക ചിത്രം ഉടന് പ്രതീക്ഷിക്കാം...
മലയാളസിനിമയിലല് അഭിനയരംഗത്ത് മാത്രമല്ല സംവിധാനത്തിലും ഒരു സ്ഥാനം ഉറപ്പിച്ച നടനാണ് പൃഥ്വിരാജ് സുകുമാരന്. പൃഥ്വിരാജ് സംവിധായകന്റെ കുപ്പായമണിഞ്ഞപ്പോള് നടനവിസ്മയം മോഹന്ലാല് ആയിരുന്നു നായകനായി എത്തിയത്. ലൂസിഫര് എന്ന ആ ചിത്രം മലയാളക്കര കണ്ട ഏറ്റവും വലിയ വിജയമായി മാറിയതിനു ശേഷം പൃഥ്വിരാജ് നേരിട്ട ഏറ്റവും വലിയ ചോദ്യമാണ് എന്നാണ് മമ്മൂട്ടിയുമായുള്ള ഒരു ചിത്രം. പൃഥ്വിരാജിന്റെ സംവിധാനത്തില് മമ്മൂട്ടി നായകനായ ഒരു ചിത്രത്തിനു വേണ്ടി ആരാധകര്ക്കിടയില് ചെറിയ രീതിയില് ഒരു കാത്തിരിപ്പുണ്ട്. അത്തരത്തില് പ്രതീക്ഷയര്പ്പിച്ചിരിക്കുന്നവര്ക്ക് പൃഥ്വിരാജിന്റെ വാക്കുകള് വലിയ പ്രത്യാശയാണ് നല്കുന്നത്. ലൂസിഫറിന്റെ രണ്ടാംഭാഗമായ എമ്ബുരാന് എന്ന ചിത്രത്തിനു ശേഷം പൃഥ്വിരാജ് സംവിധാനത്തില് ഒരു മമ്മൂട്ടി ചിത്രം ആവും ഉണ്ടാവുക എന്ന് മമ്മൂട്ടി ആരാധകര് ഇപ്പോള് പ്രതീക്ഷിക്കുന്നു. മോഹന്ലാലിനോടുള്ള ആരാധനയ്ക്ക് പുറമേ ഒരു കടുത്ത മമ്മൂട്ടി ആരാധകനാണ് താനെന്ന് വെളിപ്പെടുത്തിയിട്ടുള്ള പൃഥ്വിരാജില് നിന്നും ഒരു മികച്ച മമ്മൂട്ടി ചിത്രം ഉണ്ടാവുമെന്ന് പൃഥ്വിരാജ് ഇപ്പോള് തുറന്നു പറഞ്ഞിരിക്കുകയാണ്. ഏറെ ആവേശത്തോടെയാണ് മമ്മൂട്ടി ആരാധകര് ഈ പ്രഖ്യാപനത്തെ സ്വീകരിച്ചത്. എമ്ബുരാന് ശേഷം മെഗാസ്റ്റാര് മമ്മൂട്ടിയുമായി ഒരു ചിത്രം ഉറപ്പായി ഉണ്ടാകുമെന്നും ആ ചിത്രത്തിന് തിരക്കഥ മുരളി ഗോപിയുടേത് ആയിരിക്കുമെന്നും ഒരു മാധ്യമത്തിന് നല്കിയ അഭിമുഖത്തിലാണ് താരം ഇക്കാര്യം പറഞ്ഞത്. കൂടുതലായുള്ള വിവരങ്ങളൊന്നും പൃഥ്വിരാജ് പങ്കുവെച്ചില്ലെങ്കിലും ഒരു മമ്മൂട്ടി ചിത്രം പൃഥ്വിരാജ് സംവിധാനത്തില് ഉണ്ടാകുമെന്ന കാര്യത്തില് കൃത്യമായ ഉറപ്പ് വന്നിരിക്കുകയാണ്. മെഗാസ്റ്റാറിനെ ഒരു മെഗാ മാസ് മൂവി ആയിരിക്കും ഈ ചിത്രമെന്നാണ് ഏവരും പ്രതീക്ഷിക്കുന്നത്.
https://www.facebook.com/Malayalivartha