പ്രമോഷന് പരിപാടിയ്ക്കിടെ തന്നെ ലേഡി സൂപ്പര് സ്റ്റാര് എന്ന് വിളിക്കുന്നതിനെ വിലക്കി നയന്താര
സത്യന് അന്തിക്കാട് സംവിധാനം ചെയ്ത മനസ്സിനക്കരെ എന്ന സിനിമയിലൂടെ അരങ്ങേറിയ നയന്താര മലയാളത്തില് വളരെ ചുരുങ്ങിയ സിനിമകളിലാണ് അഭിനയിച്ചത്. നയന്താരയെ വളര്ത്തിയത് തമിഴ്, തെലുങ്ക് സിനിമാ ലോകത്ത് ഇപ്പോള് ലേഡി സൂപ്പര് സ്റ്റാറാണ്. ഇപ്പോഴിതാ തന്നെ ലേഡി സൂപ്പര് സ്റ്റാര് എന്ന് വിളിക്കുന്നതിനെ വിലക്കി എത്തിയിരിക്കുകയാണ് താരം, തന്റെ പുതിയ ചിത്രം അന്നപൂരണിയുടെ പ്രമോഷന് പരിപാടിയ്ക്കിടെയാണിത്.
തന്നെ ലേഡി സൂപ്പര് സ്റ്റാര് എന്ന് വിളിക്കുന്നത് ഇഷ്ടപ്പെടാത്തവരും ഏറെയുണ്ടെന്നാണ് നയന് താര പറയുന്നത്. സ്നേഹപൂര്വ്വമാണ് നയന്താര ഇക്കാര്യങ്ങള് പറയുന്നത്. നയന്താര നായികയായി എത്തുന്ന ചിത്രത്തിന്റെ ഫസ്റ്റ്ഷോ കാണാറുണ്ടോ എന്നാണ് അഭിമുഖം നടത്തിയാള് ചോദിച്ചത്. എന്നാല് തനിക്ക് ഫസ്റ്റ് ഷോ കാണാന് പേടിയാണെന്നും. പൊതുവില് നൈറ്റ് ഷോയാണ് കാണാറെന്നും നയന്താര പറയുന്നു.ആ സമയം ആകുമ്പോള് എങ്ങനെ ആളുകള് ചിത്രം സ്വീകരിച്ചുവെന്ന് അറിയാന് സാധിക്കും. എന്നാലും ചില പേടികള് റിലീസ് ദിവസം മനസിലുണ്ടാകും എന്നും താരം പഞ്ഞു.
ഈ സമയം ലേഡി സൂപ്പര് സ്റ്റാറിന് ഭയമോ എന്ന് അഭിമുഖം നടത്തിയാള് ചോദിച്ചു. ഇതോടെയാണ് തന്നെ അങ്ങനെ വിളിക്കരുത് എന്ന് നയന്താര പറഞ്ഞത്. അന്നപൂരണി എന്ന ചിത്രത്തില് തന്നെ ലേഡി സൂപ്പര്സ്റ്റാര് എന്ന് വച്ചത് എന്നോട് ചോദിക്കാതെ സംവിധായകനാണ്. ഇത്തരം കാര്യങ്ങള് എന്നോട് ചോദിക്കണം എന്ന് പറഞ്ഞിരുന്നു. എന്നാല് അതൊരു സര്പ്രൈസാണെന്നാണ് സംവിധായകന് പറഞ്ഞത്.
തന്റെ കരിയറില് അത്തരത്തില് ഒരു വിളിക്ക് വേണ്ടിയുള്ള വലിയ കഥാപാത്ര തെരഞ്ഞടുപ്പുകള് ഞാന് നടത്തിയിട്ടില്ല. പക്ഷെ ചിലര് അത് വിളിക്കുന്നത് സന്തോഷത്തോടെയാണ്. എന്നാല് പത്തുപേര് ലേഡി സൂപ്പര് സ്റ്റാര് എന്ന് വിളിക്കുമ്പോള് 40 പേര് അത് ഇഷ്ടപ്പെടാത്തവരുണ്ടാകും. അവര് അത് കളിയാക്കാനുള്ള കാര്യമായി എടുക്കും' നയന്താര പറഞ്ഞു.
https://www.facebook.com/Malayalivartha