സംഗീതഞ്ജന് രമേഷ് നാരായണ് അപമാനിച്ച സംഭവം... ആസിഫ് അലിക്ക് പൂര്ണ പിന്തുണയുമായി താരസംഘടനയായ 'അമ്മ'
സംഗീതഞ്ജന് രമേഷ് നാരായണ് അപമാനിച്ച സംഭവത്തില് ആസിഫ് അലിക്ക് പൂര്ണ പിന്തുണയുമായി താരസംഘടനയായ 'അമ്മ'. സംഘടനയുടെ ഓഫീഷ്യല് സോഷ്യല് മീഡിയ പേജ് വഴിയാണ് ആസിഫ് അലിയ്ക്ക് പിന്തുണ പ്രഖ്യാപിച്ചത്. 'ആട്ടിയകറ്റിയ ഗര്വിനോട് നീ ചിരിച്ച ചിരിയാണ് യഥാര്ത്ഥ സംഗീതം അമ്മ ആസിഫിനൊപ്പം', എന്നാണ് നടന്റെ ഫോട്ടോയ്ക്ക് ഒപ്പം സംഘടന കുറിച്ചത്.
എം ടി വാസുദേവന് നായരുടെ കഥകളെ ആസ്പദമാക്കി ഒരു ആന്തോളജി ചിത്രം ഒരുങ്ങുന്നുണ്ട്. ഇതിന്റെ ട്രെയിലര് ലോഞ്ചിനിടെ കഴിഞ്ഞ ദിവസം ആയിരുന്നു ആസിഫ് അലി- രമേഷ് നാരായണ് വിഷയം നടന്നത്. ആന്തോളജി ചിത്രത്തിലെ 'സ്വര്ഗം തുറക്കുന്ന സമയം' എന്ന പടത്തില് രമേഷ് നാരായണ് സംഗീതം ഒരുക്കുന്നുണ്ട്.
ഇതിനോട് അനുബന്ധിച്ച് പുരസ്കാരം നല്കുന്നതിന് വേണ്ടി ആസിഫ് അലിയെ ക്ഷണിക്കുക ആയിരുന്നു. എന്നാല് താല്പര്യം ഇല്ലാതെ, സദസിനെ പുറംതിരിഞ്ഞ് നിന്ന് പുരസ്കാരം വാങ്ങിയ രമേഷ്, സംവിധായകന് ജയരാജിനെ വിളിച്ചു. ശേഷം ഇദ്ദേഹത്തില് നിന്നും പുരസ്കാരം വാങ്ങിക്കുക ആയിരുന്നു.
സംഭവത്തിന്റെ വീഡിയോ വ്യാപകമായി പ്രചരിക്കുകയും ചെയ്തു. തനിക്കെതിരെ നടന്ന അനീതിയെ ചെറു പുഞ്ചിരിയോടെ നേരിട്ട ആസിഫിനെ പ്രശംസിച്ച് കൊണ്ട് നിരവധി പേരാണ് രംഗത്ത് എത്തുന്നത്. ഒപ്പം രമേഷ് നാരായണന് എതിരെ വന് വിമര്ശനവും ഉയരുന്നുണ്ട്. മലയാള സിനിമാ താരങ്ങളും രാഷ്ട്രീയ പ്രവര്ത്തകരും അടക്കം നിരവധി പേരാണ് വിഷയത്തില് പ്രതികരണവുമായി രംഗത്ത് എത്തുന്നത്.
സംഭവത്തിന് പിന്നാലെ പ്രതികരണവുമായി രമേശ് നാരായണന് രംഗത്തെത്തി. ആസിഫിനെ ശ്രദ്ധിച്ചില്ലെന്നത് വാസ്തവമാണെങ്കിലും അപമാനിക്കുകയോ വിവേചനം കാണിക്കുകയോ ചെയ്തിട്ടില്ലെന്ന് രമേശ് നാരായണന് പറഞ്ഞു.'സന്തോഷ് നാരായണന്റെ പേരാണ് അവിടെ അനൗണ്സ് ചെയ്തത്, പിന്നാലെ ആസിഫ് വന്ന് മൊമന്റോ എന്നെ ഏല്പ്പിച്ച് പോയി. ആസിഫ് എനിക്കാണോ ഞാന് ആസിഫിനാണോ മൊമന്റോ നല്കേണ്ടത് എന്ന് പോലും വ്യക്തമാകുന്നതിന് മുന്പേ, മെമെന്റോ എന്നെ ഏല്പ്പിച്ച ആസിഫ് ഒരു ആശംസ പോലും പറയാതെ പോയി. തുടര്ന്നാണ് ഞാന് ജയരാജിനെ വിളിച്ചത്. ആസിഫിനെ ശ്രദ്ധിച്ചില്ലെന്നത് വാസ്തവമാണെങ്കിലും അപമാനിക്കുകയോ വിവേചനം കാണിക്കുകയോ ചെയ്തിട്ടില്ല'. 'ഇന്ന് രാവിലെ അവിടെയുണ്ടായ സംഭവങ്ങളില് ക്ഷമചോദിച്ച് ജയരാജ് സന്ദേശം അയച്ചിരുന്നു. ഇതൊരു മൊമന്റോ മാത്രമല്ലേ, പുരസ്കാരമൊന്നുമല്ലല്ലോ ഏതെങ്കിലും ഒരു വ്യക്തി തരണമെന്ന് വാശിപടിക്കാന്. വസ്തുത ഇതായിരിക്കെ കാര്യങ്ങള് മനസിലാക്കാതെയുള്ള സൈബര് ആക്രമണത്തില് വിഷമമുണ്ട്'-രമേശ് നാരായണന് പറഞ്ഞു.
https://www.facebook.com/Malayalivartha
